"ನಾನು ತುಂಬಾ ವೀಕ್‌ ಆಗಿದ್ದೆ... ಪ್ರಭುದೇವ ಪ್ರೀತಿಗಾಗಿ ಏನು ಮಾಡಲೂ ರೆಡಿ ಇದ್ದೆ"- ಶಾಕಿಂಗ್‌ ಹೇಳಿಕೆ ನೀಡಿದ ನಟಿ ನಯನತಾರಾ

1 /5

ನಟಿ ನಯನತಾರಾ ಅವರನ್ನು ಅಭಿಮಾನಿಗಳು ಲೇಡಿ ಸೂಪರ್ ಸ್ಟಾರ್ ಎಂದು ಕರೆಯುತ್ತಾರೆ. ಚಿತ್ರರಂಗದಲ್ಲಿ ಉತ್ತಮ ಪಾತ್ರಗಳನ್ನೇ ಆಯ್ದುಕೊಳ್ಳುವ ನಯನತಾರ 2011ರಲ್ಲಿ ಸಿನಿಮಾ ತೊರೆಯಲು ನಿರ್ಧರಿಸಿದ್ದರಂತೆ. ಆದರೆ ಆ ಬಳಿಕ ಕಂಬ್ಯಾಕ್‌ ಮಾಡಿದ್ದೆ ಎಂದು ಸ್ವತಃ ಅವರೇ ಹೇಳಿಕೆ ನೀಡಿದ್ದಾರೆ.

2 /5

ನಯನತಾರಾ ತಮ್ಮ ಪತಿ ವಿಘ್ನೇಶ್ ಶಿವನ್ ಮತ್ತು ಇಬ್ಬರು ಪುತ್ರರೊಂದಿಗೆ ಸಂತೋಷದ ಜೀವನ ನಡೆಸುತ್ತಿದ್ದಾರೆ. ಈ ಎಲ್ಲದರ ಮಧ್ಯೆ ನಯನತಾರಾ ಪ್ರಭುದೇವ ಬಗ್ಗೆ ಕೆಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.  

3 /5

"ಪ್ರಭುದೇವ ಸಲಹೆ ಮೇರೆಗೆ ಸಿನಿಮಾ ತೊರೆಯಲು ಒಪ್ಪಿಕೊಂಡೆ. ಪ್ರೀತಿಗಾಗಿ ನಾನು ಏನು ಬೇಕಾದರು ಮಾಡುವ ಪರಿಸ್ಥಿತಿಯಲ್ಲಿದ್ದೆ. ನಾನು ನನ್ನ ಜೀವನದಲ್ಲಿ ಪ್ರೀತಿಯನ್ನು ಪಡೆದುಕೊಳ್ಳಲು ಎಂತಹ ವಿಷಯಕ್ಕಾದರೂ ರಾಜಿ ಮಾಡಿಕೊಳ್ಳಬೇಕು ಎಂದು ಭಾವಿಸುತ್ತಿದ್ದೆ. ನಾನು ತುಂಬಾ ವೀಕ್‌ ಆಗಿದ್ದೆ ಆಗ" ಎಂದು ಹೇಳಿದ್ದಾರೆ.  

4 /5

"2011ರಲ್ಲಿ ಸಿನಿಮಾ ತೊರೆಯುವ ಮನಸ್ಸು ಮಾಡಿದ್ದೆ. ಇಂಡಸ್ಟ್ರಿಯಲ್ಲಿ ಹಲವು ರೀತಿಯ ಸಂಬಂಧಗಳನ್ನು ನೋಡುತ್ತೇವೆ. ಇದು ತಪ್ಪೆಂದೋ.. ಅಥವಾ ಅದಕ್ಕೆ ಸಂಬಂಧಿಸಿದಂತೆ ಯಾವುದನ್ನೂ ನಾನು ಹೇಳುತ್ತಿಲ್ಲ. ಆದರೆ, ಸಿನಿಮಾದಲ್ಲಿ ಇಂಥದ್ದೇ ಪಯಣಗಳನ್ನು ನೋಡುತ್ತಲೇ ಬಂದಿದ್ದೇವೆ. ಆ ಸಮಯದಲ್ಲಿ ಅದು ಸರಿ ಎನಿಸಿತು. ಕೆಲವೆಡೆ ರಾಜಿ ಮಾಡಿಕೊಳ್ಳಬೇಕಾಗುತ್ತದೆ. ಒಂದು ವೇಳೆ ನಮ್ಮ ಸಂಗಾತಿ ಏನನ್ನಾದರೂ ಮಾಡಬೇಡ ಎಂದರೆ ಅದನ್ನು ನಾವು ಮಾಡಬಾರದು ಎಂಬುದು ಆ ಸಂದರ್ಭದಲ್ಲಿ ನಾನು ಅಂದುಕೊಂಡಿದ್ದ ತಿಳುವಳಿಕೆಯಾಗಿತ್ತು" ಎಂದಿದ್ದಾರೆ.  

5 /5

"ಈ ಸಂಬಂಧವೇ ನನ್ನನ್ನು ಇಂದಿನ ಈ ಸ್ಥಿತಿಗೆ ತಂದು ನಿಲ್ಲಿಸಿದೆ. ನಾನು ಕೂಡ ಕೆಲವು ಕೆಟ್ಟ ಸಮಯಗಳನ್ನು ದಾಟಿದ್ದೇನೆ. ಆದರೆ, ಆ ಕೆಟ್ಟ ಕಾಲದಿಂದ ಕಲಿತಿದ್ದೇನೆ. ನಾನು ಇಂದು ಏನು ಮಾಡಬಹುದು ಎಂದು ನಾನು ಅರಿತುಕೊಂಡೆ. ನಾನು ಮೊದಲು ತುಂಬಾ ವಿಭಿನ್ನ ರೀತಿಯ ವ್ಯಕ್ತಿಯಾಗಿದ್ದೆ" ಎಂದಿದ್ದಾರೆ.