ನವದೆಹಲಿ : ಇಂದು ಐಪಿಎಲ್ 2022 ಆರಂಭವಾಗಿದೆ. ಈ ಸೀಸನ್‌ಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದರು. ಈ ಲೀಗ್ ಕೇವಲ ಕ್ರಿಕೆಟಿಗರಿಂದ ಮಾತ್ರವಲ್ಲದೆ ಸುಂದರ ಆಂಕರ್‌ಗಳಿಂದಲೂ ಪ್ರಪಂಚದಾದ್ಯಂತ ಸುದ್ದಿ ಮಾಡಿದೆ. ಈ ಬಾರಿಯೂ ಆಟಗಾರರ ಜೊತೆಗೆ ತಮ್ಮ ನೆಚ್ಚಿನ ಲೇಡಿ ಆ್ಯಂಕರ್‌ಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದರು. ಈ ಆಂಕರ್ ಬೇರೆ ಯಾರೂ ಅಲ್ಲ ಮಯಾಂತಿ ಲ್ಯಾಂಗರ್. ಮಾಯಾಂತಿ ಮತ್ತೊಮ್ಮೆ ಐಪಿಎಲ್‌ಗೆ ಗ್ಲಾಮರ್ ಸೇರಿಸಲು ಸಜ್ಜಾಗಿದ್ದಾರೆ.
2 ವರ್ಷಗಳ ನಂತರ ಐಪಿಎಲ್‌ಗೆ ಹಿಂತಿರುಗಿದ ಮಯಾಂತಿ : ಐಪಿಎಲ್(IPL) ಅಭಿಮಾನಿಗಳು ಪಂದ್ಯದ ಸಮಯದಲ್ಲಿ ಮತ್ತು ವಿರಾಮದ ಸಮಯದಲ್ಲಿ ತಮ್ಮ ನೆಚ್ಚಿನ ಮಹಿಳಾ ಆಂಕರ್‌ಗಳನ್ನು ವೀಕ್ಷಿಸಲು ಮರೆಯುವುದಿಲ್ಲ. ಅಭಿಮಾನಿಗಳು ತುಂಬಾ ಇಷ್ಟಪಡುವ ಆಂಕರ್‌ಗಳಲ್ಲಿ ಮಾಯಾಂತಿ ಲ್ಯಾಂಗರ್ ಕೂಡ ಒಬ್ಬರು. ಕಳೆದ 2 ವರ್ಷಗಳಿಂದ ತೆರೆ ಮೇಲೆ ಕಾಣದ ಮಯಾಂತಿ ಲ್ಯಾಂಗರ್ ಮತ್ತೊಮ್ಮೆ ಐಪಿಎಲ್ 2022 ರಿಂದ ಮರಳಿದ್ದಾರೆ.
ಇದನ್ನೂ ಓದಿ : IPL 2022: ಈ ಬಾರಿ RCB ಪ್ಲೇ ಆಫ್ ಹಂತಕ್ಕೂ ಪ್ರವೇಶಿಸುವುದಿಲ್ಲ ..!
ಒಬ್ಬ ಕ್ರಿಕೆಟಿಗನ ಪತ್ನಿ ಮಯಾಂತಿ : ಮಯಾಂತಿ ಲ್ಯಾಂಗರ್ ಅವರು ಟೀಂ ಇಂಡಿಯಾದ ಮಾಜಿ ಆಟಗಾರ ಸ್ಟುವರ್ಟ್ ಬಿನ್ನಿ(Stuart Binny) ಅವರ ಪತ್ನಿ. ಸ್ಟುವರ್ಟ್ ಬಿನ್ನಿ ಮತ್ತು ಮಾಯಾಂತಿ ಹಲವು ವರ್ಷಗಳ ಸಂಬಂಧದ ನಂತರ 2012 ರಲ್ಲಿ ವಿವಾಹವಾದರು. ಬಿನ್ನಿಯ ಮೊದಲ ಸಂದರ್ಶನವನ್ನು ಕೂಡ ಮಾಯಾಂತಿಯೆ ಮಾಡಿದ್ದಾಳೆ. ಅದರ ನಂತರ ಈ ಪ್ರೇಮಕಥೆ ಪ್ರಾರಂಭವಾಯಿತು.
ಮಯಾಂತಿ ಲ್ಯಾಂಗರ್ ವೃತ್ತಿ : ಮಯಾಂತಿ ಲ್ಯಾಂಗರ್ ಭಾರತೀಯ ಕ್ರೀಡಾ ಜಗತ್ತಿನಲ್ಲಿ ಚಿರಪರಿಚಿತ ಹೆಸರು. ಕಳೆದ 15-16 ವರ್ಷಗಳಿಂದ, ಅವರು ಪ್ರತಿ ಪ್ರಮುಖ ಕ್ರೀಡಾಕೂಟದಲ್ಲಿ ಭಾರತೀಯ ಕ್ರೀಡಾ ಚಾನೆಲ್‌ಗಳ ಫೇಸ್ ಆಗಿದ್ದಾರೆ. ಇವರು 2010 ಕಾಮನ್‌ವೆಲ್ತ್ ಗೇಮ್ಸ್, 2010 FIFA ವಿಶ್ವಕಪ್ ಅಥವಾ 2011 ಕ್ರಿಕೆಟ್ ವಿಶ್ವಕಪ್, ಇಂಡಿಯನ್ ಸೂಪರ್ ಲೀಗ್ ಮತ್ತೆ 2011, 2015 ಮತ್ತು 2019 ರ ವಿಶ್ವಕಪ್‌ಗಳನ್ನು ಆಯೋಜಿಸಿದ್ದಾರೆ.
ಲ್ಯಾಂಗರ್ ಕುಟುಂಬದ ಹಿನ್ನೆಲೆ : ಮಯಾಂತಿ ಲ್ಯಾಂಗರ್(Mayanti Langer) ನಿವೃತ್ತ ಸೇನಾ ಅಧಿಕಾರಿಯ ಮಗಳು. ಇವರ ತಂದೆಯ ಹೆಸರು ಲೆಫ್ಟಿನೆಂಟ್ ಜನರಲ್ ಸಂಜೀವ್ ಲ್ಯಾಂಗರ್. ಇವರು ವಿಶ್ವಸಂಸ್ಥೆಯ ಕರ್ತವ್ಯದಲ್ಲೂ ಇದ್ದಾರೆ. ಮಾಯಾಂತಿ ಅವರು 2006 ರಿಂದ ಕ್ರೀಡಾ ಪತ್ರಿಕೋದ್ಯಮಕ್ಕೆ ಕಾಲಿಟ್ಟಿರು. ಆರಂಭದಲ್ಲಿ ಇವರು ಅಮೇರಿಕಾದಲ್ಲಿ ಕೆಲಸ ಮಾಡುತ್ತಿದ್ದರು. ಮಾಯಾಂತಿ ಅವರು ಅಮೆರಿಕದಲ್ಲಿ ಓದುತ್ತಿದ್ದಾಗ ಫುಟ್ಬಾಲ್ ಅನ್ನು ತುಂಬಾ ಪ್ರೀತಿಸುತ್ತಿದ್ದರು. ಅಲ್ಲದೆ, ಅಲ್ಲಿ ಫುಟ್ಬಾಲ್ ತಂಡದ ಸದಸ್ಯಳಾಗಿದ್ದರು.
ಇದನ್ನೂ ಓದಿ : CSK vs KKR Prediction: ಇರ್ವರ ನಡುವೆ ಗೆಲ್ಲುವವರು ಯಾರು?
ಇದಕ್ಕೆ ಬಿಡುವು ಮಾಡಿಕೊಂಡ ಮಯಾಂತಿ : ಮಯಂತಿ ಲ್ಯಾಂಗರ್ ತನ್ನ ಮಗುವಿನ ಜನನದ ಕಾರಣ ಕಳೆದ ಎರಡು ಐಪಿಎಲ್ ಸೀಸನ್‌ಗಳಲ್ಲಿ ಭಾಗವಹಿಸಲು ಸಾಧ್ಯವಾಗಲಿಲ್ಲ. ಮಾಯಾಂತಿ ತೆರೆಯ ಮೇಲೆ ಅಭಿಮಾನಿಗಳಿಂದ ತುಂಬಿ ತುಳುಕುತ್ತಿದೆ. ಅವರು ಐಪಿಎಲ್ 2020 ರ ಸೀಸನ್‌ನಿಂದ ಕಾಣೆಯಾದಾಗ ಪ್ರಪಂಚದಾದ್ಯಂತದ ಅಭಿಮಾನಿಗಳಿಗೆ ಇದು ಆಘಾತವನ್ನುಂಟು ಮಾಡಿತು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
