CSK vs RCB : ಚೆನ್ನೈ ವಿರುದ್ಧ 13 ರನ್‌ಗಳಿಂದ ಗೆದ್ದು ಬೀಗಿದ ಆರ್‌ಸಿಬಿ!

ಮುಂಬೈ : ಮಹಾರಾಷ್ಟ್ರ ಕ್ರಿಕೆಟ್‌ ಅಸೋಸಿಯೇಷನ್‌ ಸ್ಟೇಡಿಯಂನಲ್ಲಿ ಬುಧವಾರ ನಡೆದ ಐಪಿಎಲ್‌ 2022ರ ಪಂದ್ಯದಲ್ಲಿ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡವನ್ನು 13 ರನ್‌ಗಳಿಂದ ಜಯ ಸಾಧಿಸಿದೆ. ಈ ಋತುವಿನಲ್ಲಿ ಧೋನಿ ನಾಯಕತ್ವ ವಹಿಸಿಕೊಂಡ ನಂತರ ಚೆನ್ನೈಗೆ ಮೊದಲ ಸೋಲು ಇದಾಗಿದೆ.

ಗುರಿ ಬೆನ್ನತ್ತಿದ ಚೆನ್ನೈ ಪರ ಡೆವೊನ್ ಕಾನ್ವೆ ಅರ್ಧಶತಕ ಗಳಿಸಿದರು. ರುತುರಾಜ್ ಗಾಯಕ್ವಾಡ್ (28 ರನ್) ಮತ್ತು ಮೊಯಿನ್ ಅಲಿ (34 ರನ್) ಹೊರತುಪಡಿಸಿ, ಯಾವುದೇ ಬ್ಯಾಟ್ಸ್‌ಮನ್‌ಗಳು ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಗಲಿಲ್ಲ. ಇದರಿಂದಾಗಿ ಚೆನ್ನೈ ಗುರಿ ಮುಟ್ಟುವಲ್ಲಿ ಹಿಂದೆ ಬಿದ್ದಿತು. ಬೆಂಗಳೂರು ಪರ ಹರ್ಷಲ್ ಪಟೇಲ್ 3 ಬ್ಯಾಟ್ಸ್ ಮನ್ ಗಳನ್ನು ಔಟ್ ಮಾಡಿದರು.

ಇದನ್ನೂ ಓದಿ : RCB vs CSK ಲೈವ್ ಮ್ಯಾಚ್‌ ವೇಳೆ ಲವ್ ಪ್ರಪೋಸ್ ಮಾಡಿದ ಹುಡುಗಿ!

ಬೆಂಗಳೂರು ತಂಡಕ್ಕೆ 174 ರನ್ ಟಾರ್ಗೆಟ್ 

ಇದಕ್ಕೂ ಮೊದಲು ಮಹಿಪಾಲ್ ಲೊಮ್ರೊರ್ (42) ಮತ್ತು ನಾಯಕ ಫಾಫ್ ಡು ಪ್ಲೆಸಿಸ್ (38) ಅವರ ಅದ್ಭುತ ಬ್ಯಾಟಿಂಗ್‌ನಿಂದಾಗಿ ಆರ್‌ಸಿಬಿ ಚೆನ್ನೈಗೆ 174 ರನ್‌ಗಳ ಗುರಿಯನ್ನು ನೀಡಿತ್ತು. ಬೆಂಗಳೂರು 20 ಓವರ್‌ಗಳಲ್ಲಿ ಎಂಟು ವಿಕೆಟ್‌ಗಳ ನಷ್ಟಕ್ಕೆ 173 ರನ್ ಗಳಿಸಿತು. ಚೆನ್ನೈ ಪರ ಮಹೇಶ್ ಟೀಕ್ಷಣ ಮೂರು ವಿಕೆಟ್ ಪಡೆದರು. ಮೊಯಿನ್ ಅಲಿ ಎರಡು ವಿಕೆಟ್ ಪಡೆದರೆ, ಡ್ವೇನ್ ಪ್ರಿಟೋರಿಯಸ್ ಒಂದು ವಿಕೆಟ್ ಪಡೆದರು.

ಪವರ್‌ಪ್ಲೇನಲ್ಲಿ ಭರ್ಜರಿ ಆರಂಭ

ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್ ಆಯ್ದುಕೊಂಡ ಬೆಂಗಳೂರು ಪವರ್‌ಪ್ಲೇಯಲ್ಲಿ ಅಮೋಘ ಆರಂಭ ಮಾಡಿ ವಿಕೆಟ್ ನಷ್ಟವಿಲ್ಲದೆ 57 ರನ್ ಗಳಿಸಿತು. ಆದರೆ ಇದಾದ ಬಳಿಕ ನಾಯಕ ಫಾಫ್ ಡು ಪ್ಲೆಸಿಸ್ (38) ಮತ್ತು ಗ್ಲೆನ್ ಮ್ಯಾಕ್ಸ್ ವೆಲ್ (3) ರೂಪದಲ್ಲಿ ಬೆಂಗಳೂರು ತಂಡ ಎರಡು ಹಿನ್ನಡೆ ಅನುಭವಿಸಿದ್ದು, 9 ಓವರ್ ಗಳ ಬಳಿಕ ಬೆಂಗಳೂರಿನ ಸ್ಕೋರ್ ಅನ್ನು ಎರಡು ವಿಕೆಟ್ ಗೆ 76ಕ್ಕೆ ತಗ್ಗಿಸಿತು. ಆದರೆ, ಆರಂಭಿಕ ವಿರಾಟ್ ಕೊಹ್ಲಿ ಇನ್ನೊಂದು ತುದಿಯಲ್ಲಿ ಅದ್ಭುತವಾಗಿ ಬ್ಯಾಟಿಂಗ್ ಮಾಡಿ ಹಲವು ಬೌಂಡರಿಗಳನ್ನು ಬಾರಿಸಿದರು.

ಕೊಹ್ಲಿಯನ್ನು ಬೋಲ್ಡ್ ಮಾಡಿದ ಮೊಯಿನ್ ಅಲಿ 

ಆದರೆ ಕೊಹ್ಲಿ 33 ಎಸೆತಗಳಲ್ಲಿ ಮೂರು ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 30 ರನ್ ಗಳಿಸಿ ಅಲಿ ಬೌಲಿಂಗ್ ನಲ್ಲಿ ಔಟಾದರು, ಬೆಂಗಳೂರು 79 ರನ್ ಗಳಿಗೆ ಮೂರು ವಿಕೆಟ್ ಕಳೆದುಕೊಂಡಿತು. ನಾಲ್ಕು ಮತ್ತು ಐದನೇ ಕ್ರಮಾಂಕದಲ್ಲಿ ಬಂದ ಮಹಿಪಾಲ್ ಲೊಮ್ರೋರ್ ಮತ್ತು ರಜತ್ ಪಾಟಿದಾರ್ ತತ್ತರಿಸಿದ ಇನ್ನಿಂಗ್ಸ್ ಅನ್ನು ನಿಭಾಯಿಸುವ ಕೆಲಸ ಮಾಡಿದರು. ಇಬ್ಬರೂ ಗೆಲುವಿನ ಸ್ಕೋರ್ 100 ದಾಟಿದರು. ಆದರೆ 16ನೇ ಓವರ್ ನಲ್ಲಿ ಪಾಟಿದಾರ್ (21) ಪ್ರಿಟೋರಿಯಸ್ ಎಸೆತದಲ್ಲಿ ಮುಖೇಶ್ ಗೆ ಕ್ಯಾಚಿತ್ತು 124 ರನ್ ಗಳಿಗೆ ಬೆಂಗಳೂರು ತಂಡಕ್ಕೆ ನಾಲ್ಕನೇ ಹೊಡೆತ ನೀಡಿತು.

ಇದನ್ನೂ ಓದಿ : ICC Ranking ನಲ್ಲಿ ಭಾರತ ನಂ.1: ಟೆಸ್ಟ್‌ ಶ್ರೇಯಾಂಕದಲ್ಲೂ ಟೀಂ ಇಂಡಿಯಾಗೆ ಅಗ್ರಸ್ಥಾನ

ಉತ್ತಮ ಪ್ರದರ್ಶನ ನೀಡಿದ ದಿನೇಶ್ ಕಾರ್ತಿಕ್ 

ದಿನೇಶ್ ಕಾರ್ತಿಕ್ ಆರನೇ ಕ್ರಮಾಂಕದಲ್ಲಿ ಲಾಮೋರ್ ಅವರೊಂದಿಗೆ ಅದ್ಭುತ ಬ್ಯಾಟಿಂಗ್ ಪ್ರದರ್ಶಿಸಿದರು, ಬೆಂಗಳೂರು 18 ಓವರ್‌ಗಳಲ್ಲಿ ನಾಲ್ಕು ವಿಕೆಟ್‌ಗಳ ನಷ್ಟಕ್ಕೆ 155 ರನ್ ಗಳಿಸಿತು. ಆದರೆ 19ನೇ ಓವರ್‌ನಲ್ಲಿ ಲೊಮ್ರೊರ್ (27 ಎಸೆತಗಳಲ್ಲಿ ಮೂರು ಬೌಂಡರಿ ಹಾಗೂ 2 ಸಿಕ್ಸರ್‌ಗಳ ನೆರವಿನಿಂದ 42 ರನ್), ವನಿಂದು ಹಸರಂಗ (0) ಮತ್ತು ಶಹಬಾಜ್ ಅಹ್ಮದ್ (1) ಅವರನ್ನು ಔಟ್ ಮಾಡುವ ಮೂಲಕ ಟೀಕ್ಷಣ ಕೇವಲ ಎರಡು ರನ್ ಬಿಟ್ಟುಕೊಟ್ಟರು.

20ನೇ ಓವರ್‌ನಲ್ಲಿ ಕಾರ್ತಿಕ್ ಪ್ರಿಟೋರಿಯಸ್ ಎಸೆತಗಳಲ್ಲಿ ಎರಡು ಸಿಕ್ಸರ್ ಸೇರಿದಂತೆ 16 ರನ್ ಗಳಿಸಿದರು, ಆದರೆ ಹರ್ಷಲ್ ಪಟೇಲ್ ಖಾತೆ ತೆರೆಯದೆ ರನೌಟ್ ಆದ ಕಾರಣ ಬೆಂಗಳೂರು 20 ಓವರ್‌ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 173 ರನ್ ಗಳಿಸಿತು. ಕಾರ್ತಿಕ್ 17 ಎಸೆತಗಳಲ್ಲಿ ಒಂದು ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 26 ರನ್ ಗಳಿಸಿ ಅಜೇಯರಾಗಿ ಉಳಿದರು.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.