ಭಾರತದಲ್ಲಿ ಟಾಟಾ ಪಂಚ್ ಸುರಕ್ಷಿತ ಕಾರು: ದೇಶದಲ್ಲಿ ಸುರಕ್ಷಿತ ಕಾರುಗಳಿಗೆ ಬೇಡಿಕೆ ಹೆಚ್ಚುತ್ತಿದೆ. ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿಯವರು ದೇಶದ ರಸ್ತೆಗಳಲ್ಲಿ ಓಡುವ ಎಲ್ಲಾ ವಾಹನಗಳಲ್ಲಿ ಏರ್ ಬ್ಯಾಗ್‌ಗಳಂತಹ ಸುರಕ್ಷತಾ ವೈಶಿಷ್ಟ್ಯಗಳ ಮೇಲೆ ನಿರಂತರ ಗಮನ ಹರಿಸುತ್ತಿದ್ದಾರೆ. ಈಗ ಗ್ರಾಹಕರು ತಮ್ಮ ಜೀವನದ ಸುರಕ್ಷತೆಗಾಗಿ ಹೆಚ್ಚಿನ ಹಣ ಪಾವತಿಸಲು ಸಿದ್ಧರಾಗಿದ್ದಾರೆ. ಹೀಗಾಗಿ ಅನೇಕ ಆಟೋಮೊಬೈಲ್ ಕಂಪನಿಗಳು ತಮ್ಮ ಗ್ರಾಹಕರ ವಿಶ್ವಾಸ ಗೆಲ್ಲಲು ಅತ್ಯುತ್ತಮ ಉತ್ಪನ್ನಗಳನ್ನು ನೀಡುತ್ತಿವೆ. ಇಂದು ನಾವು ಟಾಟಾ ತನ್ನ ಪ್ರಮುಖ ಮೌಲ್ಯಗಳನ್ನು ಗಮನದಲ್ಲಿಟ್ಟುಕೊಂಡು ವಿಶೇಷವಾಗಿ ತಯಾರಿಸಿರುವ ದೇಶದ ಸುರಕ್ಷಿತ, ಬಲಿಷ್ಠ ಮತ್ತು ಬಜೆಟ್ ಸ್ನೇಹಿ ಕಾರಿನ ಬಗ್ಗೆ ನಿಮಗೆ ತಿಳಿಸಿಕೊಡಲಿದ್ದೇವೆ.
ಟಾಟಾದ ಪ್ರಬಲ 'ಪಂಚ್'
ಟಾಟಾ 5-ಸ್ಟಾರ್ ಸುರಕ್ಷತಾ ರೇಟಿಂಗ್ ಹೊಂದಿರುವ ಕಾರನ್ನು ಅತ್ಯಂತ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದೆ. ಈ ಟಾಟಾ ವಾಹನವನ್ನು ಗ್ರಾಹಕರಲ್ಲಿ ‘Solid Iron’ ಎಂದೂ ಕರೆಯುತ್ತಾರೆ. ಇದರ ಅತ್ಯಂತ ವಿಶೇಷವಾದ USP ಅದರ ವೈಶಿಷ್ಟ್ಯಗಳು, ಇದರ ಹೊರತಾಗಿ 2021ರಲ್ಲಿ ಬಿಡುಗಡೆಯಾದ ನಂತರ ಜನರು ಮಾರುತಿ ವ್ಯಾಗನ್ R ಮತ್ತು ಸ್ವಿಫ್ಟ್ ಅನ್ನು ಮರೆತಿದ್ದಾರೆ. ಕಂಪನಿಯ ಮೂಲಗಳ ಪ್ರಕಾರ ಮುಂಬರುವ ಕೆಲವು ತಿಂಗಳುಗಳಲ್ಲಿ ಟಾಟಾ ತನ್ನ ಪಂಚ್ನ ಸಿಎನ್‌ಜಿ ಆವೃತ್ತಿಯನ್ನು ಬಿಡುಗಡೆ ಮಾಡಲಿದೆ. ಡ್ಯುಯಲ್ ಸಿಲಿಂಡರ್ ಸಿಎನ್‌ಜಿ ತಂತ್ರಜ್ಞಾನವನ್ನು ಪಡೆದ ಮೊದಲ ಕಾರು ಇದಾಗಿದೆ. ಇದು ವರ್ಷಾಂತ್ಯದಲ್ಲಿ ಲಾಂಚ್ ಆಗಲಿದೆ.
ಇದನ್ನೂ ಓದಿ: ಪ್ರಧಾನಿ ಮೋದಿ ಸರ್ಕಾರದಲ್ಲಿ ಭಯೋತ್ಪಾದನೆ, ದಂಗೆ, ಹಿಂಸಾಚಾರ ಶೇ.80ರಷ್ಟು ಇಳಿಕೆ: ಅಮಿತ್ ಶಾ
ದೇಶದ ಅತ್ಯಂತ ಸುರಕ್ಷಿತ-ಅಗ್ಗದ ಕಾರು
ಟಾಟಾ ಮೋಟಾರ್ಸ್‌ನ ಅಗ್ಗದ ಸಬ್ ಕಾಂಪ್ಯಾಕ್ಟ್ SUV ಟಾಟಾ ಪಂಚ್ ಆಗಿದೆ. ಇದು ದೇಶದ ಅತ್ಯಂತ ಅಗ್ಗದ ಕಾರು, ಇದರಲ್ಲಿ ನೀವು 5 ಸ್ಟಾರ್ ಸುರಕ್ಷತಾ ರೇಟಿಂಗ್ ಪಡೆಯುತ್ತೀರಿ. ಈ ಕಾರಿನ ಬೆಲೆ ಕೇವಲ 5.99 ಲಕ್ಷ ರೂ.ಗಳಿಂದ ಆರಂಭವಾಗುತ್ತದೆ. ಟಾಟಾ ಪಂಚ್ 5 ಆಸನಗಳ ಕಾರು. ಇದರಿಂದಾಗಿ ಎಲ್ಲರಿಗೂ ಉತ್ತಮ ಸ್ಥಳಾವಕಾಶ ಲಭ್ಯವಾಗಿದೆ. ನೀವು ಪಂಚ್‌ನಲ್ಲಿ 366 ಲೀಟರ್ ಬೂಟ್ ಸ್ಪೇಸ್ ಸಹ ಪಡೆಯುತ್ತೀರಿ, ಇದರಲ್ಲಿ ಬಹಳಷ್ಟು ವಸ್ತುಗಳನ್ನು ಇರಿಸಬಹುದು. ಇದು 187 ಎಂಎಂ ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿದೆ, ಇದು ಒರಟು ರಸ್ತೆಗಳಿಗೆ ಉತ್ತಮವಾಗಿದೆ.
ಪಂಚ್ನ ಶಕ್ತಿಯುತ ಎಂಜಿನ್
ಬಲವಾದ ಬಾಡಿಯಂತೆ ಪಂಚ್ನ ಎಂಜಿನ್ ಸಹ ಶಕ್ತಿಯುತವಾಗಿದೆ. ಈ ಮಾದರಿಯು 1.2 ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿದೆ. ಇದು 86 bhp ಪವರ್ ಮತ್ತು 113 nm ಟಾರ್ಕ್ ಉತ್ಪಾದಿಸುತ್ತದೆ. ವಾಹನವು 5-ಸ್ಪೀಡ್ ಮ್ಯಾನುವಲ್ ಮತ್ತು ಐಚ್ಛಿಕ 5-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ಗೆ ಸಂಯೋಜಿಸಲ್ಪಟ್ಟಿದೆ. ಇದರ ಮೈಲೇಜ್ ಪ್ರತಿ ಲೀಟರ್‌ಗೆ ಸುಮಾರು 19 ಕಿ.ಮೀ. ಎಂದು ಹೇಳಲಾಗಿದೆ.
ಇದನ್ನೂ ಓದಿ: Wheat Price: ಗೋಧಿ ಬೆಲೆ ನಿಯಂತ್ರಣಕ್ಕೆ ಸರ್ಕಾರದ ದೊಡ್ಡ ನಿರ್ಧಾರ, ಫೆ.22ರಂದು ಈ ಕಾರ್ಯ ನಡೆಯಲಿದೆ
ಉತ್ತಮ ವೈಶಿಷ್ಟ್ಯಗಳು
ವೈಶಿಷ್ಟ್ಯಗಳ ವಿಷಯದಲ್ಲಿ ಇದು 7-ಇಂಚಿನ ಟಚ್‌ಸ್ಕ್ರೀನ್ ಡಿಸ್ಪ್ಲೇ, ಸೆಮಿ-ಡಿಜಿಟಲ್ ಇನ್ಸ್ಟ್ರುಮೆಂಟ್ ಪ್ಯಾನೆಲ್, ಆಟೋ ಹವಾನಿಯಂತ್ರಣ, ಸ್ವಯಂಚಾಲಿತ ಹೆಡ್‌ಲೈಟ್‌ಗಳು, ಸಂಪರ್ಕಿತ ಕಾರ್ ತಂತ್ರಜ್ಞಾನ ಮತ್ತು ಕ್ರೂಸ್ ಕಂಟ್ರೋಲ್ ಸಹ ಹೊಂದಿದೆ. ಟಾಟಾ ಪಂಚ್ ಪ್ರಸ್ತುತ ನಿಮ್ಮ ಹತ್ತಿರದ ಶೋರೂಂನಲ್ಲಿ Pure, Adventure, Accomplished and Creative 5 ಮಾದರಿಗಳಲ್ಲಿ ಲಭ್ಯವಿದೆ. ಇದಲ್ಲದೇ ಪಂಚ್ನ ಕೆಲವು ವಿಶೇಷ ಆವೃತ್ತಿಗಳೂ ದೇಶದ ರಸ್ತೆಗಳಲ್ಲಿ ಓಡುತ್ತಿವೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
