പാൽതു ജാൻവറിന് ശേഷം ബേസിൽ ജോസഫ് നായകനായെത്തുന്ന ചിത്രം ജയ ജയ ജയ ജയ ഹേയുടെ ഫസ്റ്റ് ലുക്ക് പോസ്റ്ററെത്തി. മോഷൻ പോസ്റ്ററാണ് പുറത്തിറക്കിയിരിക്കുന്നത്. ദർശന രാജേന്ദ്രനാണ് ചിത്രത്തിലെ നായിക. വിപിൻ ദാസ് ആണ് ചിത്രത്തിന്റെ സംവിധായകൻ. രചനയും വിപിൻ തന്നെയാണ്. കല്യാണ ഫോട്ടോയ്ക്ക് പോസ് ചെയ്യുന്ന ബേസിലിനെയും ദർശനയെയുമാണ് പോസ്റ്ററിൽ കാണാൻ കഴിയുക. പിന്നിൽ മറ്റ് ചിലർ നിൽക്കുന്നതും കാണാം. പോസ് ചെയ്യുന്ന രീതി ക്യാമറാമാൻ പറഞ്ഞ് കടുക്കുന്നതും പോസ്റ്ററിൽ കേൾക്കാൻ കഴിയും. ബേസിൽ തന്റെ സോഷ്യൽ മീഡിയ പേജിലൂടെ പോസ്റ്റർ പങ്കുവെച്ചിട്ടുണ്ട്.
ദീപാവലിക്ക് ആണ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. ഒക്ടോബർ 21ന് ചിത്രം തിയേറ്ററുകളിലെത്തും. സൂപ്പർ ഡൂപ്പർ ഫിലിംസുമായി ചേർന്ന് ചിയേഴ്സ് എന്റർടെയ്ൻമെന്റ്സ് ആണ് ചിത്രം നിർമ്മിക്കുന്നത്. ലക്ഷ്മി വാര്യർ, ഗണേശ് മോനോൻ എന്നിവരാണ് ബേസിൽ ചിത്രത്തിന്റെ നിർമ്മാതാക്കൾ. അമൽ പോൾസൺ ആണ് സഹനിർമ്മാതാവ്. ബബ്ലു അജുവാണ് ക്യാമറ കൈകാര്യം ചെയ്തിരിക്കുന്നത്. അങ്കിത് മേനോനാണ് സംഗീതം ഒരുക്കിയിരിക്കുന്നത്. എഡിറ്റർ ജോൺകുട്ടി.
Chup Movie: 'ഗയ ഗയ ഗയ', ദുൽഖർ ചിത്രം 'ചുപ്' ലെ ഗാനത്തിന്റെ ടീസറെത്തി
ദുല്‍ഖര്‍ സൽമാന്റെ മൂന്നാമത്തെ ബോളിവുഡ് ചിത്രമാണ് 'ചുപ്: റിവെഞ്ച് ഓഫ് ദ് ആര്‍ട്ടിസ്റ്റ്'. ആര്‍ ബല്‍കി ആണ് ചിത്രം സംവിധാനം ചെയ്യുന്നത്.
ചിത്രത്തിന്റെ രചന നിർവഹിച്ചിരിക്കുന്നതും ബല്‍കി തന്നെയാണ്. ചിത്രത്തിലെ ഒരു ഗാനത്തിന്റെ ടീസര്‍ പുറത്തുവിട്ടിരിക്കുകയാണ് അണിയറക്കാർ. ദുൽഖറും ഗാനത്തിന്റെ ടീസർ പങ്കുവെച്ചിട്ടുണ്ട്. 'ഗയ ഗയ ഗയ' എന്ന ഗാനത്തിന്റെ ടീസറാണ് പുറത്തുവിട്ടത്. അമിത് ത്രിവേദിയാണ് ചിത്രത്തിന് സംഗീതം നൽകുന്നത്. സെപ്റ്റംബർ 12ന് ഗാനം പുറത്തിറക്കും. പ്രമുഖ ബോളിവുഡ് സംവിധായകനും നടനുമൊക്കെയായിരുന്ന ഗുരു ദത്തിനുള്ള ആദരം എന്ന നിലയ്ക്കാണ് ചിത്രം ഒരുക്കിയിരിക്കുന്നത്. സൈക്കോളജിക്കല്‍ ത്രില്ലര്‍ വിഭാഗത്തില്‍ പെടുന്ന ചിത്രമാണ് ചുപ്.
സെപ്റ്റംബർ 23നാണ് ചുപ് തിയേറ്ററുകളിൽ റിലീസ് ചെയ്യുക. ചിത്രത്തിന് കലാകാരന്റെ പ്രതികാരം എന്ന് അർഥം വരുന്ന റിവഞ്ച് ഓഫ് ആൻ ആർട്ടിസ്റ്റ് (Revenge Of An Artist) എന്ന് ടാഗ് ലൈനാണ് നൽകിയിരിക്കുന്നത്. ദുൽഖർ, സണ്ണി ഡിയോൾ, പൂജ ഭട്ട് എന്നിവർക്ക് പുറമെ അമിതാഭ് ബച്ചനും സിനിമിൽ ഉണ്ടാകുമെന്ന് ചിത്രത്തിന്റെ സംവിധായകൻ ബാൽകി ഒരു അഭിമുഖത്തിൽ അറിയിച്ചിരുന്നു. തന്റെ എല്ലാ സിനിമയിലും ബച്ചൻ ഒരു കഥാപാത്രത്തെ എങ്കിലും അവതരിപ്പിച്ചിട്ടുണ്ട്, ഈ ചിത്രത്തിൽ കഥയിൽ പ്രധാന ഘട്ടത്തിൽ ബച്ചൻ ഉണ്ടാകുമെന്നാണ് ബാൽകി ഇന്റവ്യൂവിൽ അറിയിച്ചത്. അമിതാഭ് ബച്ചന് ദേശീയ അവാർഡ് ലഭിച്ച പാ എന്ന ചിത്രത്തിന്റെ സംവിധായകനാണ് ആർ.ബാൽകി.
Also Read: Kothu Movie Release Date : ആസിഫ് അലിയുടെ കൊത്ത് നേരത്തേയെത്തും; പുതിയ റിലീസ് തീയതി പ്രഖ്യാപിച്ചു
ബാൽകി ആദ്യമായിട്ടാണ് ത്രില്ലർ വിഭാഗത്തിലുള്ള ഒരു ചിത്രം നിർമിക്കുന്നത്. പാ കൂടാതെ ചീനി കം, കീ ആൻഡ് കാ, ഷമിതാഭ്, അക്ഷയ്കുമാറിന്റെ പാഡ്മാൻ എന്നീ ചിത്രങ്ങളുടെ കൂടി സംവിധായകനാണ് ആർ ബാൽകി. ബാൽകിയും രാജ സെന്നും, റിഷ് വർമാനിയും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. വിശാൽ സിൻഹയാണ് ക്യാമറ കൈകാര്യം ചെയ്യുന്നത്. ഇതിന് മുമ്പ് ദുൽഖർ ഇർഫാൻ ഖാനിനൊപ്പം കാർവാനിൽ അഭിനയിച്ചിരുന്നു. സോനം കപൂറിനൊപ്പം ഇന്ത്യന്‍ ക്രിക്കറ്റ് ടീം ക്യാപ്റ്റന്‍ 'നിഖില്‍ ഖോഡ' എന്ന കഥാപാത്രത്തെ അവതരിപ്പിച്ച ദി സോയ ഫാക്ടറാണ് ദുൽഖറിന്റെ മറ്റൊരു ഹിന്ദി ചിത്രം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
