ನವದೆಹಲಿ: ಮಾರ್ಚ್ 1ರ ಮಂಗಳವಾರ ಮಹಾಶಿವರಾತ್ರಿ ಹಬ್ಬ(Mahashivratri 2022). ಶಿವ ಮತ್ತು ತಾಯಿ ಪಾರ್ವತಿಯ ವಿವಾಹದ ಈ ಪವಿತ್ರ ದಿನವು ತುಂಬಾ ವಿಶೇಷವಾಗಿದೆ. ಈ ದಿನ ಪೂಜೆಯ ಜೊತೆಗೆ ತಂತ್ರ-ಮಂತ್ರ, ಉಪಾಯ-ಪರಿಹಾರ ಮಾಡುವುದು ಬಹಳ ಮುಖ್ಯ. ಈ ದಿನ ಮಾಡುವ ಪೂಜೆ, ಪರಿಹಾರಗಳು ಅನೇಕ ಪಟ್ಟು ಹೆಚ್ಚಿನ ಫಲಿತಾಂಶವನ್ನು ನೀಡುತ್ತದೆ. ಅಂದು ಮಹಾದೇವನನ್ನು ಮೆಚ್ಚಿಸಲು ಕೆಲವು ವಿಶೇಷ ಪೂಜಾ ವಿಧಿ-ವಿಧಾನ(Mahashivratri Worship Time)ಗಳನ್ನು ಮಾಡಬೇಕು. ಇದರಿಂದ ಅದೃಷ್ಟ ನಿಮ್ಮ ಕೈಹಿಡಿಯಲಿದೆ. ನಿಮ್ಮ ಎಲ್ಲಾ ಆಸೆಗಳು ಈಡೇರುತ್ತವೆ ಮತ್ತು ಜೀವನದಲ್ಲಿ ಯಾವುದಕ್ಕೂ ಕೊರತೆಯಿರುವುದಿಲ್ಲ.
ಮಹಾಶಿವರಾತ್ರಿಯ ಈ ಪರಿಹಾರಗಳು ತುಂಬಾ ಪರಿಣಾಮಕಾರಿ
ಧನ ಪ್ರಾಪ್ತಿಗೆ: ಮಹಾಶಿವರಾತ್ರಿಯಂದು ಶಿವನನ್ನು ಪೂಜಿಸಿದ ನಂತರ ದಿನದ ಯಾವುದೇ ಸಮಯದಲ್ಲಿ ಮೀನಿಗೆ ಹಿಟ್ಟಿನ ಮಾತ್ರೆಗಳನ್ನು ತಿನ್ನಿಸಿ. ಇದರಿಂದ ಹಣದ ಒಳಹರಿವು ಹೆಚ್ಚುತ್ತದೆ. ಧನ ಪ್ರಾಪ್ತಿಗೆ ಈ ಪರಿಹಾರ ಬಹುಮುಖ್ಯವೆಂದು ಹೇಳಲಾಗಿದೆ.
ಇದನ್ನೂ ಓದಿ: Astrology: ಸಂಗಾತಿಯ ಮೇಲೆ ಕಿಂಚಿತ್ತು ನಂಬಿಕೆ ಇಡಲ್ಲ ಈ 3 ರಾಶಿಗಳ ಜನರು, ಪ್ರತಿಯೊಂದು ಚಟುವಟಿಕೆಯ ಮೇಲೆ ನಿಗಾ ಇಡುತ್ತಾರೆ
ದಾಂಪತ್ಯದಲ್ಲಿನ ಅಡೆತಡೆ ನಿವಾರಿಸಲು: ತಮ್ಮ ದಾಂಪತ್ಯದಲ್ಲಿ ಅಡೆತಡೆಗಳನ್ನು ಎದುರಿಸುತ್ತಿರುವವರು ಮಹಾಶಿವರಾತ್ರಿಯ ದಿನದಂದು ಶಿವಲಿಂಗಕ್ಕೆ ಕುಂಕುಮ ಮಿಶ್ರಿತ ಹಾಲನ್ನು ಅರ್ಪಿಸಬೇಕು(Mahashivratri Remedies). ಇದು ಶೀಘ್ರದಲ್ಲೇ ನಿಮಗೆ ಅತ್ಯುತ್ತಮ ಪರಿಹಾರ ನೀಡುತ್ತದೆ.
ಸಂತೋಷ ಮತ್ತು ಸಮೃದ್ಧಿ ಪಡೆಯಲು: ಜೀವನವು ಅನೇಕ ತೊಂದರೆಗಳಿಂದ ಆವೃತವಾಗಿದ್ದರೆ, ಮನೆಯವರ ಆಶೀರ್ವಾದ ಕಡಿಮೆಯಾದರೆ ಮಹಾಶಿವರಾತ್ರಿಯಂದು ನಂದಿಗೆ (ಗೂಳಿ) ಹಸಿರು ಮೇವನ್ನು ತಿನ್ನಿಸಿ. ಇದರಿಂದ ನಿಮ್ಮ ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿ ಹೆಚ್ಚುತ್ತದೆ.
ಇಷ್ಟಾರ್ಥಗಳ ನೆರವೇರಿಕೆಗೆ: ಮಹಾಶಿವರಾತ್ರಿಯ ದಿನ 21 ಎಲೆಗಳ ಮೇಲೆ ಶ್ರೀಗಂಧದಿಂದ ‘ಓಂ ನಮಃ ಶಿವಾಯ’ ಎಂದು ಬರೆದು ಶಿವಲಿಂಗಕ್ಕೆ ಅರ್ಪಿಸಿದರೆ ಭೋಲೇನಾಥನು ಸಂತೋಷಗೊಂಡು ನಿಮ್ಮ ಎಲ್ಲಾ ಇಷ್ಟಾರ್ಥಗಳನ್ನು ಈಡೇರಿಸುತ್ತಾನೆ.
ಮನಃಶಾಂತಿ ಪಡೆಯಲು: ಮಹಾಶಿವರಾತ್ರಿಯಂದು ನೀರಿನಲ್ಲಿ ಕಪ್ಪು ಎಳ್ಳನ್ನು ಬೆರೆಸಿ ಶಿವಲಿಂಗಕ್ಕೆ ಅರ್ಪಿಸಬೇಕು.
ಪಿತೃ ದೋಷ ನಿವಾರಣೆಗೆ: ಮಹಾಶಿವರಾತ್ರಿಯ ದಿನ ಬಡವರಿಗೆ ಅನ್ನ ನೈವೇದ್ಯ ಮಾಡಿ, ಇದರಿಂದ ಪೂರ್ವಜರು ಸಂತುಷ್ಟರಾಗುತ್ತಾರೆ ಮತ್ತು ಮನೆಯಲ್ಲಿ ಸಂತಸವನ್ನು ತರುತ್ತಾರೆ.
ಇದನ್ನೂ ಓದಿ: Vastu Suggestions: ವ್ಯಾಪಾರ ಮತ್ತು ನೌಕರಿಯಲ್ಲಿ ಉನ್ನತಿಗಾಗಿ ಈ ಉಪಾಯಗಳನ್ನು ಅನುಸರಿಸಿ ನೋಡಿ!
ಸಂತಾನ ಪ್ರಾಪ್ತಿಗೆ: ಮಹಾಶಿವರಾತ್ರಿ(Mahashivratri)ಯ ದಿನ ಹಿಟ್ಟಿನಿಂದ 11 ಶಿವಲಿಂಗಗಳನ್ನು ಮಾಡಿ ಜಲಾಭಿಷೇಕ ಮಾಡುವುದರಿಂದ ಸಂತಾನ ಸುಖ ಬೇಗ ಸಿಗುತ್ತದೆ.
ಸಂತೋಷ ಪಡೆಯಲು: ಮಹಾಶಿವರಾತ್ರಿಯ ದಿನ ಶಿವನಿಗೆ ಎಳ್ಳು ಮತ್ತು ಬಾರ್ಲಿಯನ್ನು ಅರ್ಪಿಸುವುದರಿಂದ ಪಾಪಗಳು ಮತ್ತು ದುಃಖಗಳು ನಾಶವಾಗುತ್ತವೆ. ಜೀವನದಲ್ಲಿ ಸಂತೋಷ ಬರುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
