GST Council Meet: ನಕಲಿ ಬಿಲ್ ನೀಡುವವರ ಮೇಲೆ ನಿಯಂತ್ರಣ, ರೀಟರ್ನ್ ನಲ್ಲಿ ಹೆಚ್ಚುವರಿ ಪರಿಶೀಲನೆಯ ಸಾಧ್ಯತೆ

GST Council Meeting: ಜಿಎಸ್‌ಟಿ ಕೌನ್ಸಿಲ್ ಮುಂದಿನ ತಿಂಗಳು ನಡೆಯಬೇಕಿರುವ ತನ್ನ ಸಭೆಯಲ್ಲಿ ಜಿಎಸ್‌ಟಿ ರಿಟರ್ನ್ ಫೈಲಿಂಗ್ ವ್ಯವಸ್ಥೆಯಲ್ಲಿ ಹೆಚ್ಚುವರಿ ಪರಿಶೀಲನೆಗಾಗಿ ಸಿಬಿಐಸಿಯ ಪ್ರಸ್ತಾವನೆಯನ್ನು ಪರಿಗಣಿಸುವ ಸಾಧ್ಯತೆಯಿದೆ. ತೆರಿಗೆ ವಂಚನೆ ಮತ್ತು ನಕಲಿ ಇನ್‌ಪುಟ್ ಟ್ಯಾಕ್ಸ್ ಕ್ರೆಡಿಟ್ (ಐಟಿಸಿ) ಕ್ಲೈಮ್‌ಗಳನ್ನು ತಡೆಯಲು ಯೋಜನೆಯನ್ನು ಪರೀಕ್ಷಿಸಲಾಗುವುದು ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ನವೆಂಬರ್, 2020 ರಿಂದ ವಿಶೇಷ ಡ್ರೈವ್‌ನಲ್ಲಿ ಕೇಂದ್ರ ಏಜೆನ್ಸಿಗಳು 62,000 ಕೋಟಿ ರೂಪಾಯಿ ಮೌಲ್ಯದ ಬೋಗಸ್ ಐಟಿಸಿ ಕ್ಲೈಮ್‌ಗಳನ್ನು ಪತ್ತೆಹಚ್ಚಿವೆ ಮತ್ತು ಕೆಲವು ವೃತ್ತಿಪರರು ಸೇರಿದಂತೆ 776 ಜನರನ್ನು ಬಂಧಿಸಿವೆ.

ನಕಲಿ ಬಿಲ್ ನೀಡುವವರಿಗೆ ಕಡಿವಾಣ ಬೀಳಲಿದೆ
ರಿಟರ್ನ್ ಫೈಲಿಂಗ್ ವ್ಯವಸ್ಥೆಗೆ ಕೆಲವು ಹೆಚ್ಚುವರಿ ಪರಿಶೀಲನಾ ಕ್ರಮಗಳನ್ನು ಸೇರಿಸುವ ಉದ್ದೇಶವು ವಂಚನೆಗಳು ಮತ್ತು ಆದಾಯದ ನಷ್ಟವನ್ನು ನಿಗ್ರಹಿಸುವುದಾಗಿದೆ. ಕೇಂದ್ರೀಯ ಪರೋಕ್ಷ ತೆರಿಗೆಗಳು ಮತ್ತು ಕಸ್ಟಮ್ಸ್ ಮಂಡಳಿ (CBIC) ಕಳೆದ ವಾರ GST ನೋಂದಣಿಗಾಗಿ ಪರಿಶೀಲನೆ ಮತ್ತು ಅಪಾಯದ ರೇಟಿಂಗ್ ಅನ್ನು ಪರಿಚಯಿಸಿತ್ತು. ಐಟಿಸಿ ಪ್ರಯೋಜನಗಳನ್ನು ಪಡೆಯಲು ಮತ್ತು ಬೊಕ್ಕಸಕ್ಕೆ ನಷ್ಟ ಉಂಟು ಮಾಡಲು ನಕಲಿ ಬಿಲ್‌ಗಳನ್ನು ನೀಡುವವರಿಗೆ ಕಡಿವಾಣ ಹಾಕುವುದು ಇದರ ಉದ್ದೇಶವಾಗಿದೆ.

ಇದನ್ನೂ ಓದಿ-Biparjoy Cyclone Update: ಬಿಪರ್ಜೋಯ್ ಹಿನ್ನೆಲೆ ಬಂದ ಕ್ಲೈಮ್ ಗಳನ್ನು ತ್ವರಿತ ಇತ್ಯರ್ಥಪಡಿಸಿ, ವಿಮಾ ಕಂಪನಿಗಳಿಗೆ ಐಆರ್ಡಿಎಐ ನಿರ್ದೇಶನ

ನೋಂದಣಿ ಮತ್ತು ರಿಟರ್ನ್ಸ್ ಸಲ್ಲಿಸುವ ಸಮಯದಲ್ಲಿ ಹೆಚ್ಚುವರಿ ಪರಿಶೀಲನೆಯ ತಂತ್ರವು ಕಳ್ಳತನವನ್ನು ತೆಗೆದುಹಾಕುವ ಗುರಿಯನ್ನು ಹೊಂದಿದೆ ಎಂದು ಅಧಿಕಾರಿ ಹೇಳಿದ್ದಾರೆ. ಪ್ರಾಮಾಣಿಕ ತೆರಿಗೆದಾರರಿಗೆ ಪ್ರಕ್ರಿಯೆಯು ತೊಡಕಾಗದ ರೀತಿಯಲ್ಲಿ ರಿಟರ್ನ್ ಫೈಲಿಂಗ್ ವ್ಯವಸ್ಥೆಯಲ್ಲಿ ಪರಿಶೀಲನೆಯನ್ನು ಪರಿಚಯಿಸಲು ನಾವು ಯೋಜಿಸುತ್ತಿದ್ದೇವೆ ಎಂದು ಅಧಿಕಾರಿ ಹೇಳಿದ್ದಾರೆ.

ಇದನ್ನೂ ಓದಿ-Export Fall: ಮೇ ತಿಂಗಳಿನಲ್ಲಿ 5 ತಿಂಗಳ ದಾಖಲೆಯ ಕನಿಷ್ಠ ಮಟ್ಟಕ್ಕೆ ಜಾರಿದ ದೇಶದ ರಫ್ತು

ತೆರಿಗೆ ಇಲಾಖೆಯು ಪರಿಶೀಲನೆಯನ್ನು ನಡೆಸಲಿದೆ ಮತ್ತು ಅನುಮಾನಾಸ್ಪದ ಸಂದರ್ಭಗಳಲ್ಲಿ ITC ಕ್ಲೈಮ್‌ಗಳನ್ನು ಅದು ತಡೆಹಿಡಿಯುವ ಸಾಧ್ಯತೆ ಇದೆ. ಈ ಪ್ರಸ್ತಾವನೆಗೆ ಜಿಎಸ್‌ಟಿ ಕೌನ್ಸಿಲ್‌ನ ಅನುಮೋದನೆ ಪಡೆಯಬೇಕು. ಜುಲೈ 11 ರಂದು ನಡೆಯಬೇಕಿರುವ ಕೌನ್ಸಿಲ್ ಸಭೆಯಲ್ಲಿ ಈ ಬಗ್ಗೆ ಚರ್ಚೆ ನಡೆಯುವ ಸಾಧ್ಯತೆ ಇದೆ.

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://bit.ly/3LwfnhK 
Instagram Link -  https://bit.ly/3LyfY2l 
Sharechat Link - https://bit.ly/3LCjokI ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.