ನವದೆಹಲಿ: Motor insurance update - ನಿಮ್ಮ ಕಾರು ಅಥವಾ ಬೈಕ್‌ನ ಮೋಟಾರು ವಿಮೆ (Motor Insurance) ಪ್ರೀಮಿಯಂ ಅನ್ನು ನೀವು ನವೀಕರಿಸಲು (Premium renewal) ಹೊರಟಿದ್ದರೆ, ಪಾಲಿಸಿಯನ್ನು ಇದೀಗ ಕೇವಲ ಆನ್‌ಲೈನ್‌ನಲ್ಲಿ ಮಾತ್ರ ನವೀಕರಿಸಲಾಗುವುದು ಎಂಬುದನ್ನು ನೆನಪಿನಲ್ಲಿಡಿ. ಮೂಲಗಳ ಪ್ರಕಾರ, ವಿಮಾ ನಿಯಂತ್ರಕ (IRDAI) ನಕಲಿ ಪಾಲಿಸಿಯನ್ನು ನಿಷೇಧಿಸುವ ನಿಟ್ಟಿನಲ್ಲಿ ಇದನ್ನು ಅನಿವಾರ್ಯಗೊಳಿಸಿದೆ. ಈ ನಿರ್ಧಾರದ ಮೂಲಕ, ನಕಲಿ ಮೋಟಾರ್ ವಿಮೆಯನ್ನು ಸಂಪೂರ್ಣವಾಗಿ ತಡೆಯುವ ಪ್ರಯತ್ನ ಮಾಡಲಾಗಿದೆ. ದೇಶಾದ್ಯಂತ ಇಂತಹ ಅನೇಕ ಪ್ರಕರಣಗಳು ನಡೆಯುತ್ತಿದ್ದು, ಇದರಲ್ಲಿ ಮೋಟಾರು ವಿಮೆಯ ಗ್ರಾಹಕರು ಆರಂಭದಲ್ಲಿ ಪಾಲಿಸಿಯನ್ನು ತೆಗೆದುಕೊಳ್ಳುತ್ತಾರೆ. ಆದರೆ ಅವರು ಹಕ್ಕು ಪಡೆಯಲು ಹೋದಾಗ, ಅವರು ಹೊಂದಿರುವ ಪಾಲಿಸಿ ನಕಲಿ ಎಂದು ತಿಳಿದುಬರುತ್ತದೆ ಮತ್ತು ಅವರಿಗೆ ತಪ್ಪು ಪಾಲಸಿ ನೀಡಲಾಗಿದೆ ಎಂಬುದು ಅರಿವಿಗೆ ಬರುತ್ತದೆ.
ಗ್ರಾಹಕರು ಹೇಗೆ ವಂಚನೆಗೆ ಒಳಗಾಗುತ್ತಾರೆ
ನೀವು ಮೋಟಾರು ವಿಮಾ ಪಾಲಿಸಿ ಖರೀದಿಸಲು ಹೋದಾಗ, ಪಾಲಿಸಿಗಳನ್ನು ಸಹ ನಿಮಗೆ ಕಡಿಮೆ ಬೆಲೆಗೆ ನೀಡಲಾಗುತ್ತದೆ. ಆ ಅನಧಿಕೃತ ಏಜೆಂಟರ ಪರವಾಗಿ, ಮಾರುಕಟ್ಟೆ ದರ 20,000 ರೂ ಎಂದು ಹೇಳಲಾಗುತ್ತದೆ, ನಾವು ನಿಮ್ಮನ್ನು 15 ಅಥವಾ 17 ಸಾವಿರ ರೂಗಳಿಗೆ ನವೀಕರಿಸುತ್ತೇವೆ ಎಂದು ಹೇಳಲಾಗುತ್ತದೆ. ಇಂತಹ ಅನೇಕ ಪ್ರಕರಣಗಳಿಂದಾಗಿ ವಿಮಾ ಕಂಪನಿಗಳು ಕೂಡ ಅಸಮಾಧಾನಗೊಂಡಿವೆ. ಈ ರೀತಿಯ ಸಮಸ್ಯೆಯನ್ನು ಗಮನದಲ್ಲಿಟ್ಟುಕೊಂಡು, ಈಗ ಮೋಟಾರು ವಿಮಾ ಪಾಲಿಸಿಗಳನ್ನು ಆನ್‌ಲೈನ್‌ನಲ್ಲಿ ನವೀಕರಿಸಬಹುದು ಎಂದು ವಿಮಾ ನಿಯಂತ್ರಕ ಹೇಳಿದೆ.
ಮಾಧ್ಯಮ ಯಾವುದೇ ಇರಲಿ ನವೀಕರಣ ಮಾತ್ರ ಆನ್ಲೈನ್ ಆಗಿರಲಿದೆ
ಮೂಲಗಳಿಂದ ದೊರೆತ ಮಾಹಿತಿ ಪ್ರಕಾರ, ನೀವು ಕಂಪನಿಗಳ ಕಚೇರಿಯಲ್ಲಿ ನವೀಕರಿಸಲಿ ಅಥವಾ ಮನೆಯಿಂದಲೇ ರಿನ್ಯೂಯೇಶನ್ ಮಾಡಿಸಿ ,ಅದು ಆನ್ಲೈನ್ ಮೋಡ್‌ನಲ್ಲಿ ಮಾತ್ರ ಇರುತ್ತದೆ. ಮೊಬೈಲ್ ಅಪ್ಲಿಕೇಶನ್ ಅಥವಾ ಪೋರ್ಟಲ್ ಆಗಿರಲಿ, ನಿಮ್ಮ ದಳ್ಳಾಲಿ ನಿಮ್ಮ ಮುಂದೆ ಮೋಟಾರ್ ವಿಮಾ ಪಾಲಿಸಿಯನ್ನು ನವೀಕರಿಸಲಿದ್ದಾರೆ.
ಇದನ್ನು ಓದಿ-Accidental Cover Plan: ಶೀಘ್ರವೇ ನಿಮ್ಮ ಗೊಂದಲ ನಿವಾರಣೆ, ಬರಲಿದೆ ಈ ಹೊಸ ನಿಯಮ
ಐಆರ್ಡಿಎಐ ಈ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವ ಅಭಿಯಾನವನ್ನೂ ಪ್ರಾರಂಭಿಸಿದೆ. ನಿಮಗೆ ನೀಡಲಾದ ಪಾಲಿಸಿಯ ಮೇಲೆ ಕ್ಯೂಆರ್ ಕೋಡ್ ನೀಡಲಾಗುವುದು. ನಿಮ್ಮ ಫೋನ್‌ನಿಂದ ಈ ಕೋಡ್ ಅನ್ನು ನೀವು ಸ್ಕ್ಯಾನ್ ಮಾಡಿದಾಗ, ಪಾಲಿಸಿಗೆ ಸಂಬಂಧಿಸಿದ ಎಲ್ಲಾ ವಿವರಗಳು ಅಂದರೆ ನಿಮ್ಮ ಹೆಸರು, ವಾಹನ ಸಂಖ್ಯೆ ಮತ್ತು ಇತರ ಮಾಹಿತಿಯು ನಿಮಗೆ ಸಿಗಲಿದೆ.
ಇದನ್ನು ಓದಿ-Saral Pension Plan : ನಿವೃತ್ತಿಯ ಬಳಿಕ ಪಿಂಚಣಿಯ ಟೆನ್ಶನ್ ಖತಂ..! ಜಾರಿಗೆ ಬರಲಿದೆ ಸರಲ್ ಪೆನ್ಶನ್ ಪ್ಲಾನ್..!
ನಿಮಗೆ ನೀಡಲಾಗಿರುವ ಕ್ಯೂಆರ್ ಕೋಡ್ ನಿಂದ ನೀವು ನಿಮ್ಮ ಪಾಲಸಿಯ ಮಾಹಿತಿಯನ್ನು ವೆರಿಫೈ ಮಾಡಬಹುದು. ಅಂದರೆ, ನೀವು ತುಂಬಿರುವ ಪ್ರಿಮಿಯಂ ಎಷ್ಟು ಸರಿಯಾಗಿದೆ ಎಂಬುದು ನಿಮಗೆ ತಿಳಿಯಲಿದೆ. ಈ ನಿಟ್ಟಿನಲ್ಲಿ IRDAI ಕೈಗೊಂಡ ನಿರ್ಣಯ ತುಂಬಾ ಮಹತ್ವದ್ದಾಗಿದ್ದು, ಇದರಿಂದ ಗ್ರಾಹಕರು ಹಾಗೂ ವಿಮಾ ಕಂಪನಿಗಳು ಇಬ್ಬರಿಗೂ ಕೂಡ ಲಾಭ ಸಿಗಲಿದೆ.
ಇದನ್ನು ಓದಿ-Digilocker : ಇನ್ನು ನಿಮ್ಮ ವಿಮಾ ಪಾಲಿಸಿ ಸೇಫ್..! ಸಿಗಲಿದೆ ಡಿಜಿಲಾಕರ್
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
