ಆಧಾರ್ ಕಾರ್ಡ್ (Aadhaar Card) ದುರುಪಯೋಗದ ಬಗ್ಗೆ ಬಹಳ ಸಮಯದಿಂದ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಆಧಾರ್‌ಗೆ ಸಂಬಂಧಿಸಿದ ಯಾವುದೇ ಡೇಟಾವನ್ನು ಕಳವು ಮಾಡಿಲ್ಲ ಎಂದು ಇತ್ತೀಚೆಗೆ ಯುನಿಕ್ ಐಡೆಂಟಿಫಿಕೇಶನ್ ಅಥಾರಿಟಿ ಆಫ್ ಇಂಡಿಯಾ (ಯುಐಡಿಎಐ) ಸ್ಪಷ್ಟಪಡಿಸಿತ್ತು. ಇಂದು, ಪ್ರತಿ ಸಣ್ಣ ಮತ್ತು ದೊಡ್ಡ ಕೆಲಸಗಳಲ್ಲಿ ಆಧಾರ್ ಕಾರ್ಡ್ ಅಗತ್ಯವಿದೆ. ಅಂತಹ ಪರಿಸ್ಥಿತಿಯಲ್ಲಿ, ಜನರ ಮನಸ್ಸಿನಲ್ಲಿ ಆಗಾಗ್ಗೆ ಅವರ ಆಧಾರ್ ಅನ್ನು ಹಣ ಸಂಬಂಧಿತ ಕೆಲಸಕ್ಕೆ ಎಷ್ಟು ಬಾರಿ ಬಳಸಲಾಗಿದೆ ಎಂಬ ಪ್ರಶ್ನೆ ಸಹಜವಾಗಿಯೇ ಮೂಡುತ್ತದೆ. ಆದ್ದರಿಂದ ಯುಐಡಿಎಐ ವೆಬ್‌ಸೈಟ್‌ನ ಆಧಾರ್ ದೃಢೀಕರಣ ಹಿಸ್ಟರಿ ಸೇವೆಯ ಮೂಲಕ, ಆಧಾರ್ ಕಾರ್ಡ್ ಹೊಂದಿರುವವರು ತಮ್ಮ ಕಾರ್ಡ್ನ ಬಳಕೆ ಯಾವಾಗ ಹಾಗೂ ಎಲ್ಲಿ ಸಂಭವಿಸಿದೆ ಎಂದು ತಿಳಿಯಬಹುದು. ಸೈಟ್ನಲ್ಲಿ, ಕಳೆದ 6 ತಿಂಗಳುಗಳಿಂದ ನಿಮ್ಮ ಆಧಾರ್ ಕಾರ್ಡ್ನ ಬಳಕೆ ಎಲ್ಲೆಲ್ಲಿ ಆಗಿದೆ ಎಂಬ ಮಾಹಿತಿಯಲ್ಲಿ ಚಿಟಕೆ ಹೊಡೆಯುವುದರಲ್ಲಿ ಪಡೆಯಬಹುದು. ಅದು ಹೇಗೆ ಎಂಬ ಬಗ್ಗೆ ಇಲ್ಲಿದೆ ವಿವರ...
ಯುಐಡಿಎಐನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಆಧಾರ್ ದೃಢೀಕರಣ ಇತಿಹಾಸ (History) ಆಯ್ಕೆಯ ಮೂಲಕ, ನಿಮ್ಮ ಆಧಾರ್ ಕಾರ್ಡ್ನ ಕೊನೆಯ 6 ತಿಂಗಳ ಇತಿಹಾಸವನ್ನು ನೀವು ಕುಳಿತಲ್ಲಿಯೇ ಪರಿಶೀಲಿಸಬಹುದು.
ಇದಕ್ಕಾಗಿ, ಮೊದಲು ನೀವು UIDAI uidai.gov.in ನ ಅಧಿಕೃತ ವೆಬ್‌ಸೈಟ್‌ಗೆ ಹೋಗಿ 'ನನ್ನ ಆಧಾರ್' (My Aadhaar) ಆಯ್ಕೆಯನ್ನು ಕ್ಲಿಕ್ ಮಾಡಿ.
ಮುಂದುವರಿದ ನಂತರ, ಆಧಾರ್ ಸೇವಾ ವಿಭಾಗವು ತೆರೆಯುತ್ತದೆ, 'ಆಧಾರ್ ದೃಢೀಕರಣ ಇತಿಹಾಸ' ಆಯ್ಕೆಯನ್ನು ಕ್ಲಿಕ್ ಮಾಡಿದ ನಂತರ, ನಿಮ್ಮ ಆಧಾರ್ ಸಂಖ್ಯೆ ಮತ್ತು ಕೊಟ್ಟಿರುವ ಕ್ಯಾಪ್ಚಾ ಚಿತ್ರವನ್ನು ನೀವು ಭರ್ತಿ ಮಾಡಿ. ನಂತರ ನಿಮ್ಮ ಮೊಬೈಲ್ ಸಂಖ್ಯೆಗೆ ಸಂದೇಶವಾಗಿ ಒಟಿಪಿ ಬರುತ್ತದೆ. ಇದನ್ನೂ ಓದಿ - UIDAI New Development: mAadhaarನಲ್ಲಿ ಈಗ ಸಾಧ್ಯವಾಗುತ್ತೆ ಈ ಕೆಲಸ
ಒಟಿಪಿ ತುಂಬಿದ ನಂತರ ನಿಮಗೆ 2 ಆಯ್ಕೆಗಳಿವೆ. ಇದು 'ದೃಢೀಕರಣ ಪ್ರಕಾರ'ವನ್ನು ಹೊಂದಿರುತ್ತದೆ, ಇದರಲ್ಲಿ ಬಯೋಮೆಟ್ರಿಕ್ ಇತ್ಯಾದಿಗಳ ವಿವರಗಳು ಕಂಡುಬರುತ್ತವೆ. ಅದೇ ಸಮಯದಲ್ಲಿ, ಎರಡನೇ ಆಯ್ಕೆಯು 'ಡೇಟಾ ಶ್ರೇಣಿ'ಯಾಗಿರುತ್ತದೆ. ಇದರ ಅಡಿಯಲ್ಲಿ, ಒಂದು ನಿರ್ದಿಷ್ಟ ದಿನಾಂಕ ಮತ್ತು ಇನ್ನೊಂದು ನಿಗದಿತ ದಿನಾಂಕದ ನಡುವೆ ಮಾಹಿತಿ ಲಭ್ಯವಿದೆ. ಇದನ್ನೂ ಓದಿ - ದೊಡ್ಡ ಬದಲಾವಣೆಯತ್ತ Transport Ministry, ಈ ಕೆಲಸ ಮಾಡಿದರಷ್ಟೇ ವಾಹನ ಚಲಾಯಿಸಲು ಸಾಧ್ಯ
ಆದ್ದರಿಂದ ಕೊನೆಯಲ್ಲಿ, ನಿಮ್ಮ ನಿಗದಿತ ಸಮಯದ ಚೌಕಟ್ಟನ್ನು ನೀವು ಭರ್ತಿ ಮಾಡಬಹುದು ಮತ್ತು ನಿಮ್ಮ ಆಧಾರ್ ಕಾರ್ಡ್ (Aadhaar Card) ಬಳಕೆಗೆ ಸಂಬಂಧಿಸಿದ ಎಲ್ಲಾ ಮಾಹಿತಿಯನ್ನು ಪಡೆಯಬಹುದು. ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ... Android Link - https://bit.ly/3hDyh4G Apple Link - https://apple.co/3loQYe ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
