ವಿದ್ಯಾ ಬಾಲನ್ ಅವರ ಮುಂಬರುವ ಚಿತ್ರ ಶಕುಂತಲಾ ದೇವಿ ಜುಲೈ 31 ರಂದು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ವಿದ್ಯಾ ಮತ್ತೊಮ್ಮೆ ಅದ್ಭುತ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದಲ್ಲಿ ಅವರು ಹ್ಯೂಮನ್ ಕಂಪ್ಯೂಟರ್ ಎಂದೇ ಖ್ಯಾತ ಶಕುಂತಲಾ ದೇವಿ ಅವರ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ವಿದ್ಯಾ ಬಲವಾದ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವುದು ಇದೇ ಮೊದಲಲ್ಲ. ಅನೇಕ ಮಹಿಳಾ ಕೇಂದ್ರಿತ ಚಿತ್ರಗಳನ್ನು ವಿದ್ಯಾ ತನ್ನ ದಮ್ ಮೇಲೆ ಸೂಪರ್ ಹಿಟ್ ಶ್ರೇಣಿಗೆ ಸೇರಿಸಿದ್ದಾರೆ. ಹಾಗಾದರೆ ಬನ್ನಿ ವಿದ್ಯಾ ನಿಭಾಯಿಸಿದ ಕೆಲ ಬೆಸ್ಟ್ ರೋಲ್ ಗಳ ಕುರಿತು ತಿಳಿಯೋಣ,
ವಿದ್ಯಾ ಬಾಲನ್ ಅವರ ಮುಂಬರುವ ಚಿತ್ರ ಶಕುಂತಲಾ ದೇವಿ ಜುಲೈ 31 ರಂದು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ವಿದ್ಯಾ ಮತ್ತೊಮ್ಮೆ ಅದ್ಭುತ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದಲ್ಲಿ ಅವರು ಹ್ಯೂಮನ್ ಕಂಪ್ಯೂಟರ್ ಎಂದೇ ಖ್ಯಾತ ಶಕುಂತಲಾ ದೇವಿ ಅವರ ಪಾತ್ರವನ್ನು ನಿರ್ವಹಿಸಲಿದ್ದಾರೆ.
'ತುಮ್ಹಾರಿ ಸುಲು' ಚಿತ್ರದಲ್ಲಿ ವಿದ್ಯಾ ಓರ್ವ ಗೃಹಿಣಿಯ ಪಾತ್ರ ನಿರ್ವಹಿಸಿದ್ದರು. ಜೀವನದಲ್ಲಿ ಏನನ್ನಾದರೂ ಸಾಧಿಸಬೇಕೆಂಬ ಛಲ ಈ ಗೃಹಿಣಿಯದ್ದಾಗಿತ್ತು. ಚಿತ್ರದ ಮುಂದುವರೆದ ಭಾಗದಲ್ಲಿ ವಿದ್ಯಾ ರೇಡಿಯೋ ಜಾಕಿ ಆಗಿ ಲೇಟ ನೈಟ್ ರಿಲೇಶನ್ ಶಿಪ್ ಕುರಿತು ಸಲಹೆಗಳನ್ನು ನೀಡುತ್ತಾಳೆ. ಈ ಚಿತ್ರ ಕೂಡ ಉತ್ತಮ ಬಿಸಿನೆಸ್ ನಡೆಸಿತ್ತು.
ಪಿರಿಯಾಡಿಕ್ ಡ್ರಾಮಾ ಚಿತ್ರ 'ಬೇಗಮ್ ಜಾನ್' ನಲ್ಲಿ ವಿದ್ಯಾ ವೇಶ್ಯಾಗೃಹದ ಒಡತಿಯ ಪಾತ್ರ ನಿರ್ವಹಿಸಿದ್ದರು. ಈ ಚಿತ್ರದಲ್ಲಿಯೂ ಕೂಡ ವಿಧ್ಯಾ ತಮ್ಮ ಬಲವಾದ ಅಭಿನಯದ ಮೂಲಕ ತನ್ನ ಅಭಿಮಾನಿಗಳನ್ನು ರಂಜಿಸಿದ್ದರು.
2011ರಲ್ಲಿ ತೆರೆ ಕಂಡ 'ಡರ್ಟಿ ಪಿಕ್ಚರ್' ವಿದ್ಯಾ ಬಾಲನ್ ವೃತ್ತಿಜೀವನದ ಅತ್ಯುತ್ತಮ ಚಿತ್ರಗಳಲ್ಲಿ ಒಂದು ಎಂದು ಹೇಳಲಾಗುತ್ತದೆ. ಈ ಚಿತ್ರ ವಿದ್ಯಾ ವೃತ್ತಿಜೀವನದ ಟರ್ನಿಂಗ್ ಪಾಯಿಂಟ್ ಎಂದೇ ಹೇಳಲಾಗುತ್ತದೆ. ಈ ಚಿತ್ರದಲ್ಲಿನ ಅವರ ಅಭಿನಯಕ್ಕಾಗಿ ವಿದ್ಯಾಗೆ ನ್ಯಾಷನಲ್ ಅವಾರ್ಡ್ ಕೂಡ ಲಭಿಸಿದೆ. ಈ ಚಿತ್ರದಲ್ಲಿನ ವಿದ್ಯಾ ಅವರ ಬೋಲ್ಡ್ ಅಭಿನಯ ಮತ್ತು ಮೋಹಕತೆಗೆ ಅಭಿಮಾನಿಗಳು ಮನಸೂರೆಗೊಂಡಿದ್ದರು.
'ಪಾ' ಚಿತ್ರದಲ್ಲಿ ವಿದ್ಯಾ ಅಭಿಷೇಕ್ ಬಚ್ಚನ್ ಮತ್ತು ಅಮಿತಾಭ್ ಬಚ್ಚನ್ ಅವರೊಂದಿಗೆ ನಟಿಸಿದ್ದರು. ಈ ಚಿತ್ರದಲ್ಲಿಯೂ ಕೂಡ ವಿದ್ಯಾ ಪಾತ್ರ ತುಂಬಾ ಸ್ಟ್ರಾಂಗ್ ಆಗಿತ್ತು. ಚಿತ್ರದಲ್ಲಿ ವಿದ್ಯಾ ತನ್ನ 12 ವರ್ಷ ವಯಸ್ಸಿನ ಪ್ರೋಜೆರಿಯಾ ಕಾಯಿಲೆಯಿಂದ ಬಳಲುತ್ತಿರುವ ಮಗನನ್ನು ಏಕಾಂಗಿಯಾಗಿ ಪೋಷಿಸುತ್ತಿರುವುದಾಗಿ ತೋರಿಸಲಾಗಿದೆ. ಈ ಚಿತ್ರದಲ್ಲಿನ ತನ್ನ ಪವರ್ ಫುಲ್ ಅಭಿನಯಕ್ಕಾಗಿ ವಿದ್ಯಾ ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದ್ದಾರೆ.
ಮಹಿಳಾ ಕೇಂದ್ರಿತ ಚಿತ್ರವಾಗಿದ್ದ 'ಕಹಾನಿ'ಗಾಗಿ ವಿದ್ಯಾ ಬಾಲನ್ ಹಲವು ಅವಾರ್ಡ್ಸ ಗಿಟ್ಟಿಸಿದ್ದಾರೆ. ಓರ್ವ ಗರ್ಭಿಣಿ ಮಹಿಳೆ ಯಾವ ರೀತಿ ತನ್ನ ಪತಿಯ ಹುಡುಕಾಟ ನಡೆಸುತ್ತಾಳೆ ಎಂಬುದನ್ನು ಚಿತ್ರದಲ್ಲಿ ತೋರಿಸಲಾಗಿದೆ. ಈ ಚಿತ್ರದಲ್ಲಿನ ವಿದ್ಯಾ ಪಾತ್ರಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದ ಚಿತ್ರ ವಿಮರ್ಶಕರು ವಿದ್ಯಾಗೆ ಭೇಷ್ ಎಂದಿದ್ದರು. ತನ್ನ ಅಭಿನಯದ ಮೂಲಕ ವಿದ್ಯಾ ಈ ಚಿತ್ರವನ್ನು ಸೂಪರ್ ಹಿಟ್ ಮಾಡಿಸಿದ್ದರು.
'ಇಷ್ಕಿಯಾ' ಚಿತ್ರದಲ್ಲಿ ವಿದ್ಯಾ ಬಾಲನ್ ಜೊತೆ ಖ್ಯಾತ ಬಾಲಿವುಡ್ ಹಿರಿಯ ನಟ ನಾಸಿರುದ್ದೀನ್ ಶಾಹ್ ಹಾಗೂ ಅರ್ಶದ್ ವಾರ್ಸಿ ಕಾಣಿಸಿಕೊಂಡಿದ್ದರು. ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಉತ್ತಮ ಪ್ರದರ್ಶನ ತೋರಿತ್ತು. ಚಿತ್ರದಲ್ಲಿ ವಿದ್ಯಾ ನಿಭಾಯಿಸಿದ ಪಾತ್ರಕ್ಕೆ ಚಿತ್ರ ವಿಮರ್ಶಕರು ಭಾರಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಈ ಚಿತ್ರದಲ್ಲಿ ವಿದ್ಯಾ ತಮಗಿಂತ ವಯಸ್ಸಿನಲ್ಲಿ ಹಿರಿಯರಾಗಿರುವ ನಟ ನಸೀರುದ್ದೀನ್ ಶಾಹ್ ಜೊತೆಗೆ ರೋಮಾನ್ಸ್ ನಡೆಸಿದ್ದರು.
ತನ್ನ ವೃತ್ತಿಜೀವನದಲ್ಲಿ ವಿದ್ಯಾ ಬಾಲನ್ ಹಲವು ರೀತಿಯ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಅವರ ಪಾತ್ರಗಳಲ್ಲಿ ವಿಭಿನ್ನ ಶೆಡ್ಸ್ ಗಳನ್ನು ನೀವು ಕಾಣಬಹುದಾಗಿದೆ. ಅಂತಹ ಒಂದು ಪಾತ್ರ ವಿದ್ಯಾ ಅವರ ಭೂಲ್ ಭುಲಯ್ಯ ಚಿತ್ರದಲ್ಲಿ ಕಾಣಿಸಿಕೊಂಡಿತು. ಅವ್ನಿ ಪಾತ್ರದಲ್ಲಿ ತುಂಬಾ ಸಿಂಪಲ್ ಆಗಿ ಕಾಣಿಸಿಕೊಳ್ಳುವ ವಿದ್ಯಾ ನಂತರ ಮಂಜುಲಿಕಾ ಪಾತ್ರದಲ್ಲಿ ಬಂದಾಗ, ಅವರು ತಮ್ಮ ಪ್ರತಿಭೆಯಿಂದ ಜನರನ್ನು ಅಚ್ಚರಿಗೊಳಿಸಿದ್ದರು. ವಿದ್ಯಾ ಅವರ ಮಂಜುಲಿಕಾ ಪಾತ್ರ ಇಂದಿಗೂ ಪ್ರೇಕ್ಷಕರಲ್ಲಿ ಸ್ಮರಣೆಯಲ್ಲಿದೆ.
ಪರಿಣಿತಾ ಚಿತ್ರದ ಮೂಲಕ ವಿದ್ಯಾ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ್ದಾರೆ. ತನ್ನ ಈ ಮೊದಲ ಚಿತ್ರದಿಂದಲೇ ವಿದ್ಯಾ ಬಾಲಿವುಡ್‌ನಲ್ಲಿ ಭಾರಿ ಜನಪ್ರೀಯತೆ ಗಳಿಸಿದ್ದಾರೆ. ಈ ಚಿತ್ರದಲ್ಲಿ ವಿದ್ಯಾ ನಿಭಾಯಿಸಿದ ಲಲಿತಾ ಪಾತ್ರಕ್ಕೆ ಪ್ರೇಕ್ಷಕರ ಭಾರಿ ಮನ್ನಣೆ ಲಭಿಸಿತ್ತು. ಲಲಿತಾ ಪಾತ್ರದಲ್ಲಿ ವಿದ್ಯಾ ಅವರ ಗಂಭೀರ ಅಭಿನಯ ಪ್ರೇಕ್ಷಕರನ್ನು ಆಕರ್ಷಿಸಿತ್ತು.
