"ಮಾನಸಿಕವಾಗಿ ಹೆಣಗಾಡುತ್ತಿದ್ದೇನೆ.." ಕ್ರಿಕೆಟ್ ಲೋಕಕ್ಕೆ ನಿವೃತ್ತಿ ಘೋಷಿಸಿದ ವಿಶ್ವಕಪ್ ವಿಜೇತ ಸ್ಟಾರ್ ಎಡಗೈ ಸ್ಪಿನ್ನರ್

1 /6

ಇಂಗ್ಲೆಂಡ್‌’ನ ಎಡಗೈ ಸ್ಪಿನ್ನರ್ ಅಲೆಕ್ಸ್ ಹಾರ್ಟ್ಲಿ ‘2023 ಹಂಡ್ರೆಡ್’ ಕ್ರಿಕೆಟ್ ಪಂದ್ಯಾವಳಿ ಮುಕ್ತಾಯದ ಬಳಿಕ ವೃತ್ತಿಪರ ಕ್ರಿಕೆಟ್‌ನಿಂದ ನಿವೃತ್ತಿ ಹೊಂದಲಿದ್ದಾರೆ. 32 ಅಂತರಾಷ್ಟ್ರೀಯ ಕ್ರಿಕೆಟ್ ಪಂದ್ಯಗಳನ್ನಾಡಿದ ಅಲೆಕ್ಸ್ 2016 ರಲ್ಲಿ ಇಂಗ್ಲೆಂಡ್ ಮಹಿಳಾ ಕ್ರಿಕೆಟ್ ತಂಡಕ್ಕೆ ಪಾದಾರ್ಪಣೆ ಮಾಡಿದ್ದರು

2 /6

2017 ರ ಐಸಿಸಿ ಮಹಿಳಾ ವಿಶ್ವಕಪ್‌’ನಲ್ಲಿ ಇಂಗ್ಲೆಂಡ್‌ ಟ್ರೋಫಿ ಗೆದ್ದಿದ್ದು, ಆ ತಂಡದಲ್ಲಿ ಅಲೆಕ್ಸ್ ಗಮನಾರ್ಹವಾಗಿ ಆಟವಾಡಿದ್ದರು.  

3 /6

ಈ ವರ್ಷದ ಆರಂಭದಲ್ಲಿ ಹಾರ್ಟ್ಲಿ ಅವರು ಪ್ರಾದೇಶಿಕ ಕ್ರಿಕೆಟ್‌’ನಲ್ಲಿ ಥಂಡರ್‌ ತಂಡದ ಪರವಾಗಿ ಆಡಿದ್ದರು. ಈ ಸಂದರ್ಭದಲ್ಲಿ, "ಮಾನಸಿಕವಾಗಿ ಹೆಣಗಾಡುತ್ತಿದ್ದೇನೆ" ಎಂದು ಹೇಳಿಕೊಂಡು ಆಟದಿಂದ ವಿರಾಮ ತೆಗೆದುಕೊಂಡಿದ್ದರು. ಕ್ರಮೇಣ ಅವರು ಬೌಲಿಂಗ್ ಮತ್ತು ಆಟದಲ್ಲಿನ ಆಸಕ್ತಿಯನ್ನು ಕಳೆದುಕೊಂಡರು ಎನ್ನಲಾಗಿದೆ. ಇದಾದ ಬಳಿಕ 2023 ಹಂಡ್ರೆಡ್ ಪಂದ್ಯಾವಳಿಯಲ್ಲಿ ಫಾರ್ ವೆಲ್ಷ್ ಫೈರ್‌ ಪರ ಪುನರಾಗಮನ ಮಾಡಿದರು. ಇಲ್ಲಿ 3 ಪಂದ್ಯಗಳನ್ನಾಡಿ, 2 ವಿಕೆಟ್ ಕಬಳಿಸಿದ್ದರು.

4 /6

ಓವಲ್‌’ನಲ್ಲಿ ಶನಿವಾರ ನಡೆಯಲಿರುವ ಎಲಿಮಿನೇಟರ್ ಪಂದ್ಯ ಅಥವಾ ಲಾರ್ಡ್ಸ್‌’ನಲ್ಲಿ ಭಾನುವಾರ ನಡೆಯಲಿರುವ ಫೈನಲ್ ಹಾರ್ಟ್ಲಿಯ ಅಂತಿಮ ಪಂದ್ಯವಾಗಬಹುದು ಎಂದು ಹೇಳಲಾಗುತ್ತಿದೆ.

5 /6

ಇನ್ನು ಟ್ವಿಟ್ಟರ್‌’ನಲ್ಲಿ ಇಂಗ್ಲೆಂಡ್ ಕ್ರಿಕೆಟ್ ಈ ಬಗ್ಗೆ ಬರೆದುಕೊಂಡಿದ್ದು, "ಅಲೆಕ್ಸ್ ಹಾರ್ಟ್ಲಿ ವೃತ್ತಿಪರ ಕ್ರಿಕೆಟ್‌ನಿಂದ ನಿವೃತ್ತಿ ಹೊಂದಲಿದ್ದಾರೆ. ಹಾರ್ಟ್ಲಿ ಇಂಗ್ಲೆಂಡ್‌ ಪರ 32 ಅಂತರಾಷ್ಟ್ರೀಯ ಕ್ರಿಕೆಟ್’ನಲ್ಲಿ ಕಾಣಿಸಿಕೊಂಡಿದ್ದಾರೆ ಮತ್ತು 2017 ರಲ್ಲಿ ವಿಶ್ವಕಪ್ ವಿಜೇತರಾಗಿದ್ದರು. ಆಲ್ ದಿ ಬೆಸ್ಟ್, ಅಲೆಕ್ಸ್!" ಎಂದು ಹೇಳಿದೆ.

6 /6

ಹಾರ್ಟ್ಲಿ 2016 ಮತ್ತು 2019 ರ ನಡುವೆ 28 ಏಕದಿನ ಅಂತರಾಷ್ಟ್ರೀಯ (ODI) ಮತ್ತು ನಾಲ್ಕು ಟ್ವೆಂಟಿ 20 ಇಂಟರ್ನ್ಯಾಷನಲ್‌ಗಳಲ್ಲಿ (T20Is) ಇಂಗ್ಲೆಂಡ್ ಅನ್ನು ಪ್ರತಿನಿಧಿಸಿದ್ದಾರೆ. 2017 ರ ವಿಶ್ವಕಪ್ ವಿಜಯವು ಅವರ ಅಂತರರಾಷ್ಟ್ರೀಯ ವೃತ್ತಿಜೀವನದ ಮಹಾ ಸಾಧನೆಯಾಗಿದೆ. ಲಾರ್ಡ್ಸ್‌ನಲ್ಲಿ ನಡೆದ ಫೈನಲ್‌’ನಲ್ಲಿ ಹರ್ಮನ್‌ಪ್ರೀತ್ ಕೌರ್ ಅವರ ನಿರ್ಣಾಯಕ ವಿಕೆಟ್ ಸೇರಿದಂತೆ ಹತ್ತು ವಿಕೆಟ್‌’ಗಳನ್ನು ಪಡೆದಿದ್ದಾರೆ ಅಲೆಕ್ಸ್.