ನವದೆಹಲಿ: Disadvantages of Eating Raw Basil Leaves - ತುಳಸಿ ಗಿಡದಲ್ಲಿ ಔಷಧೀಯ ಗುಣಗಳಿದ್ದು, ಅನೇಕ ರೋಗಗಳಿಂದ ನಿಮ್ಮನ್ನು ದೂರವಿಡಲು ಅದು ನಿಮಗೆ ಸಹಾಯ ಮಾಡುತ್ತದೆ. ನಾವು ಕಷಾಯ ಮಾಡಲು ತುಳಸಿ ಎಲೆಗಳನ್ನು (Basil Leaves) ಬಳಸುತ್ತೇವೆ. ಇದು ನಮ್ಮ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ. ಇದಲ್ಲದೇ ಇದನ್ನು ಚಹಾದಲ್ಲಿ (Tulsi Tea) ಕುಡಿಯುವುದರಿಂದ ಕೆಮ್ಮು, ನೆಗಡಿ, ಹೊಟ್ಟೆನೋವು ಮೊದಲಾದ ಸಮಸ್ಯೆಗಳಿಂದ ಪರಿಹಾರ ದೊರೆಯುತ್ತದೆ. ತುಳಸಿ ಗಿಡವನ್ನು ಹಿಂದೂ ಧರ್ಮದಲ್ಲಿ ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದೆ.
ಜಗಿಯುವ ಮೂಲಕ ತುಳಸಿ ಸೇವಿಸುವುದು ಹಾನಿಕಾರಕ
ತುಳಸಿ ಗಿಡವನ್ನು ನಮ್ಮೆಲ್ಲ ಭಾರತೀಯರ ಮನೆಯಲ್ಲಿ ನೆಡಲಾಗುತ್ತದೆ, ಅದನ್ನು ಪೂಜಿಸಲಾಗುತ್ತದೆ. ಅನೇಕ ಜನರು ತುಳಸಿ ಎಲೆಗಳನ್ನು ಜಗಿದು ತಿನ್ನುತ್ತಾರೆ. ಆದರೆ ತುಳಸಿ ಎಲೆಗಳನ್ನು ಜಗಿಯುವುದು ನಿಮ್ಮ ಆರೋಗ್ಯಕ್ಕೆ ಹಾನಿಕಾರಕ ಎಂಬುದು ನಿಮಗೆ ತಿಳಿದಿದೆಯೇ. ತುಳಸಿ ಎಲೆಗಳನ್ನು ಜಗಿಯುವುದರಿಂದ ಅಥವಾ ತುಳಸಿ ಎಲೆಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ತಿನ್ನುವುದರಿಂದ ಉಂಟಾಗುವ ಹಾನಿ ಏನು ಮತ್ತು ಅದನ್ನು ಹೇಗೆ ಬಳಸಬಹುದು ಎಂಬುದನ್ನು ತಿಳಿದುಕೊಳ್ಳೋಣ ಬನ್ನಿ.
ಹಲ್ಲುಗಳು ಹಾಳಾಗಬಹುದು
ತುಳಸಿ ಎಲೆಗಳನ್ನು ಜಗಿದು ತಿನ್ನುವುದು ಹಲ್ಲುಗಳಿಗೆ ಹಾನಿಕಾರಕವೆಂದು ಸಾಬೀತುಪಡಿಸಬಹುದು. ತುಳಸಿ ಎಲೆಗಳಲ್ಲಿ ಪಾದರಸ ಮತ್ತು ಕಬ್ಬಿಣದ ಪ್ರಮಾಣ ಕಂಡುಬರುತ್ತದೆ. ಇದರಲ್ಲಿ ಸ್ವಲ್ಪ ಪ್ರಮಾಣದ ಆರ್ಸೆನಿಕ್ ಕೂಡ ಇರುತ್ತದೆ ಮತ್ತು ಅದು ಹಲ್ಲುಗಳನ್ನು ಹಾನಿಗೊಳಿಸುತ್ತದೆ. ಇದು ಹಲ್ಲುನೋವಿನ ಸಮಸ್ಯೆಯನ್ನು ಉಂಟುಮಾಡಬಹುದು.
ರಕ್ತ ತೆಳುವಾಗುತ್ತದೆ
ತುಳಸಿ ಎಲೆಗಳನ್ನು ಅತಿಯಾಗಿ ಸೇವಿಸುವುದರಿಂದ ರಕ್ತ ತೆಳುವಾಗುವುದು. ಅಂದರೆ ರಕ್ತವನ್ನು ತಿಳಿಗೊಳಿಸುವ ಕೆಲ ಗುಣಧರ್ಮಗಳು ತುಳಸಿಯಲ್ಲಿ ಕಂಡು ಬರುತ್ತವೆ. ಇದರಿಂದ ನಿಮಗೆ ಹಾನಿಕಾರಕವಾಗಬಹುದು. ಇಂತಹ ಪರಿಸ್ಥಿತಿಯಲ್ಲಿ ವಾರ್ಫರಿನ್ ಮತ್ತು ಹೆಪಾರಿನ್ ನಂತಹ ಔಷಧಗಳನ್ನು ಸೇವಿಸುವವರು ತುಳಸಿ ಎಲೆಗಳನ್ನು ಸೇವಿಸಬಾರದು.
ಹೊಟ್ಟೆಯ ಕಿರಿಕಿರಿಯನ್ನು ಉಂಟುಮಾಡಬಹುದು
ತುಳಸಿಯ ಬಿಸಿಯಿಂದಾಗಿ ಅಗತ್ಯಕ್ಕಿಂತ ಹೆಚ್ಚು ಸೇವಿಸುವುದರಿಂದ ಹೊಟ್ಟೆಯಲ್ಲಿ ಉರಿ ಉಂಟಾಗುತ್ತದೆ. ಆದ್ದರಿಂದ ತುಳಸಿಯನ್ನು ಸೀಮಿತ ಪ್ರಮಾಣದಲ್ಲಿ ಮಾತ್ರ ಸೇವಿಸಿ.
ಗರ್ಭಿಣಿಯರಿಗೆ ಹಾನಿ
ಗರ್ಭಿಣಿಯರು ತುಳಸಿ ಎಲೆಗಳನ್ನು ಹೆಚ್ಚು ಸೇವಿಸಿದರೆ ಅದು ಅವರ ಮತ್ತು ಮಗುವಿನ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಯುಜೆನಾಲ್ ತುಳಸಿಯಲ್ಲಿ ಕಂಡುಬರುತ್ತದೆ. ಇದು ಪಿರಿಯಡ್ ಸಮಸ್ಯೆಗೆ ಕಾರಣವಾಗಬಹುದು. ತುಳಸಿಯನ್ನು ಅತಿಯಾಗಿ ಸೇವಿಸುವುದರಿಂದ ಗರ್ಭಾವಸ್ಥೆಯಲ್ಲಿ ಅತಿಸಾರವೂ ಸಮಸ್ಯೆ ಉಂಟಾಗಬಹುದು.
ಇದನ್ನೂ ಓದಿ-Health Tips: ಹರ್ಬಲ್ ಟೀ ಸೇವಿಸುತ್ತೀರಾ..? ಸಂಶೋಧನೆಯಲ್ಲಿ ಆಘಾತಕಾರಿ ಸಂಗತಿ!
ಮಧುಮೇಹ ರೋಗಿಗಳ ಗಮನ
ಮಧುಮೇಹಿಗಳು ತುಳಸಿ ಸೇವನೆಯಿಂದ ದೂರವಿರಬೇಕು. ರಕ್ತದಲ್ಲಿನ ಸಕ್ಕರೆಯನ್ನು ಕಡಿಮೆ ಮಾಡಲು ತುಳಸಿ ಕೆಲಸ ಮಾಡುತ್ತದೆ ಎಂದು ನಂಬಲಾಗಿದೆ. ಹೀಗಿರುವಾಗ ಮಧುಮೇಹ ಅಥವಾ ಹೈಪೊಗ್ಲಿಸಿಮಿಯಾ ರೋಗಿಗಳು ಮತ್ತು ಸಕ್ಕರೆ ಔಷಧಿಗಳನ್ನು ತೆಗೆದುಕೊಳ್ಳುತ್ತಿರುವವರು ತುಳಸಿ ಸೇವಿಸಿದರೆ, ಅವರ ರಕ್ತದಲ್ಲಿನ ಸಕ್ಕರೆ ತೀವ್ರವಾಗಿ ಇಳಿಕೆಯಾಗಬಹುದು. ಇದು ಅವರಿಗೆ ಹಾನಿಕಾರಕ ಎಂದೂ ಕೂಡ ಸಾಬೀತಾಗಬಹುದು.
ಇದನ್ನೂ ಓದಿ-Lychee Health benefits: ಬೇಸಿಗೆಯಲ್ಲಿ ಲಿಚಿಹಣ್ಣು ಸೇವಿಸುವುದರಿಂದ ಸಿಗುತ್ತೆ ಅನೇಕ ಪ್ರಯೋಜನಗಳು
ಈ ರೀತಿ ತುಳಸಿ ಎಲೆಗಳನ್ನು ಸೇವಿಸಿ
>> ತುಳಸಿ ಎಲೆಗಳನ್ನು ನೀರಿನಲ್ಲಿ ಕುದಿಸಿ ಸೇವಿಸಬಹುದು.
>> ತುಳಸಿ ಎಲೆಗಳನ್ನು ಬೆರೆಸಿ ಟ್ಯಾಬ್ಲೆಟ್ ತಯಾರಿಸಬಹುದು.
>> ತುಳಸಿಯನ್ನು ಸೇವಿಸಲು, ನೀವು ಅದರ ಎಲೆಗಳನ್ನು ಪುಡಿಮಾಡಿ ಚಹಾದಲ್ಲಿ ಹಾಕಬಹುದು.
>> ತುಳಸಿ ಎಲೆಗಳನ್ನು ಪುಡಿಮಾಡಿ ನೀರಿನಲ್ಲಿ ಬೆರೆಸಿ ಸೇವಿಸಬಹುದು.
>> ತುಳಸಿಯನ್ನು ಸೇವಿಸಲು, ನೀವು ಮಾರುಕಟ್ಟೆಯಲ್ಲಿ ಲಭ್ಯವಿರುವ ತುಳಸಿ ಘನವತಿ ಮಾತ್ರೆ ಬಳಸಬಹುದು.
>> ತುಳಸಿ ಎಲೆಗಳನ್ನು ನೆರಳಿನಲ್ಲಿ ಒಣಗಿಸಿ ಪುಡಿ ಮಾಡಿ ಸೇವಿಸಬಹುದು.
>> ತುಳಸಿಯನ್ನು ಸೇವಿಸಲು, ನೀವು ಮಾರುಕಟ್ಟೆಯಲ್ಲಿ ಇರುವ ತುಳಸಿ ಪಂಚಾಂಗದ ರಸದ ಸಹಾಯವನ್ನು ತೆಗೆದುಕೊಳ್ಳಬಹುದು.
>> ಈ ರೀತಿಯಾಗಿ ನೀವು ಇದನ್ನು ಪ್ರತಿದಿನ ಸೇವಿಸುವ ಮೂಲಕ ಋತುಮಾನದ ಸೋಂಕನ್ನು ತಪ್ಪಿಸಬಹುದು.
ಇದನ್ನೂ ಓದಿ-Summer Food: ಬೇಸಿಗೆ ಕಾಲದಲ್ಲಿ ನಿಮ್ಮ ಡಯಟ್ ನಲ್ಲಿರಲಿ ಈ 5 ಆಹಾರಗಳು, ಯಾವತ್ತು ಫಿಟ್ನೆಸ್ ನಿಮ್ಮದಾಗಿರುತ್ತದೆ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
