ಇಟಲಿಯಲ್ಲಿ ನಡೆದ ಮಿಲನ್ ಫ್ಯಾಶನ್ ವೀಕ್'ನಲ್ಲಿ ಪ್ರಿಯಾಂಕ ಚೋಪ್ರಾ ಧರಿಸಿದ್ದ ಹಳದಿ ಬಣ್ಣದ ಫ್ಲೋರಲ್ ಲುಕ್ ಉಡುಗೆ ಇದೀಗ ಎಲ್ಲರ ಗಮನ ಸೆಳೆದಿದೆ. ಸಖತ್ ಕ್ಯೂಟ್ ಆಗಿ ಕಾಣುವ ಪ್ರಿಯಾಂಕಾಳ ಈ ಉಡುಗೆ ಬೆಲೆ ಇದೀಗ ಭಾರಿ ಚರ್ಚೆಗೆ ಗ್ರಾಸವಾಗಿದೆ.
ಇತ್ತೀಚೆಗೆ ನಡೆದ ಇಷಾ ಅಂಬಾನಿ ಮತ್ತು ಆನಂದ್ ನಿಶ್ಚಿತಾರ್ಥದಲ್ಲಿ ಇಡೀ ಬಾಲಿವುಡ್ ತಾರೆಯರ ದಂಡೇ ಆಗಮಿಸಿತ್ತು. ಸೆಪ್ಟೆಂಬರ್ 21 ರಿಂದ 23ರವರೆಗೆ ನಡೆದ ಈ ಕಾರ್ಯಕ್ರಮದಲ್ಲಿ ಪ್ರಿಯಾಂಕಾ ಚೋಪ್ರಾರಿಂದ ಹಿಡಿದು ಸೋನಂ ಕಪೂರ್ ವರೆಗೆ ಸಾಕಷ್ಟು ನಟ, ನಟಿಯರು ಭಾಗವಹಿಸಿದ್ದರು. ಈ ಕಾರ್ಯಕ್ರಮದ ನಂತರ ಇಟಲಿಯಲ್ಲಿ ನಡೆದ ಮಿಲನ್ ಫ್ಯಾಶನ್ ವೀಕ್'ನಲ್ಲಿ ಭಾಗವಹಿಸಿದ ಪ್ರಿಯಾಂಕ ಮತ್ತೆ ಸುದ್ದಿಯಲ್ಲಿದ್ದಾರೆ. ಅವರು ಧರಿಸಿದ್ದ ಹಳದಿ ಬಣ್ಣದ ಹೂಗಳ ಉಡುಗೆಯು ಎಲ್ಲರನ್ನೂ ಸಾಕಷ್ಟು ಆಕರ್ಷಿಸಿತ್ತಲ್ಲದೆ, ಆದರೆ ಬೆಲೆ ಸಾಕಷ್ಟು ಚರ್ಚೆಗೆ ಒಳಗಾಗಿತ್ತು.
ಮಿಲನ್ ಫ್ಯಾಶನ್ ವೀಕ್'ನಲ್ಲಿ ಪ್ರಿಯಾಂಕ ಚೋಪ್ರಾ ಧರಿಸಿದ್ದ ಕಟ್ ಗೌನ್ ಬೆಲೆ 497 ಡಾಲರ್! ಅಂದರೆ, ಬರೋಬ್ಬರಿ 36,000 ರೂ.ಗಳು!!! ಅಂದರೆ, ಮಧ್ಯಮ ವರ್ಗದ ಕುಟುಂಬಗಳು ಪಡೆಯುವ ಒಂದು ತಿಂಗಳ ವೇತನಕ್ಕಿಂತ ಹೆಚ್ಚು ಮೌಲ್ಯದ್ದೆಂದೇ ಹೇಳಬಹುದು.
ಈ ಕಾರ್ಯಕ್ರಮದಲ್ಲಿ ಪ್ರಿಯಾಂಕಾ ಚೋಪ್ರಾ ಅವರು ತಮ್ಮ ತಾಯಿ ಮಧು ಚೋಪ್ರಾ ಮತ್ತು ಸಹೋದರ ಸಿದ್ಧಾರ್ಥ್ ಜೊತೆ ಕಾಣಿಸಿಕೊಂಡಿದ್ದರು.
ಹಳದಿ ಬಣ್ಣದ ಫ್ಲೋರಲ್ ಉಡುಗೆಗೆ ಸ್ಟಲ್ವಿ ಬ್ಯಾಗ್ ಮತ್ತು ಐಷಾರಾಮಿ ಬ್ರ್ಯಾಂಡ್ ಎಫ್ಎಆರ್ ಪಾದರಕ್ಷೆಗಳನ್ನು ಧರಿಸಿದ್ದ ಪ್ರಿಯಾಂಕಾ ಸಖತ್ ಕ್ಯೂಟ್ ಆಗಿ ಕಾಣುತ್ತಿದ್ದರು.
ಇದಕ್ಕೂ ಮುನ್ನ, ಇಶಾ ಅಂಬಾನಿ ನಿಶ್ಚಿತಾರ್ಥದಲ್ಲಿ ಭಾಗವಹಿಸಿದ್ದ ಪ್ರಿಯಾಂಕ, ನಿಖ್ ಜೋನ್ಸ್ ಮತ್ತು ಫ್ಯಾಶನ್ ಡಿಸೈನರ್ ಮನಿಷಾ ಮಲ್ಹೊತ್ರಾ ಅವರೊಂದಿಗಿನ ಫೋಟೋವೊಂದನ್ನು ಫಿಲಂ ಫೇರ್ ಶೇರ್ ಮಾಡಿತ್ತು.
ನಿಶ್ಚಿತಾರ್ಥ ಕಾರ್ಯಕ್ರಮದಲ್ಲಿ ಪೀಚ್ ಬಣ್ಣದ ಸೀರೆಯಲ್ಲಿ ಪ್ರಿಯಾಂಕ ಕಂಗೊಳಿಸಿದ್ದರೆ, ಕಪ್ಪು ಬಣ್ಣದ ಇಂಡೋ-ವೆಸ್ಟ್ರನ್ ಉಡುಪಿನಲ್ಲಿ ನಿಕ್ ಕಾಣಿಸಿಕೊಂಡಿದ್ದರು. (ಪೋಟೋ ಕೃಪೆ: @priyankachopra)
