Crime News: കൊല്ലത്ത് സുഹൃത്ത് പെട്രോളൊഴിച്ച് തീ കൊളുത്തിയ യുവതി മരിച്ചു

കൊല്ലം: കൊല്ലം അഴീക്കലിൽ ആൺസുഹൃത്ത് പെട്രോൾ ഒഴിച്ച് തീകൊളുത്തിയ യുവതി മരിച്ചു. അഴീക്കൽ സ്വദേശി ഷൈജ മോൾ ആണ് മരിച്ചത്. ഇവരുടെ ആൺ സുഹൃത്ത് ഷിബു ആണ് യുവതിയെ പെട്രോൾ ഒഴിച്ച് തീകൊളുത്തിയത്. യുവതിയെ തീകൊളുത്തിയതിന് ശേഷം ഇയാളും തീകൊളുത്തിയിരുന്നു. ഇയാൾ സംഭവ സ്ഥലത്ത് വച്ച് തന്നെ മരിച്ചു.

യുവതിയും സുഹൃത്തും നാല് വർഷമായി ഒന്നിച്ചാണ് താമസിച്ചിരുന്നത്. ശനിയാഴ്ച രാത്രി ഷൈജ മോളുടെ വീട്ടിലെത്തിയ ഷിബു ഇവരുമായി വഴക്കിടുകയും കയ്യിൽ കരുതിയിരുന്ന പെട്രോൾ ഒഴിച്ച് തീകൊളുത്തുകയും ആയിരുന്നു. സംഭവ സമയത്ത് ഷൈജ മോളുടെ മാതാപിതാക്കളും വീട്ടിൽ ഉണ്ടായിരുന്നു.

ALSO READ: കൊല്ലത്ത് യുവാവിനെ നഗ്നനാക്കി റോഡിലെ പോസ്റ്റിൽ കെട്ടിയിട്ട് മർദ്ദിച്ചു; നാല് പ്രതികൾ പിടിയിൽ

ഇവരുടെ നിലവിളി കേട്ട് നാട്ടുകാർ എത്തിയതോടെ ഷിബു സ്വയം പെട്രോൾ ഒഴിച്ച് തീകൊളുത്തി. നാട്ടുകാർ ചേർന്ന് ഇരുവരെയും ആശുപത്രിയിൽ എത്തിച്ചെങ്കിലും യുവാവ് മരിച്ചിരുന്നു. ഷൈജ മോൾ ചികിത്സയിലിരിക്കെയാണ് മരിച്ചത്. ഷിബു നിരവധി കേസുകളിൽ പ്രതിയാണെന്നാണ് പോലീസ് വ്യക്തമാക്കുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy