ಅನುರಾಗ್ ತಿವಾರಿ ಸಾವು ಪ್ರಕರಣ: ಕರ್ನಾಟಕಕ್ಕೆ ಆಗಮಿಸಿದ ಸಿಬಿಐ

ಬೆಂಗಳೂರು: 2007 ರ ಬ್ಯಾಚಿನ ಕರ್ನಾಟಕದ ಐಎಎಸ್ ಕೇಡರ್ ಅನುರಾಗ್ ತಿವಾರಿ ಸಂಶಯಸ್ಪಾದ ಸಾವಿನ ತನಿಖೆ ಕೈಗೊಳ್ಳಲು ರಾಜ್ಯದ ಬೀದರ್ ಗೆ ಸಿಬಿಐ ತಂಡ ಆಗಮಿಸಿದೆ.

ಕಳೆದ ವರ್ಷ ಉತ್ತರಪ್ರದೇಶದ ಲಕ್ನೋದ ವಿಐಪಿ ಅತಿಥಿ ಗೃಹದಲ್ಲಿ ಸಂಶಯಾಸ್ಪದವಾಗಿ ಅವರು ಸಾವನ್ನಪ್ಪಿದ್ದರು. ಪೋಸ್ಟ್ ಮಾರ್ಟಮ್ ನ ವರದಿಯಂತೆ  ತಿವಾರಿ ಉಸಿರುಗಟ್ಟಿ ಸಾವನ್ನಪ್ಪಿದ್ದಾರೆ ಎಂದು ಪ್ರಾಥಮಿಕ ವರದಿಯನ್ನು ನೀಡಲಾಗಿತ್ತು.

ತಿವಾರಿಯವರ ನಿಗೂಡ ಸಾವಿನ ನಂತರ ಅದರ ಕಾರಣಗಳನ್ನು ಪತ್ತೆ ಹಚ್ಚಲು ಸಿಬಿಐಗೆ ಅವರ ಕುಟುಂಬದ ಸದಸ್ಯರು ಒತ್ತಾಯಿಸಿದ್ದರು,ನಂತರ ಈ ಪ್ರಕರಣವನ್ನು ಸಿಬಿಐ ತನಿಖೆಗೆ ವಹಿಸಲಾಯಿತು. ಇದರ ಭಾಗವಾಗಿ ಐಪಿಸಿ ಸೆಕ್ಷನ್  302 ರ ಅಡಿಯಲ್ಲಿ ಅನುಮಾನಾಸ್ಪದ ವ್ಯಕ್ತಿಗಳ ಮೇಲೆ ಲಕ್ನೌ ಪೊಲೀಸರು ಕೂಡ ಎಫ್ಐಆರ್ ದಾಖಲಿಸಿದ್ದರು.

ಈಗ ಅವರ ಸಾವಿಗೆ ಸಂಬಂಧಪಟ್ಟ ಕಾರಣಗಳನ್ನು ಕಂಡುಹಿಡಿಯಲು ಈಗ ಬೀದರ್ ಗೆ ಸಿಬಿಐ ತಂಡ ಆಗಮಿಸಿ ತನಿಖೆಯನ್ನು ಚುರುಕುಗೊಳಿಸಿದೆ.