ಮಾರುತಿ ಆಲ್ಟೊ 800 ದರದಲ್ಲಿಯೇ ಸಿಗುತ್ತೆ ಅದಕ್ಕಿಂತ ಹಲವು ಪಟ್ಟು ಉತ್ತಮ ಕಾರ್

ಬೆಂಗಳೂರು: ಜನಪ್ರಿಯ ಕಾರು ತಯಾರಕ ಕಂಪನಿ ಮಾರುತಿ ಸುಜುಕಿ ತನ್ನ ಆಲ್ಟೊ ನಾಮಫಲಕದ ಅಡಿಯಲ್ಲಿ ಎರಡು ಕಾರುಗಳನ್ನು ಮಾರಾಟ ಮಾಡುತ್ತದೆ. ಅವೇ ಮಾರುತಿ ಆಲ್ಟೊ 800 ಮತ್ತು ಮಾರುತಿ ಆಲ್ಟೊ ಕೆ 10. ಈ ಎರಡೂ ಸಹ ಪ್ರವೇಶ ಮಟ್ಟದ ಬಜೆಟ್ ಕಾರುಗಳೆಂದೇ ಖ್ಯಾತಿ ಪಡೆದಿವೆ. ಬೆಲೆ ವಿಚಾರದಲ್ಲಿ ನೋಡುವುದಾದರೆ ಎರಡರ ನಡುವೆ ಅಷ್ಟೇನೂ ವ್ಯತ್ಯಾಸ ಕಂಡು ಬರುವುದಿಲ್ಲ. ಆದರೆ, ಅವುಗಳ ವೈಶಿಷ್ಟ್ಯಗಳಲ್ಲಿ ವ್ಯತ್ಯಾಸವಿದೆ. ನೀವೂ ಕೂಡ ಕೈಗೆಟುಕುವ ಬೆಲೆಯಲ್ಲಿ ಕಾರು ಖರೀದಿಸುವ ಬಗ್ಗೆ ಯೋಚಿಸುತ್ತಿದ್ದರೆ ಮಾರುತಿ ಆಲ್ಟೊ 800 Vs ಆಲ್ಟೊ ಕೆ 10 ಇವೆರಡರ ನಡುವಿನ ವ್ಯತ್ಯಾಸಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಮಾರುತಿ ಆಲ್ಟೊ 800:
ಮಾರುತಿ ಆಲ್ಟೊ 800 ಕಾರಿನಲ್ಲಿ  0.8-ಲೀಟರ್ 3-ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಅನ್ನು ಸಿಎನ್ಜಿ ಕಿಟ್ ಕಿಟ್ ಆಯ್ಕೆಯೊಂದಿಗೆ ನೀಡಲಾಗುತ್ತದೆ. ಈ ಕಾರಿನ ಪೆಟ್ರೋಲ್ ಎಂಜಿನ್ 48 PS ಮತ್ತು 69 Nm ಔಟ್‌ಪುಟ್ ನೀಡುತ್ತದೆ. ಅದೇ ಸಿಎನ್ಜಿ ಮೋಡ್ ನಲ್ಲಿ ಇದು 41 PS ಮತ್ತು 60 Nm ಔಟ್‌ಪುಟ್ ನೀಡುತ್ತದೆ. 

ಮಾರುತಿ ಆಲ್ಟೊ 800 ವೈಶಿಷ್ಟ್ಯಗಳು:
>> ಮಾರುತಿ ಆಲ್ಟೊ 800 ನಲ್ಲಿ ಯಾವುದೇ ಸ್ವಯಂಚಾಲಿತ ಪ್ರಸರಣ ಇಲ್ಲ, ಕೇವಲ 5-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಲಭ್ಯವಿದೆ. 
>> ಸಿಎನ್ಜಿ ಇದರ ಮೈಲೇಜ್ ಸುಮಾರು 31KM ಆಗಿದೆ.
>> ಆಲ್ಟೊ 800 7-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ (ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ), ಮುಂಭಾಗದ ಪವರ್ ಕಿಟಕಿಗಳು, ಕೀಲೆಸ್ ಎಂಟ್ರಿ, ಡ್ಯುಯಲ್ ಏರ್‌ಬ್ಯಾಗ್‌ಗಳು, ಎಬಿಎಸ್ ಜೊತೆಗೆ ಇಬಿಡಿ ಮತ್ತು ರಿಯರ್ ಪಾರ್ಕಿಂಗ್ ಸೆನ್ಸಾರ್‌ಗಳಂತಹ ವೈಶಿಷ್ಟ್ಯಗಳನ್ನು ಪಡೆಯುತ್ತದೆ.

ಮಾರುತಿ ಆಲ್ಟೊ 800 ಬೆಲೆ:
ಮಾರುತಿ ಆಲ್ಟೊ 800 ಬೆಲೆ 3.54 ಲಕ್ಷ ರೂ.ಗಳಿಂದ ಪ್ರಾರಂಭವಾಗಿ 5.13 ಲಕ್ಷ ರೂ.ವರೆಗೆ (ಎಕ್ಸ್ ಶೋರೂಂ) ವರೆಗೆ ಇರುತ್ತದೆ.

ಇದನ್ನೂ ಓದಿ- ಮಾರುತಿ ಕಾರುಗಳ ಮೇಲೆ ಬಂಪರ್ ಡಿಸ್ಕೌಂಟ್- ಮಾರ್ಚ್ 31ರವರೆಗೆ ಮಾತ್ರ ಈ ಸುವರ್ಣಾವಕಾಶ

ಮಾರುತಿ ಆಲ್ಟೊ ಕೆ10 : 
* ಮಾರುತಿ ಆಲ್ಟೊ ಕೆ10 ಎಂಜಿನ್ ಆಲ್ಟೊ 800 ಗಿಂತ ದೊಡ್ಡದಾಗಿದೆ. ಇದರಲ್ಲಿ  ಸಿಎನ್ಜಿ ಆವೃತ್ತಿಯೂ ಲಭ್ಯವಿದೆ. ಇದರ ಪೆಟ್ರೋಲ್ ಎಂಜಿನ್ 67 PS ಮತ್ತು 89 Nm ಅನ್ನು ಉತ್ಪಾದಿಸುತ್ತದೆ. ಆದರೆ, ಸಿಎನ್ಜಿಯಲ್ಲಿ  ಎಂಜಿನ್ 57PS ಮತ್ತು 82.1 Nm ಅನ್ನು ಉತ್ಪಾದಿಸುತ್ತದೆ. 

ಮಾರುತಿ ಆಲ್ಟೊ ಕೆ10 ವೈಶಿಷ್ಟ್ಯಗಳು: 
* ಇದು ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಆಯ್ಕೆಯನ್ನು ಸಹ ಪಡೆಯುತ್ತದೆ. 
* ಆಲ್ಟೊ ಕೆ10 1.0-ಲೀಟರ್ ಪೆಟ್ರೋಲ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. 
* ಆಲ್ಟೊ ಕೆ10ನಲ್ಲಿ ಐಡಲ್-ಎಂಜಿನ್ ಸ್ಟಾರ್ಟ್/ಸ್ಟಾಪ್ ತಂತ್ರಜ್ಞಾನವನ್ನು ಸಹ ಪಡೆಯುತ್ತದೆ. ಗಮನಾರ್ಹವಾಗಿ ಆಲ್ಟೊ 800ನಲ್ಲಿ ಈ ಸೌಲಭ್ಯ ಲಭ್ಯವಿಲ್ಲ.
* ಕಾರು 5-ಸ್ಪೀಡ್ ಮ್ಯಾನುವಲ್ (ಸ್ಟ್ಯಾಂಡರ್ಡ್) ನೊಂದಿಗೆ ಬರುತ್ತದೆ, ಇದರ ಹೊರತಾಗಿ AMT ಗೇರ್ ಬಾಕ್ಸ್ (ಐಚ್ಛಿಕ) ಬರುತ್ತದೆ. 
* ಈ ಕಾರ್ ಸಿಎನ್ಜಿ ಯಲ್ಲಿ 33.85KM ಮೈಲೇಜ್ ನೀಡುತ್ತದೆ. 
* ಆಲ್ಟೊ K10 ನಲ್ಲಿ ಸ್ಟೀರಿಂಗ್ ಮೌಂಟೆಡ್ ನಿಯಂತ್ರಣಗಳನ್ನು ಸಹ ನೀಡಲಾಗಿದೆ.

ಇದನ್ನೂ ಓದಿ- ಕೇವಲ 2700 ರೂ.ಗಳಲ್ಲಿ ನಿಮ್ಮ ಸಾಮಾನ್ಯ ಕಾರ್ ಸೀಟ್ ಅನ್ನು ವೆಂಟಿಲೇಟೆಡ್ ಸೀಟ್ ಆಗಿ ಬದಲಾಯಿಸಿ

ಮಾರುತಿ ಆಲ್ಟೊ ಕೆ10 ಬೆಲೆ:
ಮಾರುತಿ ಆಲ್ಟೊ ಕೆ10 ಬೆಲೆಯು ಆಲ್ಟೊ 800 ಕ್ಕಿಂತ 45 ಸಾವಿರ ರೂ. ಹೆಚ್ಚು. ಇದರ ಆರಂಭಿಕ ಬೆಲೆ 3.99 ಲಕ್ಷ ರೂ. ಆಗಿದೆ. ಮಾರುತಿ ಆಲ್ಟೊ ಕೆ10ನ ಉನ್ನತ ರೂಪಾಂತರದ ಬೆಲೆ 5.95 ಲಕ್ಷ ರೂ (ಎಕ್ಸ್ ಶೋ ರೂಂ) ವರೆಗೆ ಇರುತ್ತದೆ. 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.