ನವದೆಹಲಿ: 2020ರ ಜೂನ್ 21 ರಂದು ಅಂತರರಾಷ್ಟ್ರೀಯ ಯೋಗ ದಿನ (International Yoga Day)ವನ್ನು ಆಚರಿಸಲು ಭಾರತ ಸರ್ಕಾರ ತನ್ನ ಸಿದ್ಧತೆಗಳನ್ನು ಚುರುಕುಗೊಳಿಸಿದೆ. ಆಯುಷ್ ಸಚಿವಾಲಯವು ಅಂತರರಾಷ್ಟ್ರೀಯ ಯೋಗ ದಿನಾಚರಣೆಯ ಮೊದಲು ಸಾರ್ವಜನಿಕರಲ್ಲಿ ಯೋಗವನ್ನು ಉತ್ತೇಜಿಸಲು ನಟಿ-ನಿರ್ದೇಶಕಿ ಅನುಷ್ಕಾ ಶರ್ಮಾ ಅವರನ್ನು ಆಯ್ಕೆ ಮಾಡಿದೆ. ಅನುಷ್ಕಾ ಶರ್ಮಾ ಅವರು ಅಂತರರಾಷ್ಟ್ರೀಯ ಯೋಗ ದಿನಕ್ಕಿಂತ ಮುಂಚೆಯೇ ಜನರಿಗೆ ಯೋಗದ ಬಗ್ಗೆ ಅರಿವು ಮೂಡಿಸುತ್ತಿದ್ದಾರೆ.
ಇತ್ತೀಚೆಗೆ ಆಯುಷ್ ಸಚಿವಾಲಯವು ವಿಡಿಯೋವೊಂದನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, ಇದರಲ್ಲಿ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ (Anushka Sharma) ಅವರು ಯೋಗ ಮಾಡುವುದರಿಂದ ಆಗುವ ಪ್ರಯೋಜನಗಳನ್ನು ಜನರಿಗೆ ತಿಳಿಸುತ್ತಿದ್ದಾರೆ. ವೀಡಿಯೊವನ್ನು ಹಂಚಿಕೊಳ್ಳುವುದರ ಜೊತೆಗೆ, 'ನಾಳೆ ಉತ್ತಮ ಮತ್ತು ಶಾಂತವಾಗಲು ನಾವೆಲ್ಲರೂ ಒಟ್ಟಾಗಿ ಯೋಗವನ್ನು ಅಭ್ಯಾಸ ಮಾಡೋಣ. #MyLifeMyYoga ವೀಡಿಯೊ ಬ್ಲಾಗಿಂಗ್ ಸ್ಪರ್ಧೆಯಲ್ಲಿ ಭಾಗವಹಿಸಿ ಮತ್ತು ನಿಮ್ಮ ನಮೂದುಗಳನ್ನು ನಮಗೆ ಕಳುಹಿಸಿ. ಸಲ್ಲಿಕೆಗೆ ಕೊನೆಯ ದಿನಾಂಕ 21 ಜೂನ್ 2020. #mygovindia #pibindia #AnushkaSharma ಎಂದು ಬರೆಯಲಾಗಿದೆ.
Let's all practice yoga for a better and calm tomorrow.
Take part in the #MyLifeMyYoga video blogging contest. And send in your entries now.
Last day to submit is 21st June 2020.#mygovindia #pibindia @AnushkaSharma pic.twitter.com/wMtSxA7AXE
— Ministry of AYUSH🇮🇳 #MyLifeMyYoga (@moayush) June 19, 2020
ಆಯುಷ್ ಸಚಿವಾಲಯವು ಹಂಚಿಕೊಂಡಿರುವ ವೀಡಿಯೊದಲ್ಲಿ 'ಯೋಗವು ಒಂದು ಕಾನೂನು ಮತ್ತು ಇದು ನಮ್ಮ ಜೀವನವನ್ನು ಉದಾರವಾಗಿಸುವುದು ಹೇಗೆ ಎಂದು ಹೇಳುತ್ತದೆ. ಯೋಗವು ನಮ್ಮನ್ನು ಬಂಧಿಸುವುದಿಲ್ಲ, ಅದು ನಮ್ಮನ್ನು ಮುಕ್ತಗೊಳಿಸುತ್ತದೆ. ಆದ್ದರಿಂದ ನಾವು ಈ ಜಗತ್ತಿನ ಎಲ್ಲಾ ಜೀವಿಗಳನ್ನು ಪ್ರೀತಿ ಮತ್ತು ಶಾಂತಿಯ ಭಾವದಿಂದ ನೋಡಬಹುದು. ಜೂನ್ 21 ರಂದು ನಡೆಯುವ ಅಂತರರಾಷ್ಟ್ರೀಯ ಯೋಗ ದಿನದಂದು ಯೋಗಾಭ್ಯಾಸ ಮಾಡುವ ಮೂಲಕ ಶಾಂತಿ ಮತ್ತು ಪ್ರೀತಿಯ ಸಂದೇಶವನ್ನು ಹರಡಲು ಪ್ರಾರಂಭಿಸಿ ಎಂದು ಅನುಷ್ಕಾ ಶರ್ಮಾ ಹೇಳಿದ್ದಾರೆ.
