ನವದೆಹಲಿ: ಇತ್ತೀಚೆಗೆ ಖ್ಯಾತ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ಅವರ ಪತಿ ನಿಕ್ ಜೊನಾಸ್ ತಮ್ಮ ಫೋಟೋ ಹಾಗೂ ಜಬರ್ದಸ್ತ್ ಕೆಮೆಸ್ಟ್ರಿ ಮೂಲಕ ತಮ್ಮ ಅಭಿಮಾನಿಗಳ ಮನೆಮಾತಾಗುತ್ತಿದ್ದಾರೆ. ಇನ್ನೊಂದೆಡೆ ಇತ್ತ ಹೊಸ ವರ್ಷದ ಸಂಭ್ರಮಾಚರಣೆಗೆ ತೊಡಗಿರುವ ಈ ಜೋಡಿ ತಮ್ಮ ಕುಟುಂಬ ಸದಸ್ಯರು ಹಾಗೂ ಬಂಧು ಮಿತ್ರರ ಜೊತೆ ಕಡಲ ತೀರದಲ್ಲಿ ಕಾಲ ಕಳೆಯುವಲ್ಲಿ ವ್ಯಸ್ತರಾಗಿದ್ದಾರೆ. ಅವರ ಈ ಆನಂದದ ಕ್ಷಣಗಳ ಫೋಟೋವೊಂದು ಇದೀಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರೀ ಮೆಚ್ಚುಗೆಗೆ ಪಾತ್ರವಾಗಿದೆ.
ಸದ್ಯ ಪ್ರಿಯಾಂಕಾ ಚೋಪ್ರಾ ಹಾಗೂ ನಿಕ್ ಜೊನಾಸ್ ಕಡಲು ತೀರದಲ್ಲಿ ತಮ್ಮ ವೈವಾಹಿಕ ಜೀವನದ ಅದ್ಭುತ ಕ್ಷಣಗಳನ್ನು ಕಳೆಯುತ್ತಿದ್ದಾರೆ. ಈ ಅದ್ಭುತ ಕ್ಷಣಗಳ ಕೆಲ ಚಿತ್ರಗಳೂ ಕೂಡ ಇದೀಗ ಅವರ ಸೋಷಿಯಲ್ ಮೀಡಿಯಾ ವಾಲ್ ನಲ್ಲಿ ಕಾಣಿಸತೊಡಗಿವೆ. ಈ ಫೋಟೋಗಳನ್ನು ವೀಕ್ಷಿಸಿರುವ ಈ ಇಬ್ಬರ ಅಭಿಮಾನಿಗಳು 'ಈ ಜೋಡಿಗೆ ಯಾರ ದೃಷ್ಠಿಯೂ ಬೀಳಬಾರದು' ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.
ಹಂಚಿಕೊಳ್ಳಲಾದ ಈ ಫೋಟೋಗಳಲ್ಲಿನ ಒಂದು ಛಾಯಾಚಿತ್ರದಲ್ಲಿ ನಿಕ್ ಜೊನಾಸ್ ಪ್ರಿಯಾಂಕಾ ಅವರ ಕೊರಳಿಗೆ ಕಿಸ್ ಮಾಡುತ್ತಿರುವುದು ಕಂಡು ಬಂದಿದೆ, ಜೊತೆಗೆ ಅವರ ಕೆಲವು ಸ್ನೇಹಿತರೂ ಕೂಡ ಕಂಡು ಬರುತ್ತಿದ್ದಾರೆ. ಸದ್ಯ ಇದು ವೈರಲ್ ಆಗಿದ್ದು, ಈ ಇಬ್ಬರ ಕೆಮೆಸ್ಟ್ರಿಗೆ ಅಭಿಮಾನಿಗಳಿಂದ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.
ತನ್ನ ಇನ್ಸ್ಟಾ ಗ್ರಾಮ್ ಖಾತೆಯಲ್ಲಿ ಈ ಫೋಟೋ ಹಂಚಿಕೊಂಡಿರುವ ಪ್ರಿಯಾಂಕಾ "ತಮ್ಮ ಎಲ್ಲ ಕ್ಷಣಗಳನ್ನು ಸುಂದರವಾಗಿಸಿರುವ ಕುಟುಂಬ ಸದಸ್ಯರು ಹಾಗೂ ಸ್ನೇಹಿತರಿಗೆ ತಮ್ಮ ಕೃತಜ್ಞತೆಗಳು, ನಮ್ಮ ಜೊತೆಗಿರದ ಸ್ನೇಹಿತರನ್ನು ನಾವು ಮಿಸ್ ಮಾಡುತ್ತಿದ್ದೇವೆ, ನಿಮ್ಮೆಲ್ಲರ ಜೊತೆ ಹೊಸ ವರ್ಷ ಆರಂಭಿಸುವುದಕ್ಕೆ ತಾವು ಕಾತರದಿಂದ ಕಾಯುತ್ತಿದ್ದೇವೆ" ಎಂದು ಬರೆದುಕೊಂಡಿದ್ದಾರೆ.
ಈ ಉಭಯತ್ರಯರ ವರ್ಕ್ ಫ್ರಂಟ್ ಕುರಿತು ಹೇಳುವುದಾದರೆ, ಇತ್ತೀಚೆಗಷ್ಟೇ ಬಿಡುಗಡೆಗೊಂಡ ' ದಿ ಸ್ಕೈ ಇಸ್ ಪಿಂಕ್' ಚಿತ್ರದಲ್ಲಿ ಪ್ರಿಯಾಂಕಾ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲಿ ಫರ್ಹಾನ್ ಅಖ್ತರ್ ಹಾಗೂ ಜಯರಾ ವಸೀಮ್ ಅವರೂ ಕೂಡ ಮುಖ್ಯ ಭೂಮಿಕೆಯಲ್ಲಿ ಕಂಡುಬಂದಿದ್ದರು. ಆದರೆ, ಬಾಕ್ ಆಫೀಸ್ ನಲ್ಲಿ ಈ ಚಿತ್ರ ನೆಲಕಚ್ಚಿತ್ತು. ಶೀಘ್ರದಲ್ಲಿಯೇ ಪ್ರಿಯಾಂಕಾ ಅವರು ರಾಜ್ ಕುಮಾರ್ ರಾವ್ ಅಭಿನಯದ 'ದ ವೈಟ್ ಟೈಗರ್' ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಬಹುತೇಕ ಪೂರ್ಣಗೊಂಡಿದೆ. ಅತ್ತ ನಿಕ್ ಜೊನಾಸ್ ಕುರಿತು ಹೇಳುವುದಾದರೆ, ಇತ್ತೀಚೆಗೆ ಬಿಡುಗಡೆಗೊಂಡ 'ಜುಮಾಂಜಿ:ದ ಎಂಡ್ ಗೇಮ್' ಚಿತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದರು. ಇದನ್ನು ಹೊರತುಪಡಿಸಿ ನಿಕ್ ಹಲವಾರು ಸ್ಟೇಜ್ ಪರ್ಫಾಮೆನ್ಸ್ ನೀಡುವುದರಲ್ಲಿ ಬಿಜಿ ಆಗಿರುತ್ತಾರೆ.
![ಅಭಿಷೇಕ್ ಬಚ್ಚನ್ ಅಲ್ಲ.. "ನನಗೆ ಸಲ್ಮಾನ್ ಖಾನ್ ಪರ್ಫೆಕ್ಟ್..." ವಿಚ್ಛೇದನ ವದಂತಿ ನಡುವೆ ಐಶ್ವರ್ಯ ರೈ ಹೇಳಿಕೆ ವೈರಲ್!](https://kannada.cdn.zeenews.com/kannada/sites/default/files/styles/zm_175x100/public/2024/10/31/461418-aishwarya-rai.jpg?itok=UXyQ_Gu0 "ಅಭಿಷೇಕ್ ಬಚ್ಚನ್ ಅಲ್ಲ.. "ನನಗೆ ಸಲ್ಮಾನ್ ಖಾನ್ ಪರ್ಫೆಕ್ಟ್..." ವಿಚ್ಛೇದನ ವದಂತಿ ನಡುವೆ ಐಶ್ವರ್ಯ ರೈ ಹೇಳಿಕೆ ವೈರಲ್!")
