ನೀವೂ ಈರುಳ್ಳಿ-ಬೆಳ್ಳುಳ್ಳಿ ತಿಂದರೆ, ಈ ಕಾಯಿಲೆಯಿಂದ ಇರ್ತೀರಾ ದೂರ...

ಸಾಮಾನ್ಯವಾಗಿ ನಿತ್ಯ ನಮ್ಮ ಅಡುಗೆಯಲ್ಲಿ ಈರುಳ್ಳಿ-ಬೆಳ್ಳುಳ್ಳಿಯನ್ನು ಬಳಸುತ್ತೇವೆ. ಆದರೆ ಕೆಲವರ ಮನೆಯಲ್ಲಿ ಈರುಳ್ಳಿ-ಬೆಳ್ಳುಳ್ಳಿ ಬಳಸುವುದಿಲ್ಲ. ಇನ್ನೂ ಕೆಲವರಿಗೆ ಬೆಳ್ಳುಳ್ಳಿ ಅಂದ್ರೆ ಆಗೋದೇ ಇಲ್ಲ. ಆದರೆ, ಈರುಳ್ಳಿ-ಬೆಳ್ಳುಳ್ಳಿ ಜಾತಿಯ ತರಕಾರಿ ಸೇವನೆ ದೊಡ್ಡ ಕರುಳು ಮತ್ತು ಗುದದ ಕ್ಯಾನ್ಸರ್ನ ಅಪಾಯವನ್ನು ಕಡಿಮೆ ಮಾಡುತ್ತದೆ ಎಂದು ನಿಮಗೆ ತಿಳಿದಿದೆಯೇ?

ಹೌದು, ಇತ್ತೀಚಿನ ಸಂಶೋಧನೆಯೊಂದು ಇದನ್ನು ಕಂಡು ಹಿಡಿಯಲಾಗಿದೆ. 
ಸಾಮಾನ್ಯವಾದ ಕ್ಯಾನ್ಸರ್ಗಳಲ್ಲಿ ಒಂದಾದ ಕೊಲೊನ್ ಕ್ಯಾನ್ಸರ್ ಅಥವಾ ಕೊಲೊರೆಕ್ಟಲ್ ಕ್ಯಾನ್ಸರ್ ಅನ್ನು ಕೊಲೊನ್ ಕ್ಯಾನ್ಸರ್ ಅಥವಾ ದೊಡ್ಡ ಕರುಳಿನ (ಮಾನವ ದೇಹದ ಜೀರ್ಣಾಂಗಗಳ ಅಂತ್ಯದ ಭಾಗ) ಎಂದು ವಿವರಿಸಬಹುದು. ಈ ವಿಧದ ಕ್ಯಾನ್ಸರ್ ಸಾಮಾನ್ಯವಾಗಿ ಪಾಲಿಪ್ಸ್ ಅಥವಾ ಕ್ಯಾನ್ಸರ್-ಅಲ್ಲದ ಕ್ಯಾಲ್ಮ್ಗಳ ಕೋಶಗಳಾಗಿ ಪ್ರಚೋದಿಸುತ್ತದೆ. 

ಏಷಿಯಾ ಪೆಸಿಫಿಕ್ ಜರ್ನಲ್ ಆಫ್ ಕ್ಲಿನಿಕಲ್ ಆಂಕೊಲಾಜಿಯಲ್ಲಿ ಪ್ರಕಟವಾದ ಈ ಸಂಶೋಧನಾ ವರದಿಯು, ಈರುಳ್ಳಿ ಜಾತಿಯ ತರಕಾರಿ ಸೇವನೆಯಿಂದ 
ವಯಸ್ಕರಲ್ಲಿ ಕೊಲೊರೆಕ್ಟಲ್ ಕ್ಯಾನ್ಸರ್ ಅಪಾಯ 79 ರಷ್ಟು ಕಡಿಮೆಯಾಗಿದೆ ಎಂದು ತಿಳಿಸಿದೆ.

ಚೀನಾ ಮೆಡಿಕಲ್ ಯೂನಿವರ್ಸಿಟಿಯ ಫಸ್ಟ್ ಮೆಡಿಕಲ್ ಆಸ್ಪತ್ರೆಯಲ್ಲಿ ಸಂಶೋಧಕರಾದ ಕ್ಸಿ ಲೀ, ಈರುಳ್ಳಿ ರೀತಿಯ ತರಕಾರಿಗಳ ಅಧಿಕ ಸೇವನೆ ಹೆಚ್ಚು ಸುರಕ್ಷಿತವೆಂದು ಸಂಶೋಧನೆಯಿಂದ ತಿಳಿದು ಬಂದಿದೆ ಎಂದು ಹೇಳಿದರು. 

ಪ್ರಸ್ತುತ ಬದಲಾಗುತ್ತಿರುವ ಜೀವನಶೈಲಿಯಲ್ಲಿ ಈರುಳ್ಳಿ ರೀತಿಯ ತರಕಾರಿಗಳ ಅಧಿಕ ಸೇವನೆಯು ಕೊಲೊರೆಕ್ಟಲ್ ಕ್ಯಾನ್ಸರ್ ಅನ್ನು ಉಂಟಾಗದಂತೆ ತಡೆಗಟ್ಟುತ್ತದೆ ಎಂದು ಅವರು ಹೇಳಿದರು.

ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ಇಡೀ ಪ್ರಪಂಚದಲ್ಲಿ ಕೋಲೋರೆಕ್ಟಲ್ ಕ್ಯಾನ್ಸರ್ ಸಾಮಾನ್ಯವಾಗಿರುತ್ತದೆ ಮತ್ತು 2018 ರಲ್ಲಿ ಇದು 18 ದಶಲಕ್ಷ ಕೋಲೋರೆಕ್ಟಲ್ ಕ್ಯಾನ್ಸರ್ ಪ್ರಕರಣಗಳು ಬೆಳಕಿಗೆ ಬಂದಿವೆ. ಅದರಲ್ಲಿ 8, 62,000 ಜನರು ಮೃತಪಟ್ಟಿದ್ದಾರೆ.