ಇದು ದೇಶದಲ್ಲೇ ಅತಿ ಹೆಚ್ಚು ದೇವಾಲಯಗಳನ್ನು ಹೊಂದಿರುವ ರಾಜ್ಯ... ಇಲ್ಲಿವೆ ಬರೋಬ್ಬರಿ 3,90,615 ದೇವಸ್ಥಾನಗಳು! ನಿತ್ಯ ನಡೆಯುತ್ತೆ ಪೂಜೆ-ಪುನಸ್ಕಾರ

1 /6

ಭಾರತದಲ್ಲಿ ಅನೇಕ ಧರ್ಮಗಳ ಜನರು ವಾಸಿಸುತ್ತಿದ್ದಾರೆ. ಹಿಂದೂ, ಮುಸ್ಲಿಂ, ಸಿಖ್, ಕ್ರಿಶ್ಚಿಯನ್, ಜೈನ್, ಪಾರ್ಸಿ ಮತ್ತು ಇತರ ಧರ್ಮಗಳನ್ನು ಒಳಗೊಂಡಿರುವ ಭಾರತದಲ್ಲಿ ಸುಮಾರು 97 ಕೋಟಿ ಹಿಂದೂ ಧರ್ಮದ ಜನರು ವಾಸಿಸುತ್ತಿದ್ದಾರೆ. ಇದು ಭಾರತದ ಒಟ್ಟು ಜನಸಂಖ್ಯೆಯ 79%ದಷ್ಟು. ಇದೇ ಕಾರಣದಿಂದ ಭಾರತದಲ್ಲಿ ಅನೇಕ ಹಿಂದೂ ದೇಗುಲಗಳನ್ನು ಕಾಣಬಹುದು.

2 /6

ಭಾರತದಲ್ಲಿರುವ ಸಾವಿರಾರು ದೇಗುಲಗಳಲ್ಲಿ, ಕೆಲವು ಶತಮಾನಗಳಷ್ಟು ಹಳೆಯವು. ಇದು ತನ್ನದೇ ಆದ ಇತಿಹಾಸವನ್ನು ಹೊಂದಿದೆ. ಕೆಲವು ಹೊಸ ದೇವಾಲಯಗಳನ್ನು ಸಹ ನಿರ್ಮಿಸಲಾಗುತ್ತಿದೆ. ಅಂದಹಾಗೆ ಭಾರತದ ಯಾವ ರಾಜ್ಯವು ಅತಿ ಹೆಚ್ಚು ದೇವಾಲಯಗಳನ್ನು ಹೊಂದಿದೆ? ಆ ರಾಜ್ಯದಲ್ಲಿ ಒಟ್ಟು ಎಷ್ಟು ದೇವಾಲಯಗಳಿವೆ ಎಂಬುದನ್ನು ತಿಳಿಯೋಣ.  

3 /6

ದೇಶದ ಇತರ ಭಾಗಗಳಿಗೆ ಹೋಲಿಸಿದರೆ ದಕ್ಷಿಣ ಭಾರತದ ಜನರು ತುಂಬಾ ಧಾರ್ಮಿಕ ಸ್ವಭಾವದವರು. ದಕ್ಷಿಣ ಭಾರತದ ಆಂಧ್ರಪ್ರದೇಶದಲ್ಲಿರುವ ತಿರುಪತಿ ಬಾಲಾಜಿ ದೇವಸ್ಥಾನವು ಹಿಂದೂಗಳಿಗೆ ಬಹಳ ಮುಖ್ಯವಾದ ಪೂಜಾ ಸ್ಥಳವಾಗಿದೆ. ಈ ಪವಿತ್ರ ಸ್ಥಳಕ್ಕೆ ಕೋಟಿಗಟ್ಟಲೆ ಭಕ್ತರು ಆಗಮಿಸುತ್ತಾರೆ. ಇನ್ನು ಈ ದೇವಾಲಯವು ಭಾರತದ ಶ್ರೀಮಂತ ದೇವಾಲಯಗಳಲ್ಲಿ ಒಂದಾಗಿದೆ.  

4 /6

ಇನ್ನು ದಕ್ಷಿಣ ಭಾರತದ ರಾಜ್ಯವಾದ ತಮಿಳುನಾಡು ಅತಿ ಹೆಚ್ಚು ದೇವಾಲಯಗಳನ್ನು ಹೊಂದಿದೆ. ಒಂದು ಅಂದಾಜಿನ ಪ್ರಕಾರ ತಮಿಳುನಾಡಿನಲ್ಲಿ ಸುಮಾರು 33,000 ಪುರಾತನ ದೇವಾಲಯಗಳಿವೆ. ಅಷ್ಟೇ ಅಲ್ಲದೆ,  ತಮಿಳುನಾಡು ಹಿಂದೂ ದತ್ತಿ ಮಂಡಳಿಯು ರಾಜ್ಯದಲ್ಲಿ 38,615 ದಿಂದ 3,90,615 ದೇವಾಲಯಗಳಿವೆ ಎಂದು ಅಂದಾಜಿಸಿದೆ.  

5 /6

ತಮಿಳುನಾಡಿನಲ್ಲಿ ಅನೇಕ ಪ್ರಸಿದ್ಧ ದೇವಾಲಯಗಳಿವೆ. ಲಕ್ಷಾಂತರ ಭಕ್ತರು ಇಲ್ಲಿಗೆ ಆಗಮಿಸುತ್ತಾರೆ. ಇನ್ನು ಇಲ್ಲಿನ ಮಧುರೈನಲ್ಲಿರುವ ಮೀನಾಕ್ಷಿ ದೇವಸ್ಥಾನವು ಸಾಕಷ್ಟು ಪ್ರಸಿದ್ಧವಾಗಿದೆ. ಈ ದೇವಾಲಯದ ಇತಿಹಾಸವು ಸರಿಸುಮಾರು 3,500 ವರ್ಷಗಳಷ್ಟು ಹಳೆಯದು ಎಂದು ಹೇಳಲಾಗುತ್ತದೆ. ಈ ದೇವಾಲಯವು ಶಿವ ಮತ್ತು ತಾಯಿ ಪಾರ್ವತಿಯ ದೇವಾಲಯವಾಗಿದೆ.  

6 /6

ರಾಮೇಶ್ವರಂನಲ್ಲಿರುವ ರಾಮನಾಥ ಸ್ವಾಮಿ ದೇವಾಲಯವು ಭಕ್ತರಿಗೆ ವಿಶೇಷ ಮಹತ್ವವನ್ನು ಹೊಂದಿದೆ. ಇದು 12 ಜ್ಯೋತಿರ್ಲಿಂಗಗಳಲ್ಲಿ ಒಂದು. ಇದರೊಂದಿಗೆ ಚಿದಂಬರಂನಲ್ಲಿರುವ ನಟರಾಜ ದೇವಾಲಯ ಮತ್ತು ಚೆನ್ನೈನಲ್ಲಿರುವ ಕಪಾಲೇಶ್ವರ ದೇವಾಲಯವು ಭಕ್ತರ ಪ್ರಮುಖ ಶ್ರದ್ಧಾ ಕೇಂದ್ರಗಳಾಗಿವೆ.