ಕೊಲ್ಕತ್ತಾ : ಇಲ್ಲಿನ ಧಂ ಧಂ ಮೆಟ್ರೋ ನಿಲ್ದಾಣದಲ್ಲಿ ಯುವಕ ಯುವತಿಯರು ಫ್ರೀ ಹಗ್ ಆಂದೋಲನ ಹಮ್ಮಿಕೊಂಡಿದ್ದಾರೆ. ಇಲ್ಲಿ ಯಾರು ಯಾರನ್ನು ಬೇಕಾದರೂ ಅಪ್ಪಿಕೊಳ್ಳಬಹುದು. ಅದೂ ಉಚಿತವಾಗಿ!
ವಿಚಿತ್ರ ಎನಿಸುತ್ತಿದೆಯಲ್ಲವೇ? ಆದರೂ ಇದು ಸತ್ಯ. ಆದರೆ ಈ ಫ್ರೀ ಹಗ್ ಆಂದೋಲನದ ಹಿಂದೆ ಒಂದು ಮುಖ್ಯ ಕಾರಣ ಇದೆ. ಮಂಗಳವಾರ ಸಂಜೆ ಕೊಲ್ಕತ್ತಾ ಮೊಟ್ರೋದಲ್ಲಿ ಪ್ರಯಾಣಿಸುತ್ತಿದ್ದ ಯುವ ಜೋಡಿಗಳು ಸಾರ್ವಜನಿಕವಾಗಿ ಅಪ್ಪಿಕೊಂಡಿದ್ದಕ್ಕಾಗಿ, ಪ್ರಯಾಣಿಕರು ಆ ಜೋಡಿಯನ್ನು ಥಳಿಸಿದ್ದರು. ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿಯೂ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಖ್ಯಾತ ಲೇಖಕಿ ತಸ್ರಿಮಾ ನಸ್ರೀನ್ ಕೂಡ ಈ ಘಟನೆಯನ್ನು ಖಂಡಿಸಿದ್ದರು.
A young couple embraced in Kolkata metro. It made a bunch of frustrated old losers angry. They beat them up. Scenes of hatred are allowed. Scenes of love are considered obscene. pic.twitter.com/Jv4zNaMDe8
— taslima nasreen (@taslimanasreen) May 1, 2018
ಇದೀಗ ಈ ಘಟನೆಯನ್ನು ಖಂಡಿಸಿ, ಇಂದು ಕೊಲ್ಕತ್ತಾ ಮೆಟ್ರೋ ನಿಲ್ದಾಣದಲ್ಲಿ ಯುವಜನತೆ 'ಫ್ರೀ ಹಗ್' ಆಂದೋಲನ ಹಮ್ಮಿಕೊಂಡಿದ್ದು, ಒಬ್ಬರನ್ನೊಬ್ಬರು ಅಪ್ಪಿಕೊಳ್ಳುವುದು ಪ್ರೀತಿ, ವಿಶ್ವಾಸದ ಸಂಕೇತವೇ ಹೊರತು, ಹಗ್ ಮಾಡುವುದು ಕೆಟ್ಟದ್ದಲ್ಲ ಎಂಬ ಸಂದೇಶ ನೀಡಿ, ಸಾರ್ವಜನಿಕ ಜಾಗೃತಿಗೆ ಮುಂದಾಗಿದ್ದಾರೆ.
Youngsters offer 'free hugs' to people outside Dum Dum metro station in kolkata', as a mark of protest against people who had reportedly beaten up a couple for hugging in the metro. Protesters say,'Hugging is not something visually perverted, it's a sign of affection' #WestBengal pic.twitter.com/Hr3UwVXfpY
— ANI (@ANI) May 2, 2018
