14 YEARS OF YASHISM: ಕನ್ನಡ ಚಿತ್ರರಂಗದಲ್ಲಿ ಮಾತ್ರವಲ್ಲ ಜಾಗತಿಕ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ನಟ ಯಶ್ ಹೀರೋ ಆಗಿ 14 ವರ್ಷಗಳ ಸಿನಿಪಯಣವನ್ನು ಕಂಪ್ಲೀಟ್‌ ಮಾಡಿದ್ದಾರೆ.
14 YEARS OF YASHISM: ಕನ್ನಡ ಚಿತ್ರರಂಗದಲ್ಲಿ ಮಾತ್ರವಲ್ಲ ಜಾಗತಿಕ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ನಟ ಯಶ್ ಹೀರೋ ಆಗಿ 14 ವರ್ಷಗಳ ಸಿನಿಪಯಣವನ್ನು ಕಂಪ್ಲೀಟ್‌ ಮಾಡಿದ್ದಾರೆ. ಇಂದು ನಟ ಯಶ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಅವರ ಕಾಲ್ಶೀಟ್ ಪಡೆಯಲು ದೊಡ್ಡ ದೊಡ್ಡ ನಿರ್ಮಾಣ ಸಂಸ್ಥೆಗಳು ಕಾಯುತ್ತಿದ್ದಾರೆ.
ಕೆಜಿಎಫ್: ಚಾಪ್ಟರ್ 2 ಸಿನಿಮಾ ಮಾಡಿದ ದಾಖಲೆಗಳ ಸುರಿಮಳೆಗೆ ಯಶ್ ಅವರ ಡಿಮ್ಯಾಂಡ್ ಹೆಚ್ಚಾಗಿದೆ. ಭಾರತ ಮಾತ್ರವಲ್ಲದೇ ವಿದೇಶದಲ್ಲೂ ರಾಕಿಭಾಯ್‌ ಹವಾ ಜೋರಾಗಿದೆ. ಆದರೆ 14 ವರ್ಷಗಳ ಹಿಂದೆ ಯಶ್ ಸ್ಟಾರ್‌ಡಮ್‌ ಹೀಗೆ ಇರಲಿಲ್ಲ.
ಕನ್ನಡ ಚಿತ್ರರಂಗಕ್ಕೆ ಅವರು ಆಗತಾನೇ ಕಾಲಿಟ್ಟಿದ್ದರು. ಯಶ್ ಹೀರೋ ಆಗಿ ನಟಿಸಿದ ಮೊದಲ ಸಿನಿಮಾ ಮೊಗ್ಗಿನ ಮನಸ್ಸು. ಈ ಚಿತ್ರ ತೆರೆಕಂಡು ಇಂದಿಗೆ, ಅಂದರೆ ಜುಲೈ 18ಕ್ಕೆ ಬರೋಬ್ಬರಿ 14 ವರ್ಷ ಕಳೆದಿದೆ.
ಯಶ್ ಪಾಲಿಗೆ ಈ ದಿನ ವೆರಿ ವೆರಿ ಸ್ಪೆಷಲ್‌. ಈ ದಿನವನ್ನು ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ. ಆ ಬಳಿಕ ಚಂದನವನದಲ್ಲಿ ಹಂತಹಂತವಾಗಿ ಬೆಳೆದು ಬಂದರು.
ಮೊದಲು ಸೀರಿಯಲ್ಗಳಲ್ಲಿ ನಟಿಸಿ, ನಂತರ ಚಿತ್ರರಂಗಕ್ಕೆ ಬಂದ ಯಶ್ ಇದೀಗ ಪ್ಯಾನ್ ಇಂಡಿಯಾ ಹೀರೋ. ಸಿನಿಮಾ ಕುಟುಂಬದ ಹಿನ್ನೆಲೆ ಇಲ್ಲದೇ ಬಂದ ಯಶ್ ಇದೀಗ ಸೂಪರ್‌ ಸ್ಟಾರ್ ಆಗಿದ್ದಾರೆ.
ಮೊಗ್ಗಿನ ಮನಸ್ಸು ಸಿನಿಮಾ 2008ರ ಜುಲೈ 18ರಂದು ತೆರೆ ಕಂಡಿತು. ಯಶ್ ಹೀರೋ ಆಗಿ ಅವರ ಸಿನಿಪಯಣ ಶುರು ಮಾಡಿ ಇಂದಿಗೆ 14 ವರ್ಷ ತುಂಬಿದೆ. ಅದಕ್ಕಾಗಿ ಎಲ್ಲರೂ ಅವರಿಗೆ ಸಾಮಾಜಿಕ ಮಾಧ್ಯಮಗಳ ಮೂಲಕ ಅಭಿನಂದನೆ ತಿಳಿಸುತ್ತಿದ್ದಾರೆ.
