ಸರ್ಕಾರದ ಸಹಾಯ ಪಡೆದು ಕಡಿಮೆ ಹೂಡಿಕೆ ಮಾಡಿ ಈ ವ್ಯಾಪಾರ ಪ್ರಾರಂಭಿಸಿದರೆ ನೀವು ದೊಡ್ಡ ಲಾಭ ಪಡೆಯುವುದರಲ್ಲಿ ಯಾವುದೇ ಸಂಶಯವಿಲ್ಲ.
ನೀವು ನಿಮ್ಮ ಸ್ವಂತ ವ್ಯವಹಾರ ಪ್ರಾರಂಭಿಸಲು ಯೋಚಿಸುತ್ತಿದ್ದರೆ ಇಲ್ಲಿದೆ ಸುವರ್ಣಾವಕಾಶ. ಈ ಉದ್ಯಮವನ್ನು ಪ್ರಾರಂಭಿಸಲು ಸರ್ಕಾರ ಕೂಡ ಧನಸಹಾಯ ನೀಡುತ್ತದೆ. ಇದು ಸಣ್ಣ ಉದ್ಯಮಿಗಳಿಗೆ ಲಾಭದಾಯಕವಾಗಿದೆ. ಇದರಲ್ಲಿ ನೀವು ಕಡಿಮೆ ಹೂಡಿಕೆ ಮಾಡುವ ಮೂಲಕ ಹೆಚ್ಚಿನ ಲಾಭ ಗಳಿಸಬಹುದು. ಇದು ಕಡಕ್ನಾಥ್ ಕೋಳಿಗಳ ವ್ಯಾಪಾರ. ಮಧ್ಯಪ್ರದೇಶ ಮತ್ತು ಛತ್ತೀಸ್‌ಗಢದ ಜೊತೆಗೆ ದೇಶದ ಅನೇಕ ರಾಜ್ಯಗಳಲ್ಲಿ ಇದರ ವ್ಯವಹಾರವು ಬಿರುಸಿನಿಂದ ನಡೆಯುತ್ತಿದೆ. ಮಧ್ಯಪ್ರದೇಶದ ಕಡಕ್ನಾಥ್ ಕೋಳಿಗೆ ಜಿಐ ಟ್ಯಾಗ್ ಸಿಕ್ಕಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ನೀವು ಪ್ರತಿ ತಿಂಗಳು ಹೆಚ್ಚು ಹೆಚ್ಚು ಹಣ ಗಳಿಸಲು ಬಯಸಿದರೆ ಈ ವ್ಯಾಪಾರವನ್ನು ಇಂದೇ ಪ್ರಾರಂಭಿಸಿ. ಇದು ಇಡೀ ಭಾರತದಲ್ಲಿಯೇ ಪ್ರಸಿದ್ಧವಾಗಿರುವ ಕಡಕ್ನಾಥ್ ಕೋಳಿ ವ್ಯವಹಾರ. ಈ ಕಪ್ಪು ಕೋಳಿಯು ಜಗತ್ತಿನಲ್ಲಿ ತನ್ನದೇ ಆದ ಗುರುತು ಮೂಡಿಸಿದೆ. ಇದರ ಹೆಚ್ಚಿನ ವ್ಯಾಪಾರವು ಮಧ್ಯಪ್ರದೇಶ ಮತ್ತು ಛತ್ತೀಸ್‌ಗಢದಲ್ಲಿ ನಡೆಯುತ್ತದೆ. ಬುಡಕಟ್ಟು ಪ್ರದೇಶಗಳಲ್ಲಿ ಇದನ್ನು ಕಾಳಿಮಾಸಿ ಎಂದು ಕರೆಯಲಾಗುತ್ತದೆ. ಇದರ ಮಾಂಸವು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಗಿದೆ. ಕಡಕ್ನಾಥ್ ಚಿಕನ್ ಔಷಧೀಯ ಗುಣಗಳಿಂದಾಗಿ ಬಹಳ ಬೇಡಿಕೆಯಿದೆ.
ಕಡಕ್ನಾಥ್ ಕೋಳಿಗಳ ವ್ಯಾಪಾರ ಈಗ ಮಧ್ಯಪ್ರದೇಶ ಮತ್ತು ಛತ್ತೀಸ್‌ಗಢದಲ್ಲಿ ಮಾತ್ರವಲ್ಲದೆ ದೇಶದ ಹಲವು ರಾಜ್ಯಗಳಲ್ಲಿಯೂ ನಡೆಯುತ್ತಿದೆ. ಬೇಡಿಕೆ ಹೆಚ್ಚಾಗಿರುವ ಕಾರಣ ಮಧ್ಯಪ್ರದೇಶ ಮತ್ತು ಛತ್ತೀಸ್‌ಗಢದ ಕೃಷಿ ವಿಜ್ಞಾನ ಕೇಂದ್ರಗಳು ಕಡಕ್ನಾಥ್ ಕೋಳಿಗಳನ್ನು ಸಮಯಕ್ಕೆ ಸರಿಯಾಗಿ ನೀಡಲು ಸಾಧ್ಯವಾಗುತ್ತಿಲ್ಲ. ಇದರಿಂದಲೇ ನೀವು ಇದರ ಗಳಿಕೆ ಎಷ್ಟಿದೆ ಎಂದು ಊಹಿಸಬಹುದು. ಕಡಕ್ನಾಥ್ ಕೋಳಿಯ ಮೂಲ ಮಧ್ಯಪ್ರದೇಶದ ಝಬುವಾ ಜಿಲ್ಲೆ. ಆದ್ದರಿಂದ ಮಧ್ಯಪ್ರದೇಶದ ಕಡಕ್ನಾಥ್ ಕೋಳಿಗೆ ಜಿಐ ಟ್ಯಾಗ್ ಸಿಕ್ಕಿದೆ. ಈ ಟ್ಯಾಗ್ ಎಂದರೆ ಕಡಕ್ನಾಥ್ ಕೋಳಿಯಂತೆ ಮತ್ತೊಂದಿಲ್ಲ ಎಂದರ್ಥ.
ಕಡಕ್ನಾಥ್ ಕೋಳಿಯ ಬಣ್ಣ ಕಪ್ಪು, ಮಾಂಸ ಕಪ್ಪು ಮತ್ತು ರಕ್ತವೂ ಕಪ್ಪು. ಔಷಧೀಯ ಗುಣಗಳಿಂದಾಗಿ ಇದಕ್ಕೆ ಹೆಚ್ಚಿನ ಬೇಡಿಕೆಯಿದೆ. ಈ ಕೋಳಿ ಮಾಂಸದಲ್ಲಿ ಕಬ್ಬಿಣ ಮತ್ತು ಪ್ರೋಟೀನ್ ಹೆಚ್ಚು ಕಂಡುಬರುತ್ತದೆ. ಇದರ ಮಾಂಸದಲ್ಲಿ ಕೊಬ್ಬು ಮತ್ತು ಕೊಲೆಸ್ಟ್ರಾಲ್ ಕೂಡ ಕಂಡುಬರುತ್ತದೆ. ಈ ಕಾರಣದಿಂದಾಗಿ ಈ ಕೋಳಿ ಹೃದಯಕ್ಕೆ ಮತ್ತು ಮಧುಮೇಹ ರೋಗಿಗಳಿಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ಇದರ ನಿಯಮಿತ ಸೇವನೆಯಿಂದ ದೇಹವು ಸಾಕಷ್ಟು ಪೋಷಕಾಂಶಗಳನ್ನು ಪಡೆಯುತ್ತದೆ. ಇದರ ಬೇಡಿಕೆ ಮತ್ತು ಪ್ರಯೋಜನಗಳ ದೃಷ್ಟಿಯಿಂದ ಸರ್ಕಾರವು ಈ ವ್ಯವಹಾರವನ್ನು ಪ್ರಾರಂಭಿಸಲು ಪ್ರತಿ ಹಂತದಲ್ಲೂ ಸಹಾಯ ಮಾಡುತ್ತದೆ.
ಕಡಕ್ನಾಥ್ ಕೋಳಿ ಸಾಕಾಣಿಕೆಯ ಅಗತ್ಯವನ್ನು ಅರ್ಥಮಾಡಿಕೊಂಡಿರುವ ಮಧ್ಯಪ್ರದೇಶ ಮತ್ತು ಛತ್ತೀಸ್ಗಢ ಸರ್ಕಾರವು ಇದನ್ನು ಉತ್ತೇಜಿಸಲು ಅನೇಕ ಯೋಜನೆಗಳನ್ನು ರೂಪಿಸಿವೆ. ಛತ್ತೀಸ್‌ಗಢದಲ್ಲಿ ಕೇವಲ 53,000 ರೂ.ಗಳನ್ನು ಠೇವಣಿ ಇರಿಸಿದರೆ, 1000 ಮರಿಗಳು, 30 ಕೋಳಿ ಶೆಡ್‌ಗಳು ಮತ್ತು 6 ತಿಂಗಳ ಉಚಿತ ಆಹಾರವನ್ನು ಸರ್ಕಾರವು 3 ಕಂತುಗಳಲ್ಲಿ ನೀಡುತ್ತದೆ. ಇದೇ ಸಮಯದಲ್ಲಿ ಸರ್ಕಾರವು ಲಸಿಕೆ ಮತ್ತು ಆರೋಗ್ಯ ರಕ್ಷಣೆಯ ಜವಾಬ್ದಾರಿಯನ್ನು ಸಹ ನೋಡಿಕೊಳ್ಳುತ್ತದೆ. ಅಷ್ಟೇ ಅಲ್ಲ ಕೋಳಿಗಳು ಬೆಳೆದಾಗ ಮಾರುಕಟ್ಟೆ ಒದಗಿಸುವ ಕೆಲಸವನ್ನೂ ಸರ್ಕಾರವೇ ಮಾಡುತ್ತದೆ.
ನೀವೂ ಕಡಕ್ನಾಥ್ ಕೋಳಿ ಸಾಕಾಣಿಕೆ ವ್ಯಾಪಾರ ಮಾಡಲು ಬಯಸಿದರೆ ಕೃಷಿ ವಿಜ್ಞಾನ ಕೇಂದ್ರದಿಂದ ಮರಿಗಳನ್ನು ತೆಗೆದುಕೊಳ್ಳಬಹುದು. ಕೆಲವು ರೈತರು 15 ದಿನದ ಮರಿಯನ್ನು ತೆಗೆದುಕೊಂಡರೆ, ಕೆಲವರು 1 ದಿನದ ಮರಿಯನ್ನು ತೆಗೆದುಕೊಳ್ಳುತ್ತಾರೆ. ಕಡಕ್ನಾಥದ ಮರಿ ಬೆಳೆದು ಮೂರೂವರೆ ನಾಲ್ಕು ತಿಂಗಳೊಳಗೆ ಮಾರಾಟಕ್ಕೆ ಸಿದ್ಧವಾಗುತ್ತದೆ. ಕಡಕ್ನಾಥ್ ಕೋಳಿಯ ದರ ಮಾರುಕಟ್ಟೆಯಲ್ಲಿ 70-100 ರೂ.ಗೂ ಹೆಚ್ಚು ಇದೆ. 1 ಮೊಟ್ಟೆಯ ದರ 20-30 ರೂ.ವರೆಗೆ ಇದೆ. ಅಂದರೆ ನಿಮ್ಮ ಬಜೆಟ್ ಕೂಡ ಈ ವ್ಯವಹಾರಕ್ಕೆ ಹೊಂದಿಕೆಯಾಗುತ್ತದೆ.
ಕಡಕ್ನಾಥ್ ಕೋಳಿಗೆ ಭಾರತೀಯ ಮಾರುಕಟ್ಟೆಯಲ್ಲಿ ಭರ್ಜರಿ ಬೇಡಿಕೆಯಿದೆ. ಇದರ ವ್ಯವಹಾರವನ್ನು ಶುರು ಮಾಡಿದರೆ ನಿಮಗೆ ಕೈತುಂಬಾ ಸಂಪಾದಿಸುವ ಅವಕಾಶವಿದೆ. ಕೋಳಿ ಸಾಕಿ ಮಾರಾಟ ಮಾಡುವುದು, ಮಾಂಸ ಮಾರಾಟದಿಂದ ನೀವು ಹಣ ಗಳಿಸಬಹುದು. ಸರ್ಕಾರದ ಸಹಾಯ ಪಡೆದು ಕಡಿಮೆ ಹೂಡಿಕೆ ಮಾಡಿ ಈ ವ್ಯಾಪಾರ ಪ್ರಾರಂಭಿಸಿದರೆ ನೀವು ದೊಡ್ಡ ಲಾಭ ಪಡೆಯುವುದರಲ್ಲಿ ಯಾವುದೇ ಸಂಶಯವಿಲ್ಲ.
