ನಾರ್ಡಿಕ್ ಪ್ರಿಸನ್ ಸೆಲ್‌ಗಳ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ, ಜನರು ಅವುಗಳನ್ನು ನೋಡಿ ಆಶ್ಚರ್ಯಗೊಂಡಿದ್ದು ಅವುಗಳನ್ನು ಐಷಾರಾಮಿ ಫ್ಲ್ಯಾಟ್‌ಗಳು ಮತ್ತು ಹೋಟೆಲ್ ಕೋಣೆಗಳಿಗೆ ಹೋಲಿಸುತ್ತಿದ್ದಾರೆ.
ಜೈಲಿನ ಹೆಸರನ್ನು ಕೇಳಿದರೆ ಸಾಕು ಹಲವು ಜನರು ಬೆವರು ಸುರಿಸುತ್ತಾರೆ ಮತ್ತು ಮನಸ್ಸಿನಲ್ಲಿ ಭಯಾನಕ ಚಿತ್ರವೊಂದು ರೂಪುಗೊಳ್ಳುತ್ತದೆ. ಆದರೆ ಈ ದಿನಗಳಲ್ಲಿ ಪ್ರಿಸನ್ ಸೆಲ್‌ಗಳ (Prison Cells) ಕೆಲವು ಚಿತ್ರಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಇದನ್ನು ನೋಡಿ ಜನರು ಆಶ್ಚರ್ಯಚಕಿತರಾಗಿದ್ದಾರೆ. ಈ ಚಿತ್ರಗಳನ್ನು ನೋಡಿದ ಕೆಲವರು ಇದನ್ನು ತಮ್ಮ ಮನೆಗಳೊಂದಿಗೆ ಹೋಲಿಸುತ್ತಿದ್ದರೆ, ಕೆಲವರು ಹೋಟೆಲ್ ಕೋಣೆಗಳಿಗಿಂತ ಉತ್ತಮವಾಗಿದೆ ಎಂದು ಹೇಳುತ್ತಿದ್ದಾರೆ. ಆದಾಗ್ಯೂ, ಕೆಲವು ಬಳಕೆದಾರರು ಸೋಶಿಯಲ್ ಮೀಡಿಯಾದಲ್ಲಿ ಐಷಾರಾಮಿ ಜೈಲುಗಳ ವಿರುದ್ಧ ಅಕ್ರೋಶ ವ್ಯಕ್ತಪಡಿಸಿದ್ದಾರೆ ಮತ್ತು ಅಂತಹ ಜೈಲುಗಳನ್ನು ಎಲ್ಲೆಡೆ ನಿರ್ಮಿಸಿದರೆ, ಜನರು ಉದ್ದೇಶಪೂರ್ವಕವಾಗಿ ಅಪರಾಧಗಳನ್ನು ಮಾಡುತ್ತಾರೆ, ಇದರಿಂದ ಅವರು ಹೊರಜಗತ್ತಿಗಿಂತ ಜೈಲಿನಲ್ಲೇ ಉತ್ತಮ ಜೀವನ ಸಿಗುತ್ತದೆ ಎಂದು ಭಾವಿಸಬಹುದು ಎಂದು ಕಿಡಿಕಾರಿದ್ದಾರೆ.
ಟ್ವಿಟರ್‌ನಲ್ಲಿ, @IDoTheThinking ಎಂಬ ಬಳಕೆದಾರರು ಈ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ ಮತ್ತು ನಾರ್ಡಿಕ್ ದೇಶಗಳಲ್ಲಿ (Nordic Countries) ಇಂತಹ ಜೈಲುಗಳಿವೆ.
ಜೈಲು ಸೆಲ್‌ನಲ್ಲಿ ಹೋಟೆಲ್‌ಗಳಂತಹ ಅನೇಕ ಸೌಲಭ್ಯಗಳು ಲಭ್ಯವಿದೆ. ಜೈಲು ಸೆಲ್‌ಗಳಲ್ಲಿನ ಐಷಾರಾಮಿ ಹಾಸಿಗೆಯ ಜೊತೆಗೆ, ಟೈಲ್‌ಬ್ಯಾಬ್ ಇದ್ದರೆ, ಸಾಮಾನ್ಯ ಪ್ರದೇಶದಲ್ಲಿ ಟೆಲಿವಿಷನ್, ಟೇಬಲ್ ಮತ್ತು ಸೋಫಾಗಳಿವೆ.
ನಾರ್ಡಿಕ್ ದೇಶಗಳಲ್ಲಿ ನಾರ್ವೆ, ಡೆನ್ಮಾರ್ಕ್, ಸ್ವೀಡನ್, ಫಿನ್ಲ್ಯಾಂಡ್ ಮತ್ತು ಐಸ್ಲ್ಯಾಂಡ್ ಸೇರಿವೆ.
ಚಿತ್ರಗಳು ವೈರಲ್ ಆದ ನಂತರ, ಜನರು ಇದನ್ನು ಹೋಟೆಲ್ ಕೋಣೆಗಿಂತ ಉತ್ತಮವೆಂದು ಬಣ್ಣಿಸಿದರು. ಈ ಜೈಲುಗಳ ಫೋಟೋಗಳು ನಮ್ಮ ಮನೆಗಿಂತ ಸುಂದರವಾಗಿವೆ ಎಂದು ಅನೇಕ ಬಳಕೆದಾರರು ಬರೆದಿದ್ದಾರೆ.
ಟ್ವಿಟರ್ ಬಳಕೆದಾರ @IDoTheThinking ಈ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ, 'ನಾರ್ಡಿಕ್ ಜೈಲಿನ ಕೋಶವು 3 ಸಾವಿರ ಡಾಲರ್ ಸ್ಯಾನ್ ಫ್ರಾನ್ಸಿಸ್ಕೊ ಅಪಾರ್ಟ್ಮೆಂಟ್ನಂತೆ ಕಾಣುತ್ತದೆ ಮತ್ತು ತಿಂಗಳಿಗೆ ಸುಮಾರು 2.2 ಲಕ್ಷ ರೂ.ಗೆ ಸಿಗುವ ಬಾಡಿಗೆ ಅಪಾರ್ಟ್ಮೆಂಟ್ನಂತಿದೆ ಎಂದು ಹೇಳಿದ್ದಾರೆ.
ಟ್ವಿಟ್ಟರ್ನಲ್ಲಿ ಕೆಲವರು ಈ ಜೈಲುಗಳನ್ನು ವಿರೋಧಿಸಿದರು ಮತ್ತು ಅಂತಹ ಐಷಾರಾಮಿ ಜೈಲುಗಳನ್ನು ಎಲ್ಲೆಡೆ ನಿರ್ಮಿಸಿದರೆ, ಜನರು ಉದ್ದೇಶಪೂರ್ವಕವಾಗಿ ಅಪರಾಧಗಳನ್ನು ಮಾಡಿ ಜೈಲಿಗೆ ಸೇರುತ್ತಾರೆ. ಇದರಿಂದ ಅವರು ಹೊರಜಗತ್ತಿಗಿಂತ ಜೈಲಿನಲ್ಲೇ ಉತ್ತಮ ಜೀವನ ಸಿಗುತ್ತದೆ ಎಂದು ಭಾವಿಸಬಹುದು ಎಂದು ಕಿಡಿಕಾರಿದ್ದಾರೆ.
ಟ್ವಿಟರ್ ಬಳಕೆದಾರ @IDoTheThinking ಸ್ವೀಡನ್ ಮತ್ತು ಅಮೆರಿಕದ ಜೈಲಿನ ಫೋಟೋವನ್ನು ಹಂಚಿಕೊಂಡಿದ್ದಾರೆ ಮತ್ತು ಜನರನ್ನು ಪುನರ್ವಸತಿ ಮಾಡುವುದು ಮತ್ತು ಅಪರಾಧ ಜೀವನದಿಂದ ಹೊರತರುವುದು ನಿಮ್ಮ ಉದ್ದೇಶವಾಗಿದ್ದರೆ ಯಾವ ಜೈಲು ವಾತಾವರಣವು ಉತ್ತಮ ಫಲಿತಾಂಶವನ್ನು ನೀಡುತ್ತದೆ ಎಂದು ಕೇಳಿದರು.
ಟ್ವಿಟರ್ ಬಳಕೆದಾರ @MensahPT ಫೋಟೋವೊಂದನ್ನು ಹಂಚಿಕೊಂಡಿದ್ದು, 'ಅಮೆರಿಕದ ಜೈಲು ಕೆಟ್ಟದು ಎಂದು ನೀವು ಭಾವಿಸಿದರೆ, ನನ್ನ ದೇಶದ ಘಾನಾದ ಜೈಲು ನೋಡಿ' ಎಂದು ಬರೆದಿದ್ದಾರೆ.
