ಮುಂಬೈ: ಎಂಎನ್ಎಸ್ ಕಾರ್ಯಕರ್ತರಿಂದ ಪಿಡಬ್ಲ್ಯೂಡಿ ಕಚೇರಿ ಮೇಲೆ ದಾಳಿ

ಮುಂಬೈ: ಎಂಎನ್ಎಸ್ ಕಾರ್ಯಕರ್ತರು ರಸ್ತೆ ಗುಂಡಿಗಳಿಂದ ರಾಜ್ಯದಲ್ಲಿ ಹೆಚ್ಚುತ್ತಿರುವ ಸಾವಿನ ಪ್ರಕರಣಗಳಿಂದ  ರೊಚ್ಚಿಗೆದ್ದು ಸೋಮವಾರದಂದು ಪಿಡಬ್ಲ್ಯೂಡಿ ಕಚೇರಿ ಮೇಲೆ ಏಕಾಏಕಿ ದಾಳಿಗೈದು ಕಚೇರಿಯಲ್ಲಿನ ಎಲ್ಲ ವಸ್ತಗಳನ್ನು ನಾಶಗೊಳಿಸಿದ್ದಾರೆ.

#WATCH: Maharashtra Navnirman Sena (MNS) workers vandalise the office of Public Works Department in Navi Mumbai over incidents of pothole deaths in the state. #Maharashtra pic.twitter.com/IT4qQpfMAW

— ANI (@ANI) July 16, 2018

ಎಎನ್ಐ ಪೋಸ್ಟ್ ಮಾಡಿರುವ  ವೀಡಿಯೋವೊಂದರಲ್ಲಿ ಕಾರ್ಯಕರ್ತರು ವಸ್ತುಗಳನ್ನು ಹಾಗೂ ಚೆರ್ ಗಳನ್ನು ನಾಶಪಡಿಸುತ್ತಿರುವ ದೃಶ್ಯಗಳು ಸೆರೆಯಾಗಿವೆ ಎಂದು ತಿಳಿದುಬಂದಿದೆ. ಇತ್ತೀಚಿಗೆ ಮಹಾರಾಷ್ಟ್ರದ ಪಿಡಬ್ಲ್ಯೂಡಿ ಸಚಿವ ರಸ್ತೆಗುಂಡಿಗಳಷ್ಟೇ ಅಪಘಾತಕ್ಕೆ ಕಾರಣವಲ್ಲ ಎಂದು ಹೇಳಿಕೆ ನೀಡಿದ್ದರು. ಈ ಹೇಳಿಕೆಗೆ ಸಾರ್ವಜನಿಕರಿಂದ  ತೀವ್ರ ವಿರೋಧ ವ್ಯಕ್ತವಾಗಿತ್ತು.

ಇತ್ತೀಚಿಗೆ ಕಲ್ಯಾಣದಲ್ಲಿ ರಸ್ತೆಗುಂಡಿಯ ಕಾರಣದಿಂದಾಗಿ ಐವರು ಮೃತಪಟ್ಟಿದ್ದರು. ಸರ್ಕಾರಿ ಅಂಕಿ ಅಂಶಗಳು ಹೇಳುವಂತೆ 2017 ರಲ್ಲಿ  ಸುಮಾರು 3600 ಜನರು ಮೃತಪಟ್ಟಿದ್ದರು.