ಟ್ರಿಪ್ ಪ್ಲಾನ್ ಮಾಡ್ತಿದ್ದೀರಾ? ದಾಂಡೇಲಿಯ ಈ ಪ್ರಸಿದ್ಧ ತಾಣಗಳಿಗೆ ತಪ್ಪದೇ ಭೇಟಿ ನೀಡಿ

1 /6

ಸಾಹಸಮಯ ಚಟುವಟಿಕೆಗಳಿಗೆ ದಾಂಡೇಲಿ ಹೇಳಿಮಾಡಿಸಿದ ಪ್ರವಾಸಿ ತಾಣ. ನೀವು ಇಲ್ಲಿನ ಕಾಳಿ ನದಿಯಲ್ಲಿ ರಿವರ್ ರಾಫ್ಟಿಂಗ್ ಮಾಡಬಹುದು. ದಾಂಡೇಲಿ ಎಂದಾಕ್ಷಣವೇ ಪ್ರವಾಸಿಗರಿಗೆ ಮೊದಲು ನೆನಪಿಗೆ ಬರುವುದೇ ಈ ಕಾಳಿ ನದಿಯ ರಿವರ್ ರಾಫ್ಟಿಂಗ್. ಈ ರಿವರ್ ರಾಫ್ಟಿಂಗ್ ಸಾಕಷ್ಟು ಜನಪ್ರಿಯವಾಗಿದ್ದು, ಸಾಹಸ ಪ್ರಿಯರಿಗೆ ಸ್ಮರಣೀಯ ಅನುಭವ ನೀಡುತ್ತದೆ.

2 /6

ನೀವು ದಾಂಡೇಲಿ ಪ್ರವಾಸಕ್ಕೆ ಹೋದರೆ ತಪ್ಪದೇ ಈ ಜಾಗಕ್ಕೆ ಭೇಟಿ ನೀಡಬೇಕು. ಏಕೆಂದರೆ ಕವಾಲಾ ಗುಹೆಗಳು ನಿಮಗೆ ಬೇರೆಯದೇ ರೀತಿಯ ಅನುಭವ ನೀಡುತ್ತದೆ. ಇತಿಹಾಸ ಪೂರ್ವ ಕಾಲದಷ್ಟು ಹಳೆಯದಾದ ಈ ಕವಾಲಾ ಗುಹೆಗಳು, ಜ್ವಾಲಾಮುಖಿಯಿಂದ ನೈಸರ್ಗಿಕವಾಗಿ ನಿರ್ಮಾಣಗೊಂಡಿದೆ ಎಂದು ಹೇಳಲಾಗುತ್ತದೆ.

3 /6

ನೀವೇನಾದರೂ ಪ್ರಾಣಿ ಪ್ರಿಯರಾಗಿದ್ದಲ್ಲಿ ತಪ್ಪದೇ ದಾಂಡೇಲಿಯ ವನ್ಯಜೀವಿ ಅಭಯಾರಣ್ಯದ ಒಂದು ಭಾಗವಾಗಿರುವ ಅಣಶಿ ರಾಷ್ಟ್ರೀಯ ಉದ್ಯಾನಕ್ಕೆ ಭೇಟಿ ನೀಡಬೇಕು. ಇಲ್ಲಿ ನೀವು ಕರಿ ಚಿರತೆ (Black Panther)ಯ ದರ್ಶನ ಪಡೆಯಬಹುದು.  

4 /6

ನೀವು ಅಣಶಿ ರಾಷ್ಟ್ರೀಯ ಉದ್ಯಾನಕ್ಕೆ ಭೇಟಿ ನೀಡಿದ ಬಳಿಕ ತಪ್ಪದೇ ದಾಂಡೇಲಿಯ ವನ್ಯಜೀವಿ ಅಭಯಾರಣ್ಯಕ್ಕೆ ಭೇಟಿ ನೀಡಿ. ದಾಂಡೇಲಿಯು ರಾಜ್ಯದಲ್ಲಿಯೇ ಎರಡನೇ ದೊಡ್ಡ ವನ್ಯಜೀವಿಧಾಮ ಎಂದು ಹೆಸರಾಗಿದೆ.

5 /6

ಉತ್ತರಕನ್ನಡ ಜಿಲ್ಲೆಯ ಯಲ್ಲಾಪುರದಿಂದ ಸುಮಾರು 22 ಕಿಲೋಮೀಟರ್ ದೂರದಲ್ಲಿ ಈ ಸಾತೊಡ್ಡಿ ಜಲಪಾತ ಸಿಗುತ್ತದೆ. ಇದು ದಾಂಡೇಲಿಗೆ ಹೋಗುವಾಗ ಸಿಗುವ ಒಂದು ಅದ್ಭುತ ಜಲಪಾತವಾಗಿದೆ. ದಾಂಡೇಲಿಯಿಂದ ಕೇವಲ 25 ಕಿಲೋ ಮೀಟರ್ ದೂರದಲ್ಲಿ ಸಾತೊಡ್ಡಿ ಜಲಪಾತವಿದೆ.

6 /6

ನೀವು ಹಲವಾರು ಪ್ರವಾಸಿ ತಾಣಗಳನ್ನು ನೋಡಿದ ಬಳಿಕ ದಾಂಡೇಲಿ ವನ್ಯಜೀವಿ ಅಭಯಾರಣ್ಯದ ಮಧ್ಯದಲ್ಲಿರುವ ಸಿಂಥೇರಿ ರಾಕ್ಸ್‌ನ ಅದ್ಭುತ ವಿಹಂಗಮ ನೋಟವನ್ನು ಕಣ್ತುಂಬಿಕೊಳ್ಳಬಹುದು. ಜ್ವಾಲಾಮುಖಿಯಿಂದ ಈ ಬಂಡೆಗಳು ನೈಸರ್ಗಿಕವಾಗಿ ರೂಪುಗೊಂಡಿದೆ ಎಂದು ಹೇಳಲಾಗುತ್ತದೆ. ನೀವು ದಾಂಡೇಲಿಗೆ ಹೋದರೆ ತಪ್ಪದೇ ಈ ಸ್ಥಳಕ್ಕೆ ಭೇಟಿ ನೀಡಬೇಕು.