ಪ್ರತಿಯೊಬ್ಬರಿಗೂ ಅಗತ್ಯವಾಗಿ ಬೇಕಾಗಿರುವ ಸೋಪ್ ತಯಾರಿಕೆ ಬ್ಯುಸಿನೆಸ್‍ಗೆ ಸರ್ಕಾರವು ನಿಮಗೆ ನೆರವು ನೀಡುತ್ತದೆ.
ನವದೆಹಲಿ: ನೀವು ಸಹ ನಿಮ್ಮ ಸ್ವಂತ ವ್ಯವಹಾರ ಪ್ರಾರಂಭಿಸಲು ಬಯಸಿದರೆ ಇಲ್ಲಿದೆ ಸೂಪರ್ ಡೂಪರ್ ಬ್ಯುಸಿನೆಸ್ ಐಡಿಯಾ. ಇದು ಎಲ್ಲಾ ವರ್ಗದ ಜನರಿಂದ ಬೇಡಿಕೆಯಿರುವ ವ್ಯವಹಾರವಾಗಿದೆ. ಇದು ಸೋಪ್ ತಯಾರಿಕೆಯ ವ್ಯವಹಾರವಾಗಿದೆ. ಈ ವ್ಯವಹಾರದಲ್ಲಿ ನೀವು ಹೆಚ್ಚು ಹೂಡಿಕೆ ಮಾಡಬೇಕಾಗಿಲ್ಲ ಮತ್ತು ಸರ್ಕಾರವೂ ನಿಮಗೆ ನೆರವು ನೀಡುತ್ತದೆ. ಈ ವ್ಯವಹಾರದ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ಪ್ರತಿಯೊಬ್ಬರಿಗೂ ಅಗತ್ಯವಾಗಿ ಬೇಕಾಗಿರುವ ಸೋಪ್ ತಯಾರಿಕೆ ಬ್ಯುಸಿನೆಸ್‍ಗೆ ಸರ್ಕಾರವು ನಿಮಗೆ ನೆರವು ನೀಡುತ್ತದೆ. ಸಾಬೂನು ತಯಾರಿಕಾ ಘಟಕ ಸ್ಥಾಪಿಸಿ ನೀವು ಕೈತುಂಬಾ ಹಣ ಸಂಪಾದಿಸಬಹುದು. ಸರ್ಕಾರದ ನೆರವಿನಿಂದ ಈ ವ್ಯವಹಾರ ಪ್ರಾರಂಭಿಸಿದರೆ ನಿಮಗೆ ಲಾಭವೂ ಹೆಚ್ಚಿರುತ್ತದೆ.
ಯಂತ್ರದ ಸಹಾಯದಿಂದ ಸೋಪ್ ತಯಾರಿಸಿ ಮಾರುಕಟ್ಟೆಯಲ್ಲಿ ನಿಮಗಿಷ್ಟದ ಬೆಲೆಗೆ ಮಾರಾಟ ಮಾಡಬಹುದು. ಇಂದು ಅನೇಕರು ಕೈಯಿಂದ ತಯಾರಿಸಿದ ಸಾಬೂನುಗಳನ್ನು ಮಾರುಕಟ್ಟೆಯಲ್ಲಿ ಮಾರಾಟ ಮಾಡುತ್ತಾರೆ. ಒಳ್ಳೆಯ ವಿಷಯವೆಂದರೆ ಈ ವ್ಯವಹಾರವನ್ನು ಸಣ್ಣ ಪ್ರಮಾಣದಲ್ಲಿಯೂ ಪ್ರಾರಂಭಿಸಬಹುದು. ಬೇಡಿಕೆ ಕಾರಣದಿಂದ ಈ ವ್ಯವಹಾರವು ಪ್ರತಿಯೊಂದು ಋತುವಿನಲ್ಲಿಯೂ ನಿಮ್ಮ ಕೈಹಿಡಿಯುತ್ತದೆ.
ಭಾರತದಲ್ಲಿ ಸಾಬೂನು ಮಾರುಕಟ್ಟೆಯಲ್ಲಿ ಹಲವು ವರ್ಗಗಳಿವೆ. ಸೋಪ್ ಮಾರುಕಟ್ಟೆಯನ್ನು ಅದರ ಬಳಕೆಯ ಆಧಾರದ ಮೇಲೆ ವಿವಿಧ ವರ್ಗಗಳಾಗಿ ವಿಂಗಡಿಸಬಹುದು. ಲಾಂಡ್ರಿ ಸೋಪ್, ಬ್ಯೂಟಿ ಸೋಪ್, ಮೆಡಿಕೇಟೆಡ್ ಸೋಪ್, ಕಿಚನ್ ಸೋಪ್, ಪರ್ಫ್ಯೂಮ್ಡ್ ಸೋಪ್ ಇತ್ಯಾದಿ. ಬೇಡಿಕೆ ಮತ್ತು ಮಾರುಕಟ್ಟೆಯನ್ನು ಗಮನದಲ್ಲಿಟ್ಟುಕೊಂಡು ನೀವು ಈ ವರ್ಗಗಳಲ್ಲಿ ಯಾವುದನ್ನಾದರೂ ಆಯ್ಕೆ ಮಾಡಬಹುದು.
ಕೇಂದ್ರ ಸರ್ಕಾರದ ಮುದ್ರಾ ಸ್ಕೀಮ್ ಪ್ರಾಜೆಕ್ಟ್ ವಿವರದ ಪ್ರಕಾರ, ನೀವು 1 ವರ್ಷದಲ್ಲಿ ಒಟ್ಟು 4 ಲಕ್ಷ ಕೆಜಿ ಉತ್ಪಾದನೆ ಮಾಡಲು ಸಾಧ್ಯವಾಗುತ್ತದೆ. ಇದರ ಒಟ್ಟು ಮೌಲ್ಯ 47 ಲಕ್ಷ ರೂ. ಈ ಯೋಜನೆಯಡಿ ಎಲ್ಲಾ ವೆಚ್ಚಗಳು ನಂತರ ನೀವು 6 ಲಕ್ಷ ರೂ. ಅಂದರೆ ಪ್ರತಿ ತಿಂಗಳು 50 ಸಾವಿರ ರೂ. ನಿವ್ವಳ ಲಾಭ ಗಳಿಸುತ್ತೀರಿ.
ಸೋಪ್ ತಯಾರಿಕಾ ಘಟಕ ಸ್ಥಾಪಿಸಲು ನಿಮಗೆ ಒಟ್ಟು 750 ಚದರ ಅಡಿ ಜಾಗ ಬೇಕಾಗುತ್ತದೆ. ಇದಕ್ಕೆ 500 ಚದರ ಅಡಿ ವಿಸ್ತೀರ್ಣ ಮತ್ತು ಉಳಿದ ತೆರೆದ ಜಾಗದ ಅಗತ್ಯವಿದೆ. ಇದಕ್ಕೆ ಎಲ್ಲಾ ರೀತಿಯ ಯಂತ್ರಗಳ ಜೊತೆಗೆ 8 ರೀತಿಯ ಉಪಕರಣಗಳು ಬೇಕಾಗುತ್ತವೆ. ಯೋಜನಾ ವರದಿ ಪ್ರಕಾರ ಈ ಯಂತ್ರಗಳನ್ನು ಅಳವಡಿಸಲು ಒಟ್ಟು 1 ಲಕ್ಷ ರೂ. ಬೇಕಾಗುತ್ತದೆ.
ಹಳ್ಳಿ, ಪಟ್ಟಣ ಮತ್ತು ನಗರ ಹೀಗೆ ಎಲ್ಲಿ ಬೇಕಾದರೂ ನೀವು ಸಾಬೂನುಗಳನ್ನು ಸುಲಭವಾಗಿ ಮಾರಾಟ ಮಾಡಬಹುದು. ಬೇಡಿಕೆ ಹೆಚ್ಚಿರುವ ಕಾರಣ ನಿಮಗೆ ಈ ವ್ಯವಹಾರದಲ್ಲಿ ಯಶಸ್ಸು ಖಚಿತ. ಗುಣಮಟ್ಟದ ಜೊತೆಗೆ ಅತ್ಯುತ್ತಮ ಬೆಲೆಗೆ ಸೋಪ್ ಮಾರಾಟ ಮಾಡಬಹುದು. ನೀವು ಕಡಿಮೆ ಹಣದಲ್ಲಿ ಸೋಪ್ ಕಾರ್ಖಾನೆ ತೆರೆಯಬಹುದು. ಈ ವ್ಯವಹಾರ ಪ್ರಾರಂಭಿಸಲು ನೀವು ಮುದ್ರಾ ಯೋಜನೆಯಡಿ ಶೇ.80 ಪ್ರತಿಶತದಷ್ಟು ಸಾಲವನ್ನು ಸಹ ತೆಗೆದುಕೊಳ್ಳಬಹುದು.
ಸೋಪ್ ತಯಾರಿಕೆಯ ಉತ್ಪಾದನಾ ಘಟಕವನ್ನು ಸ್ಥಾಪಿಸಲು ನಿಮಗೆ ಒಟ್ಟು 15,30,000 ರೂ.ನಷ್ಟು ಖರ್ಚಾಗುತ್ತದೆ. ಜಾಗ, ಯಂತ್ರೋಪಕರಣ ಮತ್ತು 3 ತಿಂಗಳ ಕೆಲಸದ ಬಂಡವಾಳ ನಿಮಗೆ ಬೇಕಾಗುತ್ತದೆ. ಸುಮಾರು 4 ಲಕ್ಷ ರೂ.ನಷ್ಟು ಆರಂಭಿಕ ಬಂಡವಾಳ ನಿಮ್ಮ ಬಳಿ ಇದ್ದರೆ, ಇನ್ನುಳಿದ ಹಣಕ್ಕೆ ನೀವು ಮುದ್ರಾ ಯೋಜನೆಯಡಿ ಸಾಲ ಪಡೆದುಕೊಳ್ಳಬಹುದು.
