ರಾಹುಲ್ ಗಾಂಧಿಯನ್ನು ನಿಪಾ ವೈರಸ್'ಗೆ ಹೋಲಿಸಿದ ಹರಿಯಾಣ ಸಚಿವ ಅನಿಲ್ ವಿಜ್

ಚಂಡೀಗಢ: ವಿವಾದಾತ್ಮಕ ಹೇಳಿಕೆಗಳನ್ನು ನೀಡಲು ಹೆಸರುವಾಸಿಯಾಗಿದ್ದ ಹರಿಯಾಣ ಕ್ಯಾಬಿನೆಟ್ ಸಚಿವ ಅನಿಲ್ ವಿಜ್ ಈಗ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಯವರನ್ನು ನಿಪಾ ವೈರಸ್ಗೆ ಹೋಲಿಸಿದ್ದಾರೆ. 

"ರಾಹುಲ್ ಗಾಂಧಿ ಅವರು ನಿಪಾ ವೈರಸ್ ಗೆ ಹೋಲುತ್ತಾರೆ. ಯಾವುದೇ ರಾಜಕೀಯ ಪಕ್ಷ ಅವರ ಜೊತೆ ಕೈ ಜೋಡಿಸಿದರೂ ಅವರ(ಪಕ್ಷಗಳು) ಕತೆ ಮುಗಿಯುತ್ತದೆ(ಸೋಲುತ್ತಾರೆ)" ಎಂದು ಅನಿಲ್ ವಿಜ್ ಟ್ವೀಟ್ ಮಾಡಿದ್ದಾರೆ. 

राहुल गांधी #निपाह वायरस के समान है । जो भी राजनीतिक पार्टी इसके सम्पर्क में आएगी वह फना हो जाएगी ।

— ANIL VIJ MINISTER HARYANA (@anilvijminister) May 27, 2018

Rahul Gandhi is similar to #NipahVirus, which ever Party he comes in contact with, that Party will be finished. They (parties) are trying to come together (in alliance) but they will be finished off: Haryana Minister Anil Vij pic.twitter.com/wt01o8npmc

— ANI (@ANI) May 29, 2018

ಹರಿಯಾಣ ಸಚಿವ ಅನಿಲ್ ವಿಜ್ ಇಂತಹ ವಿವಾದಾತ್ಮಕ ಹೇಳಿಕೆಯನ್ನು ಇದೇ ಮೊದಲಬಾರಿಗೆ ಏನೂ ನೀಡಿಲ್ಲ. ಕಳೆದ ವರ್ಷ ರಾಹುಲ್ ಗಾಂಧಿ ಅವರನ್ನು ಕಾಂಗ್ರೆಸ್ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡುವ ವಿಚಾರ ಚರ್ಚೆಯಲ್ಲಿದ್ದಾಗ, ಪ್ರಧಾನಿ ಮೋದಿಯವರ ಕಾಂಗ್ರೆಸ್ ಮುಕ್ತ ಭಾರತದ ಕನಸನ್ನು ಸಾಧಿಸಲು ಇದು ನೆರಾವಾಗುತ್ತದೆ ಎಂದು ಹೇಳಿಕೆ ನೀಡಿದ್ದರು.

ಅದಕ್ಕೂ ಮೊದಲು ರಾಹುಲ್ ಗಾಂಧಿ ತನ್ನ ನಾಯಿ ಹಾಗೂ ಅವರ ಮನೆಗೆ ಹೋಗುವವರಿಗೆ ಒಂದೇ ತಟ್ಟೆಯಲ್ಲಿ ಆಹಾರ ನೀಡುತ್ತಾರೆ. ಏಕೆಂದರೆ, ಅವರಿಗೆ ನಾಯಿ ಮತ್ತು ಕಾಂಗ್ರೆಸ್ ಕಾರ್ಯಕರ್ತರ ನಡುವೆ ಯಾವುದೇ ತಾರತಮ್ಯವಿಲ್ಲ ಎಂದಿದ್ದರು.

ಈ ರೀತಿ ಸದಾ ಒಂದಿಲ್ಲೊಂದು ವಿವಾದಾತ್ಮಕ ಹೇಳಿಕೆ ನೀಡುವ ಹರಿಯಾಣ ಸಚಿವ ಅನಿಲ್ ವಿಜ್ ಮತ್ತೆ ಕಾಂಗ್ರೆಸ್ ಅಧ್ಯಕ್ಷನನ್ನು ಗುರಿಯಾಗಿಸಿದ್ದಾರೆ.