ನಟಿ ಪೂಜಾ ಗಾಂಧಿ ಸರಳವಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಸ್ನೇಹಿತ ಹಾಗೂ ಉದ್ಯಮಿ ವಿಜಯ್ ಜೊತೆ ಹೊಸ ದಾಂಪತ್ಯ ಜೀವನವನ್ನು ಆರಂಭಿಸಿದ್ದಾರೆ.ಅವರ ಮಂತ್ರ ಮಾಂಗಲ್ಯ ವಿವಾಹದ ಸುಂದರ ಕ್ಷಣಗಳು ಇಲ್ಲಿವೆ.
ಯೋಗರಾಜ್ ಭಟ್, ಸುಧಾರಾಣಿ, ಶುಭ ಪೂಂಜಾ, ಸುಮನಾ ಕಿತ್ತೂರು, ಸಾಹಿತಿ ಜಯಂತ್ ಕಾಯ್ಕಿಣಿ ಸೇರಿದಂತೆ ಹಲವಾರು ಗಣ್ಯರು ನವಜೋಡಿಗೆ ಶುಭ ಕೋರಿದ್ದಾರೆ.
ಒಬ್ಬ ನಟಿಯಾದರೂ ಸಹ ನಾಲ್ವರಿಗೆ ಮಾದರಿಯಾಗುವಂತೆ ತಾವೇ ಕನ್ನಡದಲ್ಲಿ ಆಮಂತ್ರಣ ಪತ್ರಿಕೆ ಬರೆದು ಸರಳವಾಗಿ ಮಂತ್ರ ಮಾಂಗಲ್ಯ‌ದ ಮೂಲಕ ಮದುವೆಯಾಗಿರುವುದು ಸಮಾಜಕ್ಕೆ ಒಂದು ಒಳ್ಳೆಯ ಸಂದೇಶ ನೀಡಿದಂತಾಗಿದೆ.
ಪರಭಾಷಿಕರಾದರೂ ಕನ್ನಡದ ಮೇಲೆ ಅಪಾರ ಒಲವು ಬೆಳೆಸಿಕೊಂಡು ಕನ್ನಡ ಕಲಿತು ಸೋಶಿಯಲ್ ಮೀಡಿಯಾಗಳಲ್ಲಿ ಸದಾ ಕನ್ನಡ ಮೇಲೆ ಕಾಳಜಿ ತೋರಿಸುವ ನಟಿ ಪೂಜಾಗಾಂಧಿ ಈಗ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.
ಕನ್ನಡವನ್ನು, ಕನ್ನಡತನವನ್ನು ಮೆಚ್ಚಿ ಅಪ್ಪಟ ಕನ್ನಡ ನಾಡಿನ ಸರಳ ಸಂಪ್ರದಾಯದ ಮೂಲಕ ನಟಿ ಪೂಜಾ ಗಾಂಧಿ ಅವರು ಇಂದು ಸರಳವಾಗಿ ಮದುವೆಯಾಗಿದ್ದಾರೆ.
ಮುಂಗಾರು ಮಳೆ ಬೆಡಗಿ ಈಗ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರೋದು ಎಲ್ಲ ಅಭಿಮಾನಿಗಳಿಗೂ ಖುಷಿ ಕೊಟ್ಟಿದೆ
ಯಲಹಂಕದ ಖಾಸಗಿ ರೆಸಾರ್ಟ್‌ವೊಂದರಲ್ಲಿ ಪೂಜಾ ಗಾಂಧಿ ಇಂದು ಮದುವೆಯಾಗಿದ್ದಾರೆ
