Bank FD Interest Rates: ഭാവിയിലേക്കുള്ള ഒരു കരുതല്‍ എന്ന നിലയ്ക്ക് മിക്കവാറും ആളുകളും സ്ഥിര നിക്ഷേപ പദ്ധതികളെയാണ് ആശ്രയിക്കുന്നത്. വിശ്വാസയോഗ്യമായ ഉറപ്പുള്ള വരുമാനം എന്ന നിലയ്ക്കാണ് സ്ഥിര നിക്ഷേപങ്ങള്‍ക്ക് ആളുകള്‍ പ്രാധാന്യം നല്‍കുന്നത്.
യുവാക്കളെ സംബന്ധിച്ചിടത്തോളം എളുപ്പത്തില്‍ പണം സമ്പാദിക്കാനായി അവര്‍ തങ്ങളുടെ പണം
മ്യൂച്വൽ ഫണ്ടുകളിലോ (MF) ഓഹരികളിലോ നിക്ഷേപിക്കാൻ ഇഷ്ടപ്പെടുന്നു . എന്നാല്‍ സ്ഥിരവും സുരക്ഷിതവുമായ വരുമാനം എന്ന നിലയ്ക്ക് മുതിർന്ന പൗരന്മാർ ഇപ്പോഴും തങ്ങളുടെ സമ്പാദ്യം ഫിക്സഡ് ഡിപ്പോസിറ്റുകളിൽ (Fixed Deposit - FD) നിക്ഷേപിക്കാനാണ് ഇഷ്ടപ്പെടുക.
റിസർവ് ബാങ്ക് ഓഫ് ഇന്ത്യ (Reserve Bank of India - RBI) അതിന്‍റെ ദ്വൈമാസ പണനയ അവലോകനത്തിൽ റിപ്പോ, റിവേഴ്സ് റിപ്പോ നിരക്കുകൾ നിലനിർത്തി. അതിനാല്‍ ബാങ്കുകൾ ഇപ്പോഴും കുറഞ്ഞ പലിശനിരക്കാണ് സ്ഥിര നിക്ഷേപങ്ങള്‍ക്ക് നല്‍കുന്നത്.
കഴിഞ്ഞ കുറച്ച് മാസങ്ങളായി, നിരവധി ബാങ്കുകള്‍ അവരുടെ സ്ഥിര നിക്ഷേപ പദ്ധതികളില്‍ കാര്യമായ മാറ്റങ്ങള്‍ വരുത്തിയിട്ടുണ്ട്. കൊറോണ മഹാമാരി മൂലം Fixed Deposit പലിശ നിരക്കുകള്‍ വെട്ടിക്കുറച്ചിരുന്നു എങ്കിലും ഇപ്പോൾ ഉപഭോക്താക്കളെ ആകർഷിക്കുന്നതിനായി ബാങ്കുകൾ വീണ്ടും FD പലിശ നിരക്ക് ഉയർത്തുകയാണ്.
എന്നാല്‍, അതില്‍നിന്നും വ്യത്യസ്തമായി മുതിർന്ന പൗരന്മാർക്ക് ടേം ഡെപ്പോസിറ്റുകളിൽ ആകർഷകമായ വരുമാനം വാഗ്ദാനം ചെയ്യുന്ന ചില ബാങ്കുകളുണ്ട്. ഈ അവസരത്തില്‍ മുതിർന്ന പൗരന്മാർ സ്ഥിരനിക്ഷേപത്തിനായി ഏത് ബാങ്ക് തിരഞ്ഞെടുക്കണം? ഏത് ബാങ്കാണ് മുതിര്‍ന്ന പൗരന്മാർക്ക് സ്ഥിര നിക്ഷേപത്തിന് കൂടുതല്‍ പലിശ വാഗ്ദാനം ചെയ്യുന്നത്? എന്നറിയേണ്ടത് ആവശ്യമാണ്.
മുതിർന്ന പൗരന്മാർക്ക് സ്ഥിര നിക്ഷേപത്തിന് കൂടുതല്‍ പലിശ വാഗ്ദാനം ചെയ്യുന്ന ചില ബാങ്കുകളെക്കുറിച്ചും അവ നല്‍കുന്ന പലിശ നിരക്കിനെക്കുറിച്ചും അറിയാം....
ജന സ്മോൾ ഫിനാൻസ് ബാങ്ക് (Jana Small Finance Bank Fixed Deposit Rates)
1 വർഷം മുതൽ 5 വർഷം വരെ കാലാവധിയുള്ള നിക്ഷേപങ്ങൾക്ക്, മുതിർന്ന പൗരന്മാർക്ക് ബാങ്ക് 7.55% പലിശ നിരക്ക് വാഗ്ദാനം ചെയ്യുന്നു. ഈ നിരക്കുകൾ 2022 ജനുവരി 11 മുതൽ പ്രാബല്യത്തില്‍ വന്നു.
വർഷം [365 ദിവസം] -7.55%
> 1 വർഷം - 2 വർഷം - 7.55%
>2 വർഷം - 3 വർഷം -7.55%
> 3 വർഷം - < 5 വർഷം -7.55%
5 വർഷം [1825 ദിവസം] -7.55%
നോർത്ത് ഈസ്റ്റ് സ്മോൾ ഫിനാൻസ് ബാങ്ക് (North East Small Finance Bank Fixed Deposit Rates)
മുതിർന്ന പൗരന്മാർക്ക് 7.50% വരെ പലിശ വാഗ്ദാനം ചെയ്യുന്നതിനാൽ ഈ സ്മോൾ ഫിനാൻസ് ബാങ്ക് ഈ പട്ടികയിൽ ഒന്നാമതാണ്. മുതിർന്ന പൗരന്മാർക്ക് 366 ദിവസം മുതൽ 729 ദിവസം വരെയുള്ള നിക്ഷേപങ്ങൾക്ക് ബാങ്ക് 7.25% പലിശയാണ് ബാങ്ക് നല്‍കുന്നത്.
366 - 729 ദിവസം - 7.25%
730 - 1095 ദിവസം - 7.25%
777 ദിവസം - 7.50%
1096 - 1825 ദിവസം - 7.00% ഈ നിരക്കുകൾ 2022 ജനുവരി 27 മുതൽ പ്രാബല്യത്തിലാണ്.
ഉത്കർഷ് സ്മോൾ ഫിനാൻസ് ബാങ്ക് (Utkarsh Small Finance Bank Fixed Deposit Rates)
365 ദിവസം മുതൽ 699 ദിവസം വരെയുള്ള നിക്ഷേപങ്ങൾക്ക് ബാങ്ക് 7% പലിശ നിരക്ക് വാഗ്ദാനം ചെയ്യുന്നു. 1000 ദിവസത്തിനുള്ളിൽ കാലാവധി പൂർത്തിയാകുന്ന നിക്ഷേപങ്ങളിൽ മുതിർന്ന പൗരന്മാർക്ക് ബാങ്ക് ഏറ്റവും ഉയർന്ന റിട്ടേൺ 7.40% നൽകുന്നു. ഈ നിരക്കുകൾ 2022 ജനുവരി 20 മുതൽ ബാധകമാണ്
365 ദിവസം മുതൽ 699 ദിവസം വരെ -7.00%
700 ദിവസം മുതൽ 999 ദിവസം വരെ -7.25%
1000 ദിവസം -7.40%
1001 ദിവസം മുതൽ 5 വർഷം വരെ -7.25%
സൂര്യോദയ് സ്മോൾ ഫിനാൻസ് ബാങ്ക് (Suryoday Small Finance Bank Fixed Deposit Rates)
ഈ സ്മോൾ ഫിനാൻസ് ബാങ്ക് മുതിർന്ന പൗരന്മാർക്ക് അവരുടെ നിക്ഷേപങ്ങളിൽ 7%-ൽ അധികം റിട്ടേൺ നൽകുന്നു. മുതിർന്ന പൗരന്മാർക്ക് 3 വർഷത്തിനുള്ളിൽ കാലാവധി പൂർത്തിയാകുന്ന നിക്ഷേപങ്ങൾക്ക് 7.30% പലിശയും 5 വർഷത്തിനുള്ളിൽ കാലാവധി പൂർത്തിയാകുന്ന FD-കൾക്ക് 7% പലിശയും ലഭിക്കും. ഈ നിരക്കുകൾ 9 സെപ്റ്റംബർ 2021 മുതൽ പ്രാബല്യത്തിലാണ്.
3 വർഷം - 7.30%
5 വർഷം - 7.00%
ഫിൻകെയർ സ്മോൾ ഫിനാൻസ് ബാങ്ക് (Fincare Small Finance Bank Fixed Deposit Rates)
59 മാസം 1 ദിവസം മുതൽ 66 മാസം വരെയുള്ള നിക്ഷേപങ്ങൾക്ക് മുതിർന്ന പൗരന്മാർക്ക് ബാങ്ക് 7.25% പലിശ നിരക്ക് വാഗ്ദാനം ചെയ്യുന്നു. ഈ നിരക്കുകൾ 2022 ഫെബ്രുവരി 11 മുതൽ പ്രാബല്യത്തിൽ വരും.
24 മാസം 1 ദിവസം മുതൽ 30 മാസം വരെ 7.00%
36 മാസം 1 ദിവസം മുതൽ 42 മാസം വരെ 7.00%
59 മാസം 1 ദിവസം മുതൽ 66 മാസം വരെ 7.25%
യെസ് ബാങ്ക് സ്ഥിര നിക്ഷേപ നിരക്കുകൾ (Yes Bank Fixed Deposit Rates)
3 മുതൽ 10 വർഷം വരെ ഫിക്സഡ് ഡിപ്പോസിറ്റ് അക്കൗണ്ട് തുറക്കുന്നതിലൂടെ മുതിർന്ന പൗരന്മാർക്ക് 7% പലിശ നിരക്ക് നേടാം. ഈ നിരക്കുകൾ 2022 ജനുവരി 4 മുതൽ പ്രാബല്യത്തിലാണ്
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
