ನವದೆಹಲಿ: ಇಂದು ನಮ್ಮ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರ ಜನ್ಮದಿನ. ಈ ಸಂದರ್ಭದಲ್ಲಿ ಅವರಿಗೆ ಜನ್ಮದಿನದ ಶುಭಾಶಯ ಕೋರುತ್ತಾ ಪ್ರಧಾನಮಂತ್ರಿ ನರೇಂದ್ರ ಮೋದಿ ತಮ್ಮ ಟ್ವೀಟ್ನಲ್ಲಿ: "ರಾಷ್ಟ್ರಪತಿಗೆ ಜನ್ಮದಿನದ ಶುಭಾಶಯಗಳು, ವಿವಿಧ ವಿಷಯಗಳ ಬಗ್ಗೆ ನಿಮ್ಮ ಜ್ಞಾನ ಮತ್ತು ದೃಷ್ಟಿಕೋನವು ದೇಶಕ್ಕೆ ಲಾಭದಾಯಕವಾಗಿದೆ. ನಮ್ಮ ಸಮಾಜದ ಪ್ರತಿಯೊಂದು ವಿಭಾಗಕ್ಕೂ ನೀವು ಸಂಪರ್ಕ ಹೊಂದಿದ್ದೀರಿ. ನಿಮ್ಮ ದೀರ್ಘ ಮತ್ತು ಆರೋಗ್ಯಕರ ಜೀವನಕ್ಕಾಗಿ ನಾನು ಪ್ರಾರ್ಥಿಸುತ್ತೇನೆ" ಎಂದು ಬರೆದಿದ್ದಾರೆ.
ಬನ್ನಿ, ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರ ಹುಟ್ಟುಹಬ್ಬದಂದು, ಅವರ ಜೀವನಕ್ಕೆ ಸಂಬಂಧಿಸಿದ ಕೆಲವು ಪ್ರಮುಖ ವಿಷಯಗಳನ್ನು ನಾವು ತಿಳಿಯೋಣ...
1. ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರು ಸಂಪೂರ್ಣವಾಗಿ ಸಸ್ಯಾಹಾರಿಯಾಗಿದ್ದು, ಅದುವೇ ಮಸಾಲೆ ಮತ್ತು ತೈಲ ರಹಿತ ಆಹಾರವನ್ನು ಸೇವಿಸುತ್ತಾರೆ. ಸಕ್ಕರೆ ಇಲ್ಲದ ಚಹಾ, ಗ್ರೀನ್ ಟೀ, ಮಜ್ಜಿಗೆ, ಎಳನೀರು ಸೇವಿಸುತ್ತಾರೆ. ಇನ್ನು ಓದುವುದು ಎಂದರೆ ಇವರಿಗೆ ಬಲು ಇಷ್ಟವಂತೆ, ವ್ಯಕ್ತಿತ್ವ ಕೇಂದ್ರೀಕರಿಸಿದ ಪುಸ್ತಕಗಳು ಇವರ ಕೋಷ್ಟಕಗಳಲ್ಲಿ ಯಾವಾಗಲೂ ಇರುತ್ತವೆ.
2. ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರ ದಿನಚರಿ ಬೆಳಿಗ್ಗೆ 5:30 ರಿಂದ ಪ್ರಾರಂಭವಾಗುತ್ತದೆ. ನಂತರ ಬಹಳ ಸಮಯದವರೆಗೆ ಅವರು ಯೋಗ ಮಾಡುತ್ತಾರೆ. ಆನಂತರ ಅವರು ಸುಮಾರು ಬೆಳಿಗ್ಗೆ 10 ಗಂಟೆಗೆ ರಾಷ್ಟ್ರಪತಿ ಭವನದ ಮೇಲಿನ ಮಹಡಿಯಲ್ಲಿ ಕಚೇರಿ ಭೇಟಿ ನೀಡುತ್ತಾರೆ ಮತ್ತು ನಿಗದಿತ ಸಭೆಗಳಲ್ಲಿ ಪಾಲ್ಗೊಳ್ಳುತ್ತಾರೆ.
3.ಕೋವಿಂದ್ ಸಿವಿಲ್ ಸರ್ವೀಸಸ್ ಪರೀಕ್ಷೆಗಾಗಿ ತಯಾರಿ ಮಾಡಲು ದೆಹಲಿಗೆ ಹೋದರು. ಅವರು ಈ ಪರೀಕ್ಷೆಯನ್ನು ಅವರ ಮೂರನೆಯ ಪ್ರಯತ್ನದಲ್ಲೇ ಮುಗಿಸಿದರು. ಆದಾಗ್ಯೂ, ಅವರು ಐಎಎಸ್ ಬದಲಿಗೆ ಮೈತ್ರಿ ಸೇವೆಗಾಗಿ ಆಯ್ಕೆಯಾದ ಕಾರಣ ಅವರು ಸೇರ್ಪಡೆಗೊಂಡಿರಲಿಲ್ಲ ಆದ್ದರಿಂದ ಕಾನೂನನ್ನು ಅಭ್ಯಾಸ ಮಾಡಲು ಪ್ರಾರಂಭಿಸಿದರು.
4. ರಾಮ್ನಾಥ್ ಕೋವಿಂದ್ 1945 ರ ಅಕ್ಟೋಬರ್ 1 ರಂದು ಕಾನ್ಪುರ್ ದೆಹತ್ ಜಿಲ್ಲೆಯ ದರ್ರಾಪುರ್ ತೆಹ್ಸಿಲ್ ಗ್ರಾಮದ ಪರ್ಭಾದಲ್ಲಿ ಜನಿಸಿದರು. ಕೋವಿಂದ್ ದಲಿತ ಸಮುದಾಯದಿಂದ ಬಂದಿದ್ದಾರೆ. ವಕೀಲ ಪದವಿ ಪಡೆದ ನಂತರ, ಕೋವಿಂದ್ ಅವರು ದೆಹಲಿ ಹೈಕೋರ್ಟ್ನಲ್ಲಿ ಅಭ್ಯಾಸವನ್ನು ಪ್ರಾರಂಭಿಸಿದರು. ಅವರು 1977 ರಿಂದ 1979 ರವರೆಗೆ ದೆಹಲಿಯ ಹೈಕೋರ್ಟ್ನಲ್ಲಿ ಕೇಂದ್ರ ಸರ್ಕಾರದ ವಕೀಲರಾಗಿದ್ದರು.
5. 1977 ರಲ್ಲಿ ಜನತಾ ಪಕ್ಷದ ಸರಕಾರದ ನಂತರ ಅವರು ಪ್ರಧಾನಿ ಮೊರಾರ್ಜಿ ದೇಸಾಯಿಯ ಖಾಸಗಿ ಕಾರ್ಯದರ್ಶಿಯಾಗಿದ್ದರು. ನಂತರ ಅವರು ಬಿಜೆಪಿಯಲ್ಲಿ ಸೇರಿದರು. ಅವರು ಪಕ್ಷದ ಟಿಕೆಟ್ನಿಂದ ಎರಡು ಬಾರಿ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದಾರೆ, ಆದರೆ ದುರದೃಷ್ಟವಶಾತ್ ಎರಡು ಬಾರಿಯೂ ಸೋಲು ಅನುಭವಿಸಬೇಕಾಯಿತು.
6. 1991 ರಲ್ಲಿ ಕೋವಿಂದ್ ಬಿಜೆಪಿ ಸೇರಿದರು. ಅವರು ಪಕ್ಷದ ವಕ್ತಾರರ ಸ್ಥಾನವನ್ನು ಕೂಡ ಪಡೆದರು. ಕೋವಿಂದ್ ಬಿಜೆಪಿ ದಲಿತ ಮೋರ್ಚಾದ ರಾಷ್ಟ್ರೀಯ ಅಧ್ಯಕ್ಷ ಹುದ್ದೆಯನ್ನು ಕೂಡಾ ವಹಿಸಿಕೊಂಡಿದ್ದಾರೆ. ಕೋವಿಂದ್ ಕುಷ್ಠರೋಗ ರೋಗಿಗಳಿಗೆ ಕೆಲಸ ಮಾಡುವ ಸಂಸ್ಥೆ ದಿವ್ಯ ಪ್ರೇಮ್ ಸೇವಾ ಮಿಷನ್ನ ಪೋಷಕರಾಗಿದ್ದಾರೆ.
7. ಕೋವಿಂದ ಅವರು 12 ವರ್ಷಗಳ ಕಾಲ ರಾಜ್ಯಸಭೆಯಲ್ಲಿ ಬಿಜೆಪಿಯನ್ನು ಪ್ರತಿನಿಧಿಸಿದ್ದಾರೆ. 1994 ರಲ್ಲಿ ರಾಜ್ಯಸಭೆಗೆ ಮೊದಲ ಬಾರಿಗೆ ಆಯ್ಕೆಯಾದರು.
8. 1998 ರಿಂದ 2002 ರವರೆಗೆ ಬಿಜೆಪಿ ದಲಿತ ಮೋರ್ಚಾದ ರಾಷ್ಟ್ರೀಯ ಅಧ್ಯಕ್ಷರಾಗಿ ಕೋವಿಂದ್ ಕಾರ್ಯ ನಿರ್ವಹಿಸಿದ್ದರು. ಅವರು ಆಲ್ ಇಂಡಿಯಾ ಕೋಲಿ ಸೊಸೈಟಿಯ ಅಧ್ಯಕ್ಷರಾಗಿದ್ದರು. ಅಲ್ಲದೆ, ಬಿಜೆಪಿ ರಾಷ್ಟ್ರೀಯ ವಕ್ತಾರರಾಗಿ ಕೆಲಸ ಮಾಡಿದ್ದಾರೆ. ಆಗಸ್ಟ್ 8, 2015 ರಂದು ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ, ಕೋವಿಂದ್ ಅವರನ್ನು ಬಿಹಾರದ ರಾಜ್ಯಪಾಲರಾಗಿ ನೇಮಕ ಮಾಡಿದರು.
9. 2015 ರಲ್ಲಿ, ಬಿಹಾರದ ರಾಜ್ಯಪಾಲರಾಗಿ ಕೋವಿಂದ್ ಆಯ್ಕೆಯಾದರು. ಈ ಸಮಯದಲ್ಲಿ ಬಿಹಾರದ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರೊಂದಿಗೆ ಉತ್ತಮ ಹೊಂದಾಣಿಕೆಯಿತ್ತು. ಹೀಗಾಗಿಯೇ, ರಾಷ್ಟ್ರಪತಿ ಅಭ್ಯರ್ಥಿಗಾಗಿ ಕೋವಿಂದ್ ಅವರನ್ನು ಎನ್ಡಿಎ ಘೋಷಿಸಿದಾಗ, ನಿತೀಶ್ ಕುಮಾರ್, ಕೊವಿಂದ್ ಅವರಿಗೆ ತಮ್ಮ ಬೆಂಬಲವನ್ನು ಘೋಷಿಸಿದರು.
10. ರಾಜಕೀಯ ಕಾರ್ಯಕರ್ತರು, ವಿದ್ವಾಂಸರು, ಕಲಾವಿದರು, ಕವಿಗಳು ಸೇರಿದಂತೆ ವಿವಿಧ ಸಾಮಾಜಿಕ ಸಂಘಟನೆಗಳ ಜನರು ಭೇಟಿಯಾಗಲು ತಮ್ಮ ಬಯಕೆಯನ್ನು ವ್ಯಕ್ತಪಡಿಸಿ, ಪತ್ರ ಬರೆದರೆ, ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರ ಭೇಟಿಗೆ ನಿರ್ದಿಷ್ಟ ಸಮಯವನ್ನು ಪಡೆಯುತ್ತಾರೆ.
