ಬಿಜೆಪಿಗೆ ಸೇರ್ಪಡೆ ಆಗಿಲ್ಲ: ಸಪ್ನಾ ಚೌದರಿ ಸ್ಪಷ್ಟನೆ

ನವದೆಹಲಿ: 2019ರ ಲೋಕಸಭಾ ಚುನಾವಣೆಯಲ್ಲಿ ಖ್ಯಾತ ನೃತ್ಯಗಾರ್ತಿ ಸಪ್ನಾ ಚೌಧರಿ ಭಾರತೀಯ ಜನತಾ ಪಕ್ಷ(ಬಿಜೆಪಿ)ದಿಂದ ಸ್ಪರ್ಧಿಸಲಿದ್ದಾರೆ ಎಂಬ ಊಹಾಪೋಹಗಳಿಗೆ ಸ್ವತಃ ಸಪ್ನಾ ಚೌಧರಿಯವರೇ ತೆರೆ ಎಳೆದಿದ್ದು, ನಾನು ಬಿಜೆಪಿ ಸೇರ್ಪಡೆ ಆಗಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.

Actor-dancer Sapna Chaudhary during election campaigning for Manoj Tiwari: I have not joined the party (BJP), I'm here because Manoj Tiwari ji is a good friend of mine. pic.twitter.com/V2si0m1Xpb

— ANI (@ANI) April 22, 2019

ಸೋಮವಾರ, ಈಶಾನ್ಯ ದೆಹಲಿಯ ಬಿಜೆಪಿ ಅಭ್ಯರ್ಥಿ ಮನೋಜ್ ತಿವಾರಿ ಪರವಾಗಿ ಪ್ರಚಾರ ಕಾರ್ಯದಲ್ಲಿ ಕಾಣಿಸಿಕೊಂಡ ಸಪ್ನಾ ಚೌಧರಿ, ನಾನು ಬಿಜೆಪಿಗೆ ಸೇರಿಲ್ಲ. ಆದರೆ, ಮನೋಜ್ ತಿವಾರಿ ಅವರು ನನ್ನ ಆತ್ಮೀಯ ಸ್ನೇಹಿತರಾಗಿದ್ದು ಅವರಿಗಾಗಿ ಪ್ರಚಾರ ಮಾಡುತ್ತಿದ್ದೇನೆ ಎಂದು ಹೇಳಿದರು.

BJP Lok Sabha candidate from North East Delhi, Manoj Tiwari holds a roadshow in Delhi. Union Minister Vijay Goel and actor-dancer Sapna Chaudhary also present. pic.twitter.com/aFXJDQuTKA

— ANI (@ANI) April 22, 2019

ಬಹುದೊಡ್ಡ ರಿಯಾಲಿಟಿ ಶೋ 'ಬಿಗ್ ಬಾಸ್' ಸ್ಪರ್ಧಿಯಾಗಿದ್ದ ಸಪ್ನಾ ಚೌದರಿ ಕಾಂಗ್ರೆಸ್ ಪಕ್ಷಕ್ಕೆ ಸೇರುತ್ತಾರೆ ಎಂದು ಮೊದಲಿಗೆ ಸುದ್ದಿಯಾಗಿತ್ತು. ಕಳೆದ ತಿಂಗಳಿನಿಂದ ಸಪ್ನಾ ಬಿಜೆಪಿಗೆ ಸೇರ್ಪಡೆಯಾಗಲಿದ್ದಾರೆ ಎಂದು ಊಹಾಪೋಹಗಳು ಹರಿದಾಡಿತ್ತು. ಇವೆಲ್ಲವನ್ನೂ ನಿರಾಕರಿಸಿರುವ ಅವರು ತಾವು ಯಾವುದೇ ಪಕ್ಷಕ್ಕೆ ಸೇರುವುದಿಲ್ಲ ಎಂದಿದ್ದಾರೆ.