മുംബൈ∙ മദ്യപിച്ച് വാഹനമോടിച്ചതിന് സുഹൃത്തുക്കള്‍ക്കൊപ്പം പിടിയിലായ പെണ്‍കുട്ടി മുംബൈ വേർളി സ്റ്റേഷനിൽവച്ച് പൊലീസുകാരെ ആക്രമിച്ചു. കഴിഞ്ഞ ശനിയാഴ്ച രാത്രി നടന്ന സംഭവത്തിന്റെ ദൃശ്യങ്ങൾ പുറത്തുവന്നു.
ആർക്കിറ്റെക്ചർ വിദ്യാർഥിനിയായ ഗൗരി ബിഡ് എന്ന 21കാരി സുഹൃത്തുക്കൾക്കൊപ്പം മദ്യപിച്ച ശേഷം അമിത വേഗതയിൽ കാറോടിക്കുകയും ഡിവൈഡറിലും ഫുട്പാത്തിലേക്കും ഇടിച്ചു കയറ്റുകയും ചെയ്തു.
മദ്യലഹരിയിൽ പൊലീസുകാരന്‍റെ മുഖത്തടിച്ച ഗൗരി സ്റ്റേഷനിലെ കംപ്യൂട്ടർ നിലത്തെറിയുകയും പൊലീസുകാരുടെ ഫോണുകൾ തകര്‍ക്കുകയും ചെയ്തു.ദൃശ്യങ്ങൾ പൊലീസുകാർ ക്യാമറയിൽ പകർത്തിയതോടെയാണ് സംഭവം പുറത്തറിഞ്ഞത്. വീഡിയോ കാണാം.
