Monsoon health: മഴക്കാലത്ത് ഫംഗസ് അണുബാധകൾ ഉണ്ടാകാതിരിക്കാൻ ഇക്കാര്യങ്ങൾ ശ്രദ്ധിക്കാം

മൺസൂൺ ഉന്മേഷദായകമായ മഴയും തണുത്ത കാറ്റും ഉള്ളതിനാൽ പലരും ഇഷ്ടപ്പെടുന്ന ഒരു സീസണാണ്. എന്നിരുന്നാലും, മഴയ്‌ക്കൊപ്പം ഈ സീസണിൽ ഒരു കൂട്ടം ആരോഗ്യ പ്രശ്‌നങ്ങളും ഉണ്ടാകാറുണ്ട്. പ്രത്യേകിച്ച് ഫംഗസ് അണുബാധകൾ ഉണ്ടാകാനുള്ള സാധ്യത വളരെ കൂടുതലാണ്. മൺസൂൺ കാലത്തെ വർദ്ധിച്ച ഈർപ്പം ഫംഗസുകൾക്ക് അനുയോജ്യമായ പ്രജനന സംവിധാനം സൃഷ്ടിക്കുന്നു. ഇത് ചർമ്മത്തിലും നഖങ്ങളിലും അണുബാധയ്ക്ക് കാരണമാകുന്നു. ഈ മൺസൂൺ കാലത്ത് ആരോഗ്യം നിലനിർത്താനും ഫംഗസ് അണുബാധയെ ചെറുക്കാനും ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് നോക്കാം.

ചർമ്മത്തിൽ ഈർപ്പമില്ലാതിരിക്കാൻ ശ്രദ്ധിക്കുക: അമിതമായ ഈർപ്പം ചർമ്മത്തിൽ ഫംഗസ് വളർച്ചയ്ക്ക് കാരണമാകും. മഴയിൽ നനഞ്ഞ ശേഷം ചർമ്മം നന്നായി ഉണങ്ങിയെന്ന് ഉറപ്പാക്കുക. കാൽ വിരലുകൾ, നഖങ്ങൾ, ചർമ്മം എന്നിങ്ങനെ ഫംഗസ് അണുബാധയ്ക്ക് സാധ്യതയുള്ള സ്ഥലങ്ങളിൽ പ്രത്യേകം ശ്രദ്ധ നൽകുക. മൃദുവായ ടവൽ ഉപയോഗിച്ച് ശരീരം എപ്പോഴും ഈർപ്പമില്ലാത്തതായി നിലനിർത്താൻ ശ്രദ്ധിക്കുക.

അയഞ്ഞ കോട്ടൺ വസ്ത്രങ്ങൾ ധരിക്കുക: കോട്ടൺ, ലിനൻ തുടങ്ങിയ അയഞ്ഞ തുണിത്തരങ്ങൾ തിരഞ്ഞെടുക്കുക. ഇത്തരം വസ്ത്രങ്ങൾ ശരീരത്തിന് വായു സഞ്ചാരം നൽകുകയും ചർമ്മത്തെ വരണ്ടതാക്കുകയും ഫംഗസ് അണുബാധ തടയുകയും ചെയ്യുന്നു. ഇറുകിയതോ കട്ടി കൂടിയതോ ആയ വസ്ത്രങ്ങൾ ധരിക്കുന്നത് ഒഴിവാക്കുക. കാരണം, അവ ഈർപ്പം പിടിച്ചുനിർത്തുകയും ഫംഗസ് വളർച്ചയുടെ സാധ്യത വർധിപ്പിക്കുകയും ചെയ്യും.

ALSO READ: Weight loss tips: പെരുംജീരകം വെള്ളം ആരോ​ഗ്യത്തിന് അത്യുത്തമം; എന്നാൽ ഈ പാർശ്വഫലങ്ങളും അറിഞ്ഞിരിക്കണം

വ്യക്തിശുചിത്വം പാലിക്കുക: നല്ല വ്യക്തിശുചിത്വം ഫംഗസ് അണുബാധ തടയുന്നതിൽ നിർണായക പങ്ക് വഹിക്കുന്നു. ആന്റി ഫംഗൽ സോപ്പ് ഉപയോഗിച്ച് പതിവായി കുളിക്കുക. പ്രത്യേകിച്ച്, മഴയിൽ നനഞ്ഞതിന് ശേഷം ആന്റി ഫം​ഗൽ സോപ്പ് ഉപയോ​ഗിച്ച് ശരീരം വൃത്തിയാക്കണം. നഖങ്ങൾ വൃത്തിയുള്ളതായി സൂക്ഷിക്കുക. അണുബാധയുടെ സാധ്യത കുറയ്ക്കുന്നതിന് ടവലുകൾ, വസ്ത്രങ്ങൾ എന്നിവ പോലുള്ള വ്യക്തിഗത വസ്തുക്കൾ പങ്കിടുന്നത് ഒഴിവാക്കുക.

ആന്റിഫംഗൽ പൗഡറുകൾ ഉപയോഗിക്കുക: അമിതമായ വിയർപ്പോ ഈർപ്പമോ ഉണ്ടാകാൻ സാധ്യതയുള്ള ഭാ​ഗങ്ങളിൽ ആന്റിഫംഗൽ പൗഡറുകൾ ഉപയോ​ഗിക്കുന്നത് ചർമ്മത്തെ വരണ്ടതാക്കാനും ഫംഗസ് വളർച്ചയെ തടയാനും സഹായിക്കും. ഈർപ്പം കുറയ്ക്കാനും ശുചിത്വം നിലനിർത്താനും ഇവ ഉപയോ​ഗിക്കുന്നത് ​ഗുണം ചെയ്യും.

ജലാംശം നിലനിർത്തുകയും സമീകൃതാഹാരം കഴിക്കുകയും ചെയ്യുക: ആവശ്യത്തിന് വെള്ളം കുടിക്കുന്നത് ശരീരത്തിൽ നിന്ന് വിഷവസ്തുക്കളെ പുറന്തള്ളാനും ചർമ്മത്തെ ആരോഗ്യകരമാക്കാനും സഹായിക്കുന്നു. കൂടാതെ, വിറ്റാമിനുകളും ധാതുക്കളും അടങ്ങിയ സമീകൃതാഹാരം കഴിക്കുന്നത് നിങ്ങളുടെ രോഗപ്രതിരോധ ശേഷി വർദ്ധിപ്പിക്കുകയും ഫംഗസ് അണുബാധയ്‌ക്കെതിരെ കൂടുതൽ പ്രതിരോധശേഷി നൽകുകയും ചെയ്യുന്നു. നിങ്ങളുടെ ശരീരത്തിന്റെ പ്രതിരോധ സംവിധാനങ്ങൾ ശക്തിപ്പെടുത്തുന്നതിന് പഴങ്ങൾ, പച്ചക്കറികൾ, ധാന്യങ്ങൾ, പ്രോബയോട്ടിക്സ് എന്നിവ പോലുള്ള ഭക്ഷണങ്ങൾ കഴിക്കണം.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...