ನವದೆಹಲಿ: RBI New Rule: ಭಾರತೀಯ ರಿಸರ್ವ್ ಬ್ಯಾಂಕ್ (RBI) ತಕ್ಷಣದ ಪಾವತಿ ಸೇವೆ (IMPS) ಮೂಲಕ ದೈನಂದಿನ ನಿಧಿ ವರ್ಗಾವಣೆಯ ಮಿತಿಯನ್ನು 2 ಲಕ್ಷದಿಂದ 5 ಲಕ್ಷಕ್ಕೆ ಹೆಚ್ಚಿಸಿದೆ. ಇತ್ತೀಚಿಗೆ ಅಕ್ಟೋಬರ್ 6 ರಿಂದ 8 ರವರೆಗೆ ನಡೆದ ರಿಸರ್ವ್ ಬ್ಯಾಂಕಿನ ಹಣಕಾಸು ನೀತಿ ಸಮಿತಿ (ಎಂಪಿಸಿ) ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದ್ದು ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ (Shaktikanta Das) ಈ ಮಾಹಿತಿಯನ್ನು ನೀಡಿದರು.
ಈಗ ನೀವು ಪ್ರತಿದಿನ 5 ಲಕ್ಷದ ವಹಿವಾಟು ಮಾಡಬಹುದು:
ಗಮನಿಸಬೇಕಾದ ಸಂಗತಿಯೆಂದರೆ, ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮದ (NPCI) ತಕ್ಷಣದ ಪಾವತಿ ಸೇವೆ (IMPS) ಮೂಲಕ, ಯಾವುದೇ ವ್ಯಕ್ತಿಯು ವಾರದ ಯಾವುದೇ ದಿನ ಮತ್ತು 24 ಗಂಟೆಗಳಲ್ಲಿ ಹಣವನ್ನು ವರ್ಗಾಯಿಸಬಹುದು. ಈ ಸೌಲಭ್ಯವು ಇಂಟರ್ನೆಟ್ ಬ್ಯಾಂಕಿಂಗ್ (Internet Banking), ಮೊಬೈಲ್ ಬ್ಯಾಂಕಿಂಗ್ ಆಪ್, ಬ್ಯಾಂಕ್ ಶಾಖೆಗಳು, ATM ಗಳು, SMS ಮತ್ತು IVRS ನಂತಹ ವೇದಿಕೆಗಳ ಮೂಲಕ ಲಭ್ಯವಿದೆ. ಈ ಸೇವೆಯನ್ನು 2014 ರಲ್ಲಿ ಸೇರಿಸಲಾಗಿದೆ.
ಇದನ್ನೂ ಓದಿ- IRCTC iPay Refund: ಈಗ ಫಟಾಫಟ್ ಬುಕ್ ಆಗುತ್ತೆ ತತ್ಕಾಲ್ ರೈಲು ಟಿಕೆಟ್ಸ್, ಟಿಕೆಟ್ ಕ್ಯಾನ್ಸಲ್ ಆದರೆ ತಕ್ಷಣ ಸಿಗುತ್ತೆ ರೀಫಂಡ್
ರೆಪೋ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ:
ಇದಲ್ಲದೆ, ಬಡ್ಡಿದರಗಳಲ್ಲಿ ಯಾವುದೇ ಬದಲಾವಣೆ ಮಾಡದಿರಲು ಆರ್‌ಬಿಐ (RBI) ನಿರ್ಧರಿಸಿದೆ ಎಂದು ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಹೇಳಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ, ರೆಪೊ ದರವನ್ನು 4 ಶೇಕಡದಲ್ಲಿ ಇರಿಸಲಾಗಿದ್ದು, ರಿವರ್ಸ್ ರೆಪೊ ದರವನ್ನು 3.35 ಶೇಕಡದಲ್ಲಿ ಇರಿಸಲಾಗಿದೆ. ಇದರೊಂದಿಗೆ, 2021-22ರ ಜಿಡಿಪಿ ಬೆಳವಣಿಗೆಯ ಮುನ್ಸೂಚನೆಯನ್ನು ರಿಸರ್ವ್ ಬ್ಯಾಂಕ್ 9.5 ಶೇಕಡದಲ್ಲಿ ಉಳಿಸಿಕೊಂಡಿದೆ.
ಇದನ್ನೂ ಓದಿ- LIC ಈ ಯೋಜನೆಯಲ್ಲಿ ಪ್ರತಿದಿನ ₹200 ಹೂಡಿಕೆ ಮಾಡಿ, ಪಡೆಯಿರಿ ₹28 ಲಕ್ಷ ಲಾಭ!
SMS ಮತ್ತು IVRS ಚಾನೆಲ್‌ಗಳಿಗೆ ಪ್ರತಿ ವಹಿವಾಟಿನ ಮಿತಿ 5000:
ಇದರ ಹೊರತಾಗಿ, ಆರ್‌ಟಿಜಿಎಸ್ ಸೇವೆ ಕೂಡ ಈಗ 24 ಗಂಟೆಯೂ ಲಭ್ಯವಿರಲಿದೆ. ಆರ್‌ಟಿಜಿಎಸ್ ನಂತರ, ಈಗ ಐಎಂಪಿಎಸ್‌ನ ವಸಾಹತು ಚಕ್ರವನ್ನು ಹೆಚ್ಚಿಸಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಆರ್‌ಬಿಐ ಹೇಳಿದೆ. IMPS ಮಿತಿಯ ಹೆಚ್ಚಳದಿಂದಾಗಿ ಡಿಜಿಟಲ್ ಪಾವತಿಗಳು ಉತ್ತೇಜನ ಪಡೆಯುತ್ತವೆ. ಅಂದರೆ, ಈಗ ಗ್ರಾಹಕರು ಎರಡು ಲಕ್ಷ ರೂಪಾಯಿಗಳಿಗಿಂತ ಹೆಚ್ಚಿನ ಡಿಜಿಟಲ್ ಪಾವತಿಗಳನ್ನು ಸುಲಭವಾಗಿ ಮಾಡಬಹುದು ಎಂದು ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ತಿಳಿಸಿದ್ದಾರೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
!["ವಿವಾಹಿತ ನಟರ ಹಿಂದೆ ಹೋಗಿಲ್ಲ... ಹಣಕ್ಕಾಗಿ ʼಆʼ ಕೆಲಸ ಮಾಡಿಲ್ಲ" ಖ್ಯಾತ ನಟಿ ಸೆನ್ಸೇಷನಲ್ ಕಾಮೆಂಟ್!](https://kannada.cdn.zeenews.com/kannada/sites/default/files/styles/zm_175x100/public/2024/06/26/416338-vanisri.jpg?itok=-FtnbP-M ""ವಿವಾಹಿತ ನಟರ ಹಿಂದೆ ಹೋಗಿಲ್ಲ... ಹಣಕ್ಕಾಗಿ ʼಆʼ ಕೆಲಸ ಮಾಡಿಲ್ಲ" ಖ್ಯಾತ ನಟಿ ಸೆನ್ಸೇಷನಲ್ ಕಾಮೆಂಟ್!")
