ನೀವು ರಾಹುಲ್ ಗಾಂಧಿಯಲ್ಲ ಚೈನೀಸ್ ಗಾಂಧಿ- ಬಿಜೆಪಿ

ನವದೆಹಲಿ: ಕಾಂಗ್ರೆಸ್ ಅಧ್ಯಕ್ಷ  ರಾಹುಲ್ ಗಾಂಧಿಯವರ ಮಾನಸ ಸರೋವರ ಯಾತ್ರೆಯನ್ನು ಖಂಡಿಸಿರುವ ಬಿಜೆಪಿ ಅವರನ್ನು ನೀವು ರಾಹುಲ್ ಗಾಂಧಿಯಲ್ಲ ಬದಲಾಗಿ  ಚೈನೀಸ್ ಗಾಂಧಿ ಎಂದು  ತಿಳಿಸಿದೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಬಿಜೆಪಿ ವಕ್ತಾರ  ಸಂಬೀತ್ ಪಾತ್ರಾ " ನೀವು ರಾಹುಲ್ ಗಾಂಧಿಯಲ್ಲ ಚೈನೀಸ್ ಗಾಂಧಿ ,ಅದರಲ್ಲಿ ಎನಿದೆ ನೀವು ಯಾವಾಗಲು ನೆರೆಯ ದೇಶದ ಕುರಿತಾಗಿ ಮಾತನಾಡುತ್ತಿರಿ" ಎಂದು ತಿಳಿಸಿದ್ದಾರೆ.

You are Rahul Gandhi not 'Chinese' Gandhi. What is it that you always speak in favour of the neighbouring country: Dr. @sambitswaraj

— BJP Odisha (@BJP4Odisha) August 31, 2018

ಪಾತ್ರಾ ಅವರ ಹೇಳಿಕೆ  ರಾಹುಲ್ ಗಾಂಧಿಯವರು  ಮಾನಸ ಸರೋವರಕ್ಕೆ ಪ್ರವಾಸ ಹೊರಟಿರುವ ಹಿನ್ನೆಲೆಯಲ್ಲಿ  ಬಂದಿದೆ. ರಾಹುಲ್ ನೇಪಾಳ ಮಾರ್ಗವಾಗಿ ಮಾನಸ ಸರೋವರಕ್ಕೆ ಪ್ರವಾಸ ಆರಂಭಿಸಲಿದ್ದಾರೆ ಎನ್ನಲಾಗಿದೆ. 

ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತಾ ಸಂಬಿತ್ ಪಾತ್ರಾ " ಯಾಕೆ ರಾಹುಲ್ ಗಾಂಧಿ ಎಲ್ಲವನ್ನು ಚೀನಾದ ದೃಷ್ಟಿಕೋನದ ಮೂಲಕ ನೋಡಲು ಇಚ್ಚಿಸುತ್ತಾರೆ.ಆದರೆ ಏಕೆ ಭಾರತೀಯ ದೃಷ್ಟಿಕೋನದದಿಂದ ನೋಡಲು ಇಚ್ಚಿಸುವುದಿಲ್ಲ? ಅದ್ದರಿಂದ ನಾನು ಕೆಳುವುದಿಷ್ಟೇ ಚೀನಾದಲ್ಲಿ ರಾಹುಲ್ ಯಾವ ರಾಜಕಾರಣಿಯನ್ನು ಭೇಟಿಯಾಗಲಿದ್ದಾರೆ"  ಎಂದು ಪಾತ್ರಾ ಕಿಡಿಕಾರಿದ್ದಾರೆ.