ನವದೆಹಲಿ : ನಿಮ್ಮ ಆಧಾರ್ ಕಾರ್ಡ್ ಅನ್ನು ನೀವು ಕಳೆದುಕೊಂಡರೆ ನೀವು ಅದರ ಇನ್ನೊಂದು ನಕಲನ್ನು ಸುಲಭವಾಗಿ ತೆಗೆದುಕೊಳ್ಳಬಹುದು. ಆಧಾರ್ ಕಾರ್ಡ್ (Aadhaar card) ಅನ್ನು ಮರುಮುದ್ರಣ ಮಾಡಲು ನೀವು ಕೇವಲ ಎರಡು ಮೂರು ಹಂತಗಳನ್ನು ಅನುಸರಿಸಬೇಕಾಗಿದೆ. ಆದರೆ ನಿಮ್ಮ ಬಳಿ ಈ ಸಂಖ್ಯೆ ಇಲ್ಲದಿದ್ದರೆ ಆಧಾರ್ ಅನ್ನು ಬಳಸಲು ನಿಮಗೆ ಸಾಧ್ಯವಾಗುವುದಿಲ್ಲ.
ಅಧಿಕೃತ ಸೈಟ್‌ನಿಂದ ಡೌನ್‌ಲೋಡ್ ಮಾಡಬಹುದು:
ಯುಐಡಿಎಐ (UIDAI) ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ಆಧಾರ್ ಅನ್ನು ಸುಲಭವಾಗಿ ಡೌನ್‌ಲೋಡ್ ಮಾಡಬಹುದು. ಇದಕ್ಕಾಗಿ ಈ ವೆಬ್‌ಸೈಟ್‌ಗೆ ಭೇಟಿ ನೀಡಿದ ನಂತರ ನೀವು "My Aadhaar" ವಿಭಾಗಕ್ಕೆ ಹೋಗಿ "ಆಧಾರ್ ಡೌನ್‌ಲೋಡ್" (Download Aadhaar) ಆಯ್ಕೆಯನ್ನು ಕ್ಲಿಕ್ ಮಾಡಬೇಕು. ನೀವು ಅದನ್ನು ಎರಡು ರೀತಿಯಲ್ಲಿ ಡೌನ್‌ಲೋಡ್ ಮಾಡಬಹುದು.
ಮೊದಲ ದಾರಿ - ದಾಖಲಾತಿ ಸಂಖ್ಯೆಯ ಸಹಾಯದಿಂದ ಡೌನ್‌ಲೋಡ್ ಮಾಡಿ:
ದಾಖಲಾತಿ ಸಂಖ್ಯೆಯ ಸಹಾಯದಿಂದ ನೀವು ಆಧಾರ್ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ದಾಖಲಾತಿ ಸಂಖ್ಯೆ 28 ಸಂಖ್ಯೆಗಳು. ಈ ಸಂಖ್ಯೆಯನ್ನು ನಮೂದಿಸುವುದರ ಜೊತೆಗೆ ನಿಮ್ಮ ಪೂರ್ಣ ಹೆಸರು ಮತ್ತು ಪಿನ್ ಕೋಡ್ ಅನ್ನು ಸಹ ನೀವು ನಮೂದಿಸಬೇಕು. ಈ ಮೂರು ವಿವರಗಳನ್ನು ನೀಡಿದ ನಂತರ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಒಟಿಪಿ ಕಳುಹಿಸಬೇಕು. ಈ ಒಟಿಪಿಯನ್ನು ಭರ್ತಿ ಮಾಡಿದ ನಂತರ ನಿಮ್ಮ ಆಧಾರ್ ಡೌನ್‌ಲೋಡ್ ಆಗುತ್ತದೆ. ನೀವು ದಾಖಲಾತಿ ಸಂಖ್ಯೆಯನ್ನು ಹೊಂದಿಲ್ಲದಿದ್ದರೆ ನಿಮಗೆ ಆಧಾರ್ (Aadhaar) ಬಳಸಲು ಸಾಧ್ಯವಾಗುವುದಿಲ್ಲ. ಹೀಗಾಗಿ ಈ ಸಂಖ್ಯೆಯನ್ನು ನಿಮ್ಮೊಂದಿಗೆ ಇಟ್ಟುಕೊಳ್ಳುವುದು ಬಹಳ ಮುಖ್ಯ.
ದಾಖಲಾತಿ ಸಂಖ್ಯೆ ಅಗತ್ಯವಿದೆ:
ನಿಮ್ಮ ಬಳಿ 28-ಅಂಕಿಯ ಆಧಾರ್ ಸಂಖ್ಯೆ ಲಭ್ಯವಿಲ್ಲದಿದ್ದರೆ ನಿಮ್ಮ 12-ಅಂಕಿಯ ಆಧಾರ್ ಸಂಖ್ಯೆಯ ಸಹಾಯದಿಂದಲೂ ನೀವು ಡೌನ್‌ಲೋಡ್ ಮಾಡಬಹುದು. ಈ ಪ್ರಕ್ರಿಯೆಗೆ ನಿಮ್ಮ ಪೂರ್ಣ ಹೆಸರು ಮತ್ತು ಪಿನ್‌ಕೋಡ್ ಅನ್ನು ಸಹ ನೀವು ಒದಗಿಸಬೇಕು. ಇದರ ನಂತರ ಒಟಿಪಿ ಕ್ರಿಯೇಟ್ ಮಾಡಬೇಕು. ನಂತರ ಆ ಒಟಿಪಿ ನಮೂದಿಸುವ ಮೂಲಕ ಆಧಾರ್‌ಕಾರ್ಡ್ ಡೌನ್‌ಲೋಡ್ ಮಾಡಬಹುದು.
ಇದಲ್ಲದೆ ನೀವು ಆಧಾರ್ ಅನ್ನು ಆನ್‌ಲೈನ್‌ನಲ್ಲಿ ಡೌನ್‌ಲೋಡ್ ಮಾಡಿದಾಗ ಅದು ಪಿಡಿಎಫ್ ಸ್ವರೂಪದಲ್ಲಿ ಬರುತ್ತದೆ. ಅದನ್ನು ತೆರೆಯಲು ನಿಮಗೆ ಪಾಸ್ವರ್ಡ್ ಕೂಡ ಬೇಕು. ಪಿಡಿಎಫ್ ರೂಪದಲ್ಲಿ ಆಧಾರ್‌ನ ಎಲೆಕ್ಟ್ರಾನಿಕ್ ನಕಲನ್ನು ತೆರೆಯಲು ನೀವು ಮೊದಲು ನೀಡಿರುವ ವಿವರಗಳನ್ನು ಭರ್ತಿ ಮಾಡಬೇಕು. ಇದರ ನಂತರ ನೀವು ಪಾಸ್ವರ್ಡ್ ಅನ್ನು ನಮೂದಿಸಬೇಕಾಗುತ್ತದೆ. ಉದಾಹರಣೆಗೆಯಾರೋ ಒಬ್ಬರ ಹೆಸರು ABCDEF ಮತ್ತು ಅವರು 1992ರಲ್ಲಿ ಜನಿಸಿದರು ಎಂದು ಭಾವಿಸೋಣ, ನಂತರ ಆಧಾರ್‌ನ ಎಲೆಕ್ಟ್ರಾನಿಕ್ ಪ್ರತಿಗಾಗಿ ಪಾಸ್ವರ್ಡ್ ABCD1992 ಆಗಿರುತ್ತದೆ.
