ಆರಂಭಿಕ ಪಂದ್ಯದಲ್ಲೇ 4 ವಿಕೆಟ್ ಕಬಳಿಸಿ RCBಗೆ ಸಿಂಹಸ್ವಪ್ನವಾಗಿ ಕಾಡಿದ ಈ ಎಂ.ರೆಹಮಾನ್ ಯಾರು? ಆತನ ಹಿನ್ನೆಲೆ ಏನು ಗೊತ್ತಾ?

1 /6

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ನಡುವೆ ಮಾರ್ಚ್ 22ರಂದು ಮೊದಲ ಪಂದ್ಯ ನಡೆದಿದೆ. ಈ ಪಂದ್ಯದಲ್ಲಿ ಚೆನ್ನೈ ಭರ್ಜರಿ ಜಯ ಸಾಧಿಸಿದ್ದು, ಆರ್ ಸಿ ಬಿ ಆರಂಭಿಕ ಪಂದ್ಯದಲ್ಲೇ ಮುಗ್ಗರಿಸಿದೆ.

2 /6

ಅಂದಹಾಗೆ ಈ ಪಂದ್ಯದಲ್ಲಿ ಚೆನ್ನೈ ತಂಡದ ಮುಸ್ತಫಿಜುರ್ ರೆಹಮಾನ್ 4 ವಿಕೆಟ್ ಕಬಳಿಸಿ ಆರ್ ಸಿ ಬಿಗೆ ಸಿಂಹಸ್ವಪ್ನವಾಗಿ ಕಾಡಿದ್ದರು. ಈ ಬೌಲರ್ ಯಾರು? ಈತನ ಹಿನ್ನೆಲೆ ಏನು ಎಂಬುದನ್ನು ಮುಂದೆ ತಿಳಿಯೋಣ.

3 /6

ಮುಸ್ತಫಿಜುರ್ ರೆಹಮಾನ್ ಎಡಗೈ ವೇಗದ ಬೌಲರ್ ಆಗಿದ್ದು, ಬಾಂಗ್ಲಾದೇಶ ಮೂಲದ ಆಟಗಾರ. ಢಾಕಾದಿಂದ ಸುಮಾರು 300 ಕಿಮೀ ದೂರದಲ್ಲಿರುವ ಸತ್ಖಿರಾದಲ್ಲಿ ನಡೆದ ಅಂಡರ್-17 ಪಂದ್ಯಾವಳಿಯಲ್ಲಿ ಅದ್ಭುತ ಪ್ರದರ್ಶನ ತೋರಿದ್ದ ರೆಹಮಾನ್, 2012 ರಲ್ಲಿ ವೇಗದ ಬೌಲಿಂಗ್ ತರಬೇತಿ ಪಡೆಯಲು ಢಾಕಾಕ್ಕೆ ಆಗಮಿಸಿದರು.

4 /6

ಅದಾದ ಬಳಿಕ BCBಯ ಪೇಸ್ ಫೌಂಡೇಶನ್‌’ಗೆ ಪ್ರವೇಶ ಪಡೆದರು. ಇನ್ನು 2013-14 ಋತುವಿನಲ್ಲಿ ಖುಲ್ನಾ ಪರ ಪ್ರಥಮ ದರ್ಜೆಗೆ ಪಾದಾರ್ಪಣೆ ಮಾಡಿದರು. UAE ನಲ್ಲಿ ನಡೆದ U-19 ವಿಶ್ವಕಪ್‌’ನಲ್ಲಿ ಎಂಟು ವಿಕೆಟ್‌’ಗಳನ್ನು ಪಡೆದ ನಂತರ, ಆಶ್ಚರ್ಯಕರವಾಗಿ ಬಾಂಗ್ಲಾದೇಶ A ತಂಡದ ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ಆಯ್ಕೆಯಾದರು. ಆ ಸಣ್ಣ ಪ್ರವಾಸದಿಂದ ಹಿಂದಿರುಗಿದ ಅವರು ಉತ್ತಮ ಬೌಲರ್ ಎಂದು ಪರಿಗಣಿಸಲ್ಪಟ್ಟರು. ನಂತರ 2014-15 ಪ್ರಥಮ ದರ್ಜೆಯ ಋತುವಿನಲ್ಲಿ 19.08 ರ ಸರಾಸರಿಯಲ್ಲಿ 26 ವಿಕೆಟ್ಗಳನ್ನು ಪಡೆದರು.

5 /6

2015 ರ ಮಧ್ಯದಲ್ಲಿ, ಭಾರತದ ವಿರುದ್ಧದ ODI ಸರಣಿಯಲ್ಲಿ ಬ್ರಿಯಾನ್ ವಿಟೋರಿ ಬಳಿಕ ಮೊದಲ ಎರಡು ODIಗಳಲ್ಲಿ ಐದು ವಿಕೆಟ್ ಗಳಿಸಿದ ಎರಡನೇ ಬೌಲರ್ ಎನಿಸಿಕೊಂಡರು. ಅಷ್ಟೇ ಅಲ್ಲದೆ, ಭಾರತ ವಿರುದ್ಧ ಬಾಂಗ್ಲಾದೇಶದ ಮೊದಲ ODI ಸರಣಿ ಗೆಲ್ಲಲು ಇದು ದಾರಿ ಮಾಡಿಕೊಟ್ಟಿತು.

6 /6

ಪ್ರಸ್ತುತ ಸಿ ಎಸ್ ಕೆ ತಂಡದಲ್ಲಿ ಸ್ಥಾನ ಪಡೆದಿರುವ ಅವರು, ಆರಂಭಿಕ ಪಂದ್ಯದಲ್ಲೇ ಮಿಂಚಿದ್ದಾರೆ.