കൊച്ചി: കളമശ്ശേരി റിയൽ എസ്റ്റേറ്റുകാരിയായ ജെയ്സി എബ്രഹാമിന്റെ കൊലപാതകത്തിൽ രണ്ട് പേർ അറസ്റ്റിൽ. ജെയ്സിയുടെ സുഹൃത്തും കാക്കനാട് സ്വദേശിയുമായ ഗിരീഷ് കുമാർ, ഖദീജ എന്നിവരാണ് പിടിയിലായത്. ഇൻഫോപാർക്ക് ജീവനക്കാരനാണ് ഗിരീഷ് കുമാർ.
സ്വർണവും പണവും മോഷ്ടിക്കാനാണ് കൊലപാതകം നടത്തിയതെന്ന് പൊലീസ് പറയുന്നു. ഡംബൽ കൊണ്ട് തലയ്ക്കടിച്ചാണ് കൊലപാതകം. ഖദീജയുടെ വീട്ടിൽ വച്ചായിരുന്നു കൊലപാതകം ആസൂത്രണം ചെയ്തത്.
Read Also: കണ്ണൂ‍ർ വളപട്ടണത്ത് വൻ കവർച്ച; ഒരു കോടിയും 300 പവൻ സ്വർണവും കവർന്നു
ഈ മാസം 17നാണ് കളമശ്ശേരി കൂനംതൈയിലെ അപ്പാർട്മെന്റിൽ ഒറ്റയ്ക്ക് താമസിച്ചിരുന്ന ജെയ്സിയെ ശുചിമുറിയിൽ മരിച്ച നിലയിൽ കണ്ടെത്തിയത്. കാനഡയിൽ ജോലിയുള്ള ഏക മകൾ അമ്മയെ ഫോണിൽ കിട്ടാതെയായപ്പോൾ പൊലീസിനെ അറിയിക്കുകയായിരുന്നു. പൊലീസെത്തി വാതിൽ പൊളിച്ച് അകത്തു കയറിയപ്പോഴാണ് മൃതദേഹം കണ്ടെത്തിയത്.
പോസ്റ്റ് മോർട്ടത്തിലാണ് കൊലപാതകമാ‌ണെന്ന സൂചനകൾ ലഭിച്ചത്. തലയിൽ ആഴത്തിൽ മുറിവുണ്ടായിരുന്നു. രണ്ട് പവന്റെ ആഭരണവും മൊബൈൽ ഫോണും നഷ്ടപ്പെട്ടിരുന്നു. ജെയ്സിയുടെ താമസസ്ഥലത്ത് സിസിടിവി ഇല്ലാതിരുന്നത് അന്വേഷണത്തിന് തടസ്സമായി. സമീപത്തെ സിസിടിവി ദൃശ്യങ്ങളാണ് പ്രതികളെ കണ്ടെത്താൻ പൊലീസിനെ സഹായിച്ചത്. കൊലപാതകം നടന്ന ദിവസം ഹെൽമെറ്റ് ധരിച്ച് യുവാവ് അപ്പാർട്മെന്റിലേക്കെത്തുന്നതും രണ്ട് മണിക്കൂറിന് ശേഷം തിരിച്ച് പോകുന്നതും ദൃശ്യങ്ങളിലുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
