ಮುಂಬೈ: ಇತ್ತೀಚೆಗೆ ಮುಕ್ತಾಯವಾದ ಐಪಿಎಲ್ ಟೂರ್ನಿಯಲ್ಲಿ ಬೆಟ್ಟಿಂಗ್ ವಿಚಾರವಾಗಿ ತನಿಖೆಗೆ ಒಳಪಡಿಸುವ ನಿಟ್ಟಿನಲ್ಲಿ ಥಾಣೆ ಪೊಲೀಸರು ಬಾಲಿವುಡ್ ನಟ ಅರ್ಬಾಜ್ ಖಾನ್ ಅವರಿಗೆ ಪೊಲೀಸರು ಕರೆ ಮಾಡಿದ್ದಾರೆ.
ನಟ ಸಲ್ಮಾನ್ ಖಾನ್ ಅವರ ಸಹೋದರಾಗಿರುವ ಅರ್ಬಾಜ್ ಅವರು ವಿಚಾರಣೆಗಾಗಿ ಶನಿವಾರದಂದು ಪೋಲೀಸರ ಎದುರು ಹಾಜರಾಗಬೇಕಾಗಿದೆ.ಮಂಗಳವಾರದಂದು ಬಂಧಿಸಿರುವ ಐಪಿಎಲ್ ಬುಕ್ಕಿ ಸೋನು ಜಲಾನ್ ನನ್ನು ವಿಚಾರಿಸಿದಾಗ ಅವರು ಅರ್ಬಾಜ್ ಖಾನ್ ರವರ ಹೆಸರನ್ನು ಪ್ರಸ್ತಾಪಿಸಿದ್ದರು ಈ ಹಿನ್ನಲೆಯಲ್ಲಿ ಈಗ ಪೊಲೀಸರು ಈಗ ತನಿಖೆಗೆ ಮುಂದಾಗಿದ್ದಾರೆ ಎಂದು ತಿಳಿದುಬಂದಿದೆ.
ಸೋನು ಜಲಾನ್ ಅಲಿಯಾಸ್ ಸೋನು ಬಾಟ್ಲಾ ಎನ್ನುವ ಈ ಬುಕ್ಕಿಯು ಹಲವಾರು ಭೂಗತ ದೊರೆಗಳ ನಂಟನ್ನು ಸಹ ಹೊಂದಿದ್ದಾನೆ ಎಂದು ತಿಳಿದುಬಂದಿದೆ. ಈ ಐಪಿಎಲ್ ಬೆಟ್ಟಿಂಗ್ ವಿಚಾರವಾಗಿ ಕಳೆದ ಆರು ವರ್ಷಗಳಿಂದ ತನಿಖೆ ನಡೆಯುತ್ತಿದ್ದು ಕನಿಷ್ಠ 500 ರಿಂದ 600 ಕೋಟಿಗಳವರೆಗೆ ಬೆಟ್ಟಿಂಗ್ ನಡೆದಿದೆ ಎಂದು ತಿಳಿದುಬಂದಿದೆ ಆದ್ದರಿಂದ ಇದರಲ್ಲಿ ಅರ್ಬಾಜ್ ಪಾತ್ರವೇನು ಎನ್ನುವುದರ ಕುರಿತಾಗಿ ವಿಚಾರಣೆ ನಡೆಯಲಿದೆ ಎಂದು ಥಾಣೆಯ ಪೋಲಿಸ ಇನ್ಸ್ಪೆಕ್ಟರ್ ರಾಜಕುಮಾರ್ ಕೊಥಮಿರೆ ಯವರು ತಿಳಿಸಿದ್ದಾರೆ.
