400 ವರ್ಷಗಳ ನಂತರ ಬರುತ್ತಿರುವ ಗುರು ಹಾಗೂ ಶನಿ ಗ್ರಹಗಳ ಮಿಲನದ ಅದ್ಭುತ ಸಂಯೋಗವನ್ನು ಒಂದು ವೇಳೆ ನೀವು ತಪ್ಪಿಸಿಕೊಂಡರೆ ಮತ್ತೆ ಈ ದೃಶ್ಯ ನೋಡಲು ನೀವು 2080 ರವರೆಗೆ ಕಾಯಬೇಕಾಗಲಿದೆ.
ನವದೆಹಲಿ: ಸುಮಾರು 400 ವರ್ಷಗಳ ಬಳಿಕ ಗುರು(Jupiter) ಹಾಗೂ ಶನಿ (Saturn) ಗ್ರಹಗಳು ಪರಸ್ಪರ ಹತ್ತಿರಕ್ಕೆ ಬರಲಿವೆ. ಈ ದುರ್ಲಭ ಸಂಯೋಗದ ವೇಳೆ ಎರಡೂ ಗ್ರಹಗಳು ಒಂದು ಹೊಳೆಯುತ್ತಿರುವ ನಕ್ಷತ್ರದಂತೆ ಕಂಡುಬರಲಿವೆ. ಡಿಸೆಂಬರ್ 21ರಂದು ಈ ಅದ್ಭುತ ದೃಶ್ಯ ಕಾಣಿಸಿಕೊಳ್ಳಲಿದೆ.
ಇದನ್ನು ಓದಿ-ಸೌರ ಮಂಡಲದ ಈ ಗ್ರಹದಲ್ಲಿ ಕಾಣಿಸಿಕೊಂಡ ಮಿಂಚಿನಿಂದ ಕೂಡಿದ ಬಿರುಗಾಳಿ, ಇಲ್ಲಿವೆ photos
ಎಂಪಿ ಬಿರ್ಲಾ ಪ್ಲಾನೆಟೇರಿಯಂನ ನಿರ್ದೇಶಕ ದೆಬಿ ಪ್ರಸಾದ್ ಡುಯಾರಿ ಹೇಳುವಂತೆ 1623 ರ ಬಳಿಕ ಈ ಎರಡು ಗ್ರಹಗಳು ಇಷ್ಟೊಂದು ಹತ್ತಿರ ಎಂದಿಗೂ ಕಾಣಿಸಿಕೊಂಡಿಲ್ಲ. ನಾನೂರು ವರ್ಷಗಳ ನಂತರ, ಇಂತಹ ಕಾಕತಾಳೀಯ ಘಟನೆ ನಡೆಯುತ್ತಿದೆ.
ಈ ಕುರಿತು ಹೇಳಿರುವ ಅವರು, ಯಾವುದೇ ಎರಡು ಖಗೋಲಿಯ ಪಿಂಡಗಳು ಭೂಮಿಯಿಂದ ಪರಸ್ಪರ ಹತ್ತಿರಕ್ಕೆ ಕಾಣಿಸಿಕೊಂಡರೆ ಈ ಘಟನಾ ಕ್ರಮವನ್ನು ಕಂಜಕ್ಷನ್ ಎಂದು ಕರೆಯುತ್ತಾರೆ. ಶನಿ ಹಾಗೂ ಗುರು ಗ್ರಹದ ಈ ಅಪರೂಪದ ಸಂಗಮವನ್ನು ಗ್ರೇಟ್ ಕಂಜಕ್ಷನ್ ಎಂದು ಕರೆಯುತ್ತಾರೆ ಎಂದಿದ್ದಾರೆ.
ಇದಾದ ಬಳಿಕ ಎರಡೂ ಗ್ರಹಗಳು 15 ಮಾರ್ಚ್ 2080ರಲ್ಲಿ ಮತ್ತೆ ಪರಸ್ಪರ ಹತ್ತಿರಕ್ಕೆ ಬರಲಿವೆ.
ಈ ಕುರಿತು ಹೇಳಿರುವ ದುಯಾರಿ, ಡಿಸೆಂಬರ್ 21ರಂದು ಈ ಎರಡೂ ಗ್ರಹಗಳು ನಡುವಿನ ಅಂತರ 73.5 ಕೋಟಿ ಕಿಲೋಮೀಟರಗಳಷ್ಟಿರಲಿದೆ ಎಂದಿದ್ದಾರೆ. ಡಿ.21ರವರೆಗೆ ಈ ಎರಡೂ ಗ್ರಹಗಳು ಸ್ವಲ್ಪ ಸ್ವಲ್ಪ ಹತ್ತಿರಕ್ಕೆ ಬರಲಿವೆ ಎಂದು ಅವರು ಹೇಳಿದ್ದಾರೆ.
ಭಾರತದ ಬಹುತೇಕ ಪಟ್ಟಣಗಳಿಂದ ಸೂರ್ಯಾಸ್ತದ ಬಳಿಕ ಈ ಅದ್ಭುತ ಘಟನೆಯನ್ನು ವಿಕ್ಷೀಸಬಹುದಾಗಿದೆ.
