ಬಾಲಿವುಡ್‌ನಲ್ಲಿ ʼಸಪ್ತ ಸಾಗರದಾಚೆ ಎಲ್ಲೋʼ: ಕರಣ್‌ ಜೋಹರ್‌ ಪಾಲಾಯ್ತು ರಿಮೇಕ್‌ ರೈಟ್ಸ್!

1 /8

ನಟ ರಕ್ಷಿತ್ ಶೆಟ್ಟಿ ಅಭಿನಯದ ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾವನ್ನು ಹೇಮಂತ್ ರಾವ್ ನಿರ್ದೇಶಿಸಿದ್ದು, ಸೈಡ್‌-ಎನಲ್ಲಿ ರಕ್ಷಿತ್​ ಶೆಟ್ಟಿಗೆ ನಾಯಕಿಯಾಗಿ ರುಕ್ಮಿಣಿ ವಸಂತ್​ ನಟಿಸಿದ್ದರೇ, ಸೈಡ್ ಬಿನಲ್ಲಿ ಇವರಿಬ್ಬರ ಜೊತೆಗೆ ನಟಿ ಚೈತ್ರಾ ಜೆ ಆರ್ಚಾರ್​  ಸಹ ಜೊತೆಯಾಗಿದ್ದಾರೆ.

2 /8

ಸಪ್ತ ಸಾಗರದಾಚೆ ಎಲ್ಲೋ’ ಚಿತ್ರದ ಹಿಂದಿ ರಿಮೇಕ್ ಹಕ್ಕುಗಳನ್ನು ಬಾಲಿವುಡ್​ ಖ್ಯಾತ ನಿರ್ದೇಶಕ ಹಾಗೂ ನಿರ್ಮಾಪಕ ಕರಣ್ ಜೋಹರ್​  ಖರೀದಿಸಲು ಮುಂದಾಗಿದ್ದು, ಇದೇ ವಿಚಾರಕ್ಕೆ  ನಿರ್ಮಾಪಕ ರಕ್ಷಿತ್ ಶೆಟ್ಟಿಯನ್ನು ಸಂಪರ್ಕಿಸಿದ್ದಾರೆ ಎಂಬ ವಿಷಯ ಹರಿದಾಡುತ್ತಿತು.  

3 /8

 ಧರ್ಮ ಪ್ರೊಡೆಕ್ಷನ್‌ನ ಕರಣ್‌ ಜೋಹರ್‌ ಇದೀಗ ಸಪ್ತಸಾಗರದಾಚೆ ಎಲ್ಲೋ ಸಿನಿಮಾ ರಿಮೇಕ್ ಮಾಡುವ ಆಸಕ್ತಿ ಹೊಂದಿದೆ ಎನ್ನಲಾಗ್ತಿದ್ದು, ಆದರೆ ಈ ಬಗ್ಗೆ ಚಿತ್ರತಂಡ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.

4 /8

ಈಗಾಗಲೇ ಸಪ್ತ ಸಾಗರದಾಚೆ ಎಲ್ಲೋ ಸೈಡ್ ಎ ಚಿತ್ರ ಅಮೆಜಾನ್ ಪ್ರೈಮ್ ವೀಡಿಯೊದಲ್ಲಿ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿಯಲ್ಲಿ ಸ್ಟ್ರೀಮ್ ಆಗುತ್ತಿದ್ದು, ಸೈಡ್ ಬಿ ಪ್ರಸ್ತುತ ಎಲ್ಲಾ 4 ದಕ್ಷಿಣ ಭಾಷೆಗಳಲ್ಲಿ ರಿಲೀಸ್ ಆಗಿದೆ.

5 /8

ಸೈಡ್‌-ಎ ಈಗಾಗಲೇ ಓಟಿಟಿಯಲ್ಲಿ ಹಿಂದಿ ಡಬ್‌ ಇರುವ ಕಾರಣ, ಇದೀಗ ಕರಣ್ ಜೋಹರ್ ಹಿಂದಿಯಲ್ಲಿ ಈ ಸಿನಿಮಾ ರಿಮೇಕ್ ಮಾಡುವ ಯೋಜನೆಯಿಂದ ಯಾವುದೇ ಪ್ರಯೋಜನವಾಗೋದಿಲ್ಲ ಎಂಬ ಮಾತುಗಳು ಕೇಳಿ ಬರ್ತಿದೆ.

6 /8

ಈ ನಿರ್ಧಾರದ ಬಗ್ಗೆ ನೆಟ್ಟಿಗರೊಬ್ಬರು ಒಳ್ಳೆಯ ಚಿತ್ರವನ್ನು ಹಾಳು ಮಾಡೋದು ಬೇಡ ಎಂದು  ಕಮೆಂಟ್ ಮಾಡಿದ್ದು, ಇದಲ್ಲದೆ, ಸೈಡ್ ಎ ಹಿಂದಿ ಆಡಿಯೊದೊಂದಿಗೆ ಈಗಾಗಲೇ ಒಟಿಟಿಯಲ್ಲಿ ಲಭ್ಯವಿರುವ ಹಾಗೆ  ಸೈಡ್ ಬಿ ಸಹ ಥಿಯೇಟರ್‌ಗಳಿಗೆ ಅಥವಾ ಒಟಿಟಿಗೆ ಡಬ್ ಮಾಡುವ ಯೋಜನೆ ಇರುತ್ತೆ ಎಂದಿದ್ದಾರೆ.

7 /8

ಸದ್ಯ ಈ ಸಿನಿಮಾವನ್ನು ಕರಣ್ ರಿಮೇಕ್ ಮಾಡುವುದರಲ್ಲಿ ಯಾವ ಅರ್ಥವೂವಿರದೇ, ಈ ಸಿನಿಮಾ ಮೂಲಕ ನಾಯಕ ನಟ ರಕ್ಷಿತ್ ಶೆಟ್ಟಿ, ನಾಯಕಿ ರುಕ್ಮಿಣಿ ವಸಂತ್‌ಗೆ ಸಿಕ್ಕಿರುವ ಪ್ರೀತಿಯನ್ನು ಗಮನಿಸಿದರೆ, ಪಾತ್ರಗಳನ್ನು ಮರುಸೃಷ್ಟಿ ಮಾಡೋದು ಅವಿವೇಕದ ಕೆಲಸ ಎಂದು ಅನೇಕರು ಅಭಿಪ್ರಾಯವನ್ನು ಹೊರಹಾಕಿದ್ದಾರೆ.

8 /8

ಡೈರೆಕ್ಟರ್ ಹೇಮಂತ್ ರಾವ್ ಸೈಡ್ ಬಿಯಲ್ಲಿ ಮತ್ತೊಂದು ಭಾವತೀವ್ರತೆಯ ವಿಷಯ ಹೇಳುತ್ತಿದ್ದು, ಸೈಡ್ ಎ ಚಿತ್ರದ ಮುಂದುವರೆದ ಭಾಗ ಇದಾಗಿದ್ದರೂ ಸಹ ಇಲ್ಲಿ ಇನ್ನೊಂದು ಟ್ರ್ಯಾಕ್ ಓಪನ್ ಆಗುತ್ತಿದೆ. ಸೈಡ್ ಎ ಕೊನೆಯಲ್ಲಿ ಇದರ ಝಲಕ್ ಕೊಟ್ಟು ಈಗಾಗಲೇ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದ್ದಾರೆ.