EPFO Latest News: ಸುಸ್ತಿದಾರ ಕಂಪನಿಗಳಿಗೆ ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯ ಬಿಗ್ ಶಾಕ್ ನೀಡಿದೆ. ಉದ್ಯೋಗಿಗಳ ಪಿಎಫ್ ಖಾತೆಗೆ ತಮ್ಮ ಕೊಡುಗೆಯನ್ನು ಜಮಾ ಮಾಡದ ಕಂಪನಿಗಳು. 100 ರಷ್ಟು ನಷ್ಟವನ್ನು ಅವರು ಭರಿಸಬೇಕಾಗುತ್ತದೆ. ಈ ಕುರಿತು ಟ್ವೀಟ್ ಮಾಡಿರುವ ಇಪಿಎಫ್ಓ, ಕಂಪನಿಯು ಉದ್ಯೋಗಿಗಳ ಖಾತೆಗೆ ಠೇವಣಿ ಮಾಡುವ ಕೊಡುಗೆಯನ್ನು ಪಾವತಿಸದೆ ಇದ್ದರೆ, ಇನ್ಮುಂದೆ ಉದ್ಯೋಗದಾತರು ಅದನ್ನು ಅದರ ಬಡ್ಡಿಯೊಂದಿಗೆ ಪಾವತಿಸಬೇಕಾಗಲಿದೆ ಎಂದು ಹೇಳಲಾಗಿದೆ.
ಎರಡು ತಿಂಗಳವರೆಗಿನ ಸುಸ್ತಿದಾರರಿಂದ ಶೇ 5ರಷ್ಟು ಬಡ್ಡಿಯನ್ನು ವಸೂಲಿ ಮಾಡಲಾಗುವುದು ಎಂದು ಕಾರ್ಮಿಕ ಸಚಿವಾಲಯ ತಿಳಿಸಿದೆ. 2-4 ತಿಂಗಳವರೆಗೆ ಡೀಫಾಲ್ಟ್ ಮಾಡುವ ಉದ್ಯೋಗದಾತರಿಗೆ ಶೇಕಡಾ 10 ರ ದರದಲ್ಲಿ ಬಡ್ಡಿ ವಿಧಿಸಲಾಗುತ್ತದೆ. 4-6 ತಿಂಗಳಿಂದ ಡೀಫಾಲ್ಟ್ ಮಾಡಿದ ಉದ್ಯೋಗದಾತರಿಂದ ಶೇಕಡಾ 15 ರಷ್ಟು ಬಡ್ಡಿಯನ್ನು ಮತ್ತು 6 ತಿಂಗಳಿಗಿಂತ ಹೆಚ್ಚು ಕಾಲ ನೌಕರರ ಪಿಎಫ್ ಖಾತೆಗೆ ತಮ್ಮ ಕೊಡುಗೆಯನ್ನು ಜಮಾ ಮಾಡದ ಸುಸ್ತಿದಾರ ಕಂಪನಿಯಿಂದ ಶೇಕಡಾ 25 ರಷ್ಟು ಬಡ್ಡಿಯನ್ನು ವಸೂಲಿ ಮಾಡಲಾಗುತ್ತದೆ ಎಂದು ಸ್ಪಷ್ಟಪಡಿಸಲಾಗಿದೆ.
ಭವಿಷ್ಯ ನಿಧಿ (ಪಿಎಫ್) ಒಂದು ನಿವೃತ್ತಿ ಪ್ರಯೋಜನ ಯೋಜನೆಯಾಗಿದೆ, ಇದು ನಿರ್ದಿಷ್ಟ ಸಂಬಳದ ಮಿತಿಗಿಂತ ಕಡಿಮೆ ಗಳಿಸುತ್ತಿರುವ ಎಲ್ಲಾ ಉದ್ಯೋಗಿಗಳಿಗೆ ಅನ್ವಯಿಸುತ್ತದೆ. ಉದ್ಯೋಗದಾತ ಮತ್ತು ಉದ್ಯೋಗಿ ಇಬ್ಬರೂ ಪಿಎಫ್‌ಗೆ ಕೊಡುಗೆ ನೀಡುತ್ತಾರೆ ಮತ್ತು ಉದ್ಯೋಗಿಯ ಪಿಎಫ್ ಖಾತೆಗೆ ಕೊಡುಗೆಯನ್ನು ಜಮಾ ಮಾಡಲು ಉದ್ಯೋಗದಾತರು ಜವಾಬ್ದಾರರಾಗಿರುತ್ತಾರೆ.
ಉದ್ಯೋಗದಾತರು ತಮ್ಮ ಕೊಡುಗೆಯನ್ನು ಠೇವಣಿ ಮಾಡಲು ಪಿಎಫ್ ನಿಯಮಗಳು ಈ ಕೆಳಗಿನಂತಿವೆ
ಕೊಡುಗೆ ದರ
ಉದ್ಯೋಗದಾತನು ಉದ್ಯೋಗಿಯ ಸಂಬಳದ ನಿರ್ದಿಷ್ಟ ಶೇಕಡಾವಾರು ಮೊತ್ತವನ್ನು ಪಿಎಫ್ ಖಾತೆಗೆ ನೀಡಬೇಕಾಗುತ್ತದೆ. ಪ್ರಸ್ತುತ ಕೊಡುಗೆ ದರವು ಉದ್ಯೋಗಿಯ ಮೂಲ ವೇತನ ಮತ್ತು ತುಟ್ಟಿ ಭತ್ಯೆಯ 12% ಆಗಿದೆ.
ಸಕಾಲಿಕ ಠೇವಣಿ
ಉದ್ಯೋಗದಾತನು ಮುಂದಿನ ತಿಂಗಳ 15 ದಿನಗಳಲ್ಲಿ ಪ್ರತಿ ತಿಂಗಳು ಪಿಎಫ್ ಕೊಡುಗೆಯನ್ನು ಠೇವಣಿ ಮಾಡಬೇಕು. ಉದಾಹರಣೆಗೆ, ಜನವರಿ ತಿಂಗಳ ಕೊಡುಗೆಯನ್ನು ಫೆಬ್ರವರಿ 15 ರೊಳಗೆ ಠೇವಣಿ ಮಾಡಬೇಕು.
ಆನ್ಲೈನ್ ಪಾವತಿ
ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯ (ಇಪಿಎಫ್‌ಒ) ಎಲೆಕ್ಟ್ರಾನಿಕ್ ಚಲನ್ ಕಮ್ ರಿಟರ್ನ್ (ಇಸಿಆರ್) ಪೋರ್ಟಲ್ ಮೂಲಕ ಆನ್‌ಲೈನ್‌ನಲ್ಲಿ ಪಿಎಫ್ ಕೊಡುಗೆಯನ್ನು ಪಾವತಿಸಬೇಕು. ಉದ್ಯೋಗದಾತನು ತನ್ನ ಹೆಸರನ್ನು ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು ಮತ್ತು ಆನ್ಲೈನ್ ಪಾವತಿಯನ್ನು ಮಾಡಲು ಉದ್ಯೋಗದಾತ ID ಅನ್ನು ರಚಿಸಬೇಕು.
ಪಿಎಫ್ ಖಾತೆ ಸಂಖ್ಯೆ
ಉದ್ಯೋಗದಾತನು ಪಿಎಫ್ ಕೊಡುಗೆಯನ್ನು ಉದ್ಯೋಗಿಯ ಸರಿಯಾದ ಪಿಎಫ್ ಖಾತೆ ಸಂಖ್ಯೆಯಲ್ಲಿ ಠೇವಣಿ ಮಾಡಲಾಗಿದೆಯೆ ಎಂಬುದನ್ನೂ ಖಚಿತಪಡಿಸಿಕೊಳ್ಳಬೇಕು. ಪಿಎಫ್ ಖಾತೆ ಸಂಖ್ಯೆಯು ಪ್ರತಿ ಉದ್ಯೋಗಿಯ ಪಿಎಫ್ ಖಾತೆಗೆ ನಿಯೋಜಿಸಲಾದ ವಿಶಿಷ್ಟ ಗುರುತಿನ ಸಂಖ್ಯೆಯಾಗಿದೆ ಮತ್ತು ಕೊಡುಗೆಯನ್ನು ಸರಿಯಾದ ಖಾತೆಯಲ್ಲಿ ಠೇವಣಿ ಮಾಡಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳುವ ಅವಶ್ಯಕತೆ ಇರುತ್ತದೆ.
ಇದನ್ನೂ ಓದಿ-Good News: 40 ಲಕ್ಷಕ್ಕೂ ಅಧಿಕ ಸರ್ಕಾರಿ ನೌಕರರಿಗೆ ಭಾರಿ ಸಂತಸದ ಸುದ್ದಿ, ಸರ್ಕಾರ ಕೈಗೊಂಡಿದೆ ಈ ನಿರ್ಧಾರ!
ಬಡ್ಡಿ ಲೆಕ್ಕಾಚಾರ
ಉದ್ಯೋಗದಾತರು ನೀಡಿದ ಪಿಎಫ್ ಕೊಡುಗೆಯು ನಿಶ್ಚಿತ ದರದಲ್ಲಿ ಬಡ್ಡಿಯನ್ನು ಆಕರ್ಷಿಸುತ್ತದೆ, ಇದನ್ನು ಇಪಿಎಫ್‌ಒ ನಿರ್ಧರಿಸುತ್ತದೆ. ಉದ್ಯೋಗದಾತನು ಪ್ರತಿ ವರ್ಷ ಬಡ್ಡಿಯನ್ನು ಸರಿಯಾಗಿ ಲೆಕ್ಕಹಾಕಿ ಉದ್ಯೋಗಿಯ ಪಿಎಫ್ ಖಾತೆಗೆ ಜಮಾ ಮಾಡುವುದನ್ನು ಖಚಿತಪಡಿಸಿಕೊಳ್ಳಬೇಕು.
ಇದನ್ನೂ ಓದಿ-Good News: ನಿಮ್ಮ ಬಳಿಯೂ ಎಟಿಎಂ ಕಾರ್ಡ್ ಇದೆಯಾ? ಹಾಗಾದರೆ ಈ ಸಂತಸದ ಸುದ್ದಿ ಕೇವಲ ನಿಮಗಾಗಿ!
ನಿಯಮಗಳ ಅನುಸರಣೆ
ಉದ್ಯೋಗದಾತರು ಎಲ್ಲಾ ಪಿಎಫ್ ನಿಯಮಗಳು ಮತ್ತು ನಿಬಂಧನೆಗಳನ್ನು ಅನುಸರಿಸಬೇಕು, ಕೊಡುಗೆಗಳ ಸಮಯೋಚಿತ ಠೇವಣಿ, ಅಗತ್ಯ ನಮೂನೆಗಳು ಮತ್ತು ರಿಟರ್ನ್‌ಗಳ ಸಲ್ಲಿಕೆ ಮತ್ತು ಪಿಎಫ್ ಗೆ ಸಂಬಂಧಿಸಿದ ದಾಖಲೆಗಳ ನಿರ್ವಹಣೆ ಇವುಗಳಲ್ಲಿ ಶಾಮೀಲಾಗಿವೆ.
ಉದ್ಯೋಗದಾತರು ತಮ್ಮ ಉದ್ಯೋಗಿಗಳ ನಿವೃತ್ತಿ ಪ್ರಯೋಜನಗಳನ್ನು ಸಮರ್ಪಕವಾಗಿ ರಕ್ಷಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳಲು ಪಿಎಫ್ ನಿಯಮಗಳು ಮತ್ತು ನಿಬಂಧನೆಗಳನ್ನು ಅನುಸರಿಸಬೇಕು ಎಂಬುದು ಇಲ್ಲಿ ಗಮನಾರ್ಹ. ಈ ನಿಯಮಗಳನ್ನು ಅನುಸರಿಸಲು ವಿಫಲವಾದರೆ ದಂಡಗಳು ಮತ್ತು ಕಾನೂನು ಕ್ರಮಗಳಿಗೆ ಕಾರಣವಾಗಬಹುದು.
ಇದನ್ನೂ ನೋಡಿ-
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
