ದುಬೈ: ಅಂತರರಾಷ್ಟ್ರೀಯ ಮಟ್ಟದಲ್ಲಿ, ಒಬ್ಬ ಆಟಗಾರನು ಯಾವುದೇ ರೀತಿಯ ಪುರುಷ, ಸ್ತ್ರೀ, 19 ವರ್ಷದೊಳಗಿನ ಕ್ರಿಕೆಟ್ ಆಡಲು 15 ವರ್ಷ ವಯಸ್ಸಾಗಿರುವುದು ಕಡ್ಡಾಯವಾಗಿದೆ. ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ಈ ಮಾಹಿತಿ ನೀಡಿದೆ. ಐಸಿಸಿ ಮಂಡಳಿ ಆಟಗಾರರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಈ ನಿಯಮವನ್ನು ಮಾಡಿದೆ.
ಇದನ್ನು ಓದಿ- IPL 2020: ಐಸಿಸಿ ನಿಯಮಗಳನ್ನು ಉಲ್ಲಂಘಿಸಿದ ವಿರಾಟ್ ಕೊಹ್ಲಿ ಬಗ್ಗೆ ಸಚಿನ್ ತೆಂಡೂಲ್ಕರ್ ಪ್ರತಿಕ್ರಿಯಿಸಿದ್ದು ಹೀಗೆ
ಐಸಿಸಿ ಪಂದ್ಯಾವಳಿಗಳು, ದ್ವಿಪಕ್ಷೀಯ ಕ್ರಿಕೆಟ್ ಮತ್ತು 19 ವರ್ಷದೊಳಗಿನ ಕ್ರಿಕೆಟ್ ಸೇರಿದಂತೆ ಎಲ್ಲಾ ರೀತಿಯ ಕ್ರಿಕೆಟ್‌ಗಳಿಗೆ ಈ ವಯಸ್ಸಿನ ಮಿತಿ ಅನ್ವಯಿಸಲಿದೆ.
ಈ ಕುರಿತು ಹೇಳಿಕೆ ಬಿಡುಗಡೆ ಮಾಡಿರುವ ಐಸಿಸಿ 'ಒಂದು ಅಪವಾದದ ಸಂದರ್ಭದಲ್ಲಿ, 15 ವರ್ಷದೊಳಗಿನ ಆಟಗಾರರನ್ನು ಅನುಮೋದಿಸುವಂತೆ ಸದಸ್ಯ ಮಂಡಳಿ ಐಸಿಸಿಗೆ ಮನವಿ ಮಾಡಬಹುದು. ಇದು ಆಟಗಾರನ ಆಟದ ಅನುಭವ, ಮಾನಸಿಕ ಬೆಳವಣಿಗೆ ಮತ್ತು ಅಂತರರಾಷ್ಟ್ರೀಯ ಕ್ರಿಕೆಟ್‌ನ ಒತ್ತಡವನ್ನು ಆಟಗಾರ ಹೇಗೆ ತಡೆದುಕೊಳ್ಳಲಿದ್ದಾನೆ ಎಂಬುದರ ನಿರ್ಣಯ ಕೈಗೊಳ್ಳಲಿದೆ.
ಇದನ್ನು ಓದಿ- ಎಂ.ಎಸ್.ಧೋನಿ-ಸುರೇಶ್ ರೈನಾ ಜೋಡಿಯ ಮೋಡಿ ಅದ್ಬುತ ಎಂದ ಐಸಿಸಿ...!
ಸದಸ್ಯ ಮಂಡಳಿಯು 15 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಆಟಗಾರರಿಗೆ ಆಡಲು ಅವಕಾಶ ನೀಡುವಂತೆ ಐಸಿಸಿಯನ್ನು ಕೇಳಬಹುದಾದರೂ, ಆ ಆಟಗಾರನು ಆಟದ ಅನುಭವ ಮತ್ತು ಮಾನಸಿಕ ಬೆಳವಣಿಗೆಯೊಂದಿಗೆ ಮಾತ್ರ ಸ್ಪರ್ಧಿಸಲು ಸಾಧ್ಯವಾಗಲಿದೆ.
ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಪಾಕಿಸ್ತಾನದ ಹಸನ್ ರಜಾ ತನ್ನ 14 ವರ್ಷ ಮತ್ತು 227 ದಿನಗಳ ವಯಸ್ಸಿನಲ್ಲಿ ತಮ್ಮ ಮೊದಲ ಪಂದ್ಯವನ್ನು ಆಡಿದ್ದಾರೆ. ಅವರು ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಪದಾರ್ಪಣೆ ಮಾಡಿದ ಅತ್ಯಂತ ಕಿರಿಯ ಆಟಗಾರ. ಇದೇ ವೇಳೆ ಭಾರತಕ್ಕಾಗಿ ಟೆಸ್ಟ್ ಪಂದ್ಯಗಳಲ್ಲಿ ಪಾದಾರ್ಪಣೆ ಮಾಡಿದ ಅತ್ಯಂತ ಕಿರಿಯ ಆಟಗಾರ ಸಚಿನ್ ತೆಂಡೂಲ್ಕರ್, ಅವರು 16 ವರ್ಷ ಮತ್ತು 205 ದಿನಗಳ ವಯಸ್ಸಿನಲ್ಲಿ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಪ್ರವೇಶಿಸಿದ್ದಾರೆ.
