കൊല്ലം: ചെമ്മാംമുക്കിൽ കാറിൽ സഞ്ചരിക്കുകയായിരുന്ന ഭാര്യയെ പെട്രോളൊഴിച്ച് തീയിട്ട് കൊന്ന ഭർത്താവ് അറസ്റ്റിൽ. പത്മരാജൻ എന്നയാളാണ് പൊലീസ് സ്റ്റേഷനിലെത്തി കീഴടങ്ങിയത്. ഭാര്യയേയും സുഹൃത്തിനേയും പെട്രോളൊഴിച്ചു തീ കൊളുത്തിയെന്ന് പത്മരാജൻ സ്റ്റേഷനിലെത്തി അറിയിക്കുകയായിരുന്നുവെന്ന് പൊലീസ് പറഞ്ഞു. കൊട്ടിയം സ്വദേശി അനിലയാണ് മരിച്ചത്. ഇവർക്കൊപ്പമുണ്ടായിരുന്ന സുഹൃത്തും തഴുത്തല സ്വദേശിയുമായ സോണിക്ക് പൊള്ളലേറ്റു. ഇയാളെ ആശുപത്രിയിൽ പ്രവേശിപ്പിച്ചു. രാത്രി 9 മണിയോടെയാണ് സംഭവം.
കാറിൽ സഞ്ചരിക്കുകയായിരുന്ന ഇരുവരെയും വാൻ കുറുകെയിട്ട് തടഞ്ഞ ശേഷം പെട്രോൾ ഒഴിച്ച് തീ കൊളുത്തുകയായിരുന്നു. എന്നാൽ ഭാര്യക്കൊപ്പം ലക്ഷ്യമിട്ടത് മറ്റൊരാളെയാണെന്നും പ്രതി പൊലീസിനോട് പറഞ്ഞു. കൊട്ടിയത്ത് കേറ്ററിങ് സ്ഥാപനം നടത്തുകയാണ് പത്മരാജൻ. അനില കടപ്പാക്കട നായേഴ്സ് ജംക്ഷന് സമീപം ബേക്കറി നടത്തി വരികയായിരുന്നു. ഈ ബേക്കറിയിലെ ജീവനക്കാരനാണ് സോണി.
Also Read: Crime News: അഴീക്കലിൽ തൊഴിലാളിയുടെ മരണം കൊലപാതകം; മരണകാരണം കല്ലുകൊണ്ട് തലയ്ക്കടിച്ചത്
കുടുംബ പ്രശ്നവും സാമ്പത്തിക പ്രശ്നവുമാണ് കൊലപാതകത്തിന് കാരണമെന്ന് പ്രതി പറഞ്ഞു. ഇൻക്വസ്റ്റ് നടപടികൾ ഇന്ന് നടത്തുമെന്ന് പൊലീസ് വ്യക്തമാക്കി. തീ കൊളുത്തുന്നതിനിടെ പത്മരാജന് പൊള്ളലേറ്റിരുന്നു. തുടർന്ന് ഇയാൾ ഓട്ടോറിക്ഷയിൽ കയറി സ്റ്റേഷനിലെത്തി കീഴടങ്ങുകയായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
