ମାଳମାଳ ଅଟୋରିକ୍ସା ସିଜ କଲା ଭୁବନେଶ୍ୱର ଟ୍ରାଫିକ ପୋଲିସ, ଦୁଇ ହଜାର ଡ୍ରାଇଭରଙ୍କ ଉପରେ ଫାଇନ

ଆଜି ଅଟୋ  ଉପରେ ଭୁବନେଶ୍ବର ଟ୍ରାଫିକ ପୋଲିସ ଚଢାଉ କରିଛି। ବିନା‌ ଫିଟନେସ, ବିନା ଇନସୁରାନସରେ ଗଡୁଥିବା ଅଟୋକୁ ସିଜ୍ କରିଛି ପୋଲିସ।ମୋଟର ଭେଇକିଲ ଆକ୍ଟ ଓ ସୁପ୍ରିମକୋର୍ଟ ଗାଇଡ ଲାଇନ ଉଲଙ୍ଘନ କରୁଥିବା ୨୭ଟି ଅଟୋ ଜବତ କରାଯାଇଛି । ରାଜଧାନୀର ବିଭିନ୍ନ ଛକରେ ଅଟୋ ଚାଳନା ଉପରେ ଚେକିଂ କରି ଅଟୋକୁ ଜବତ କରାଯାଇଛି । ଅଟୋ ଗୁଡିକୁ ଏଜି ଟ୍ରାଫିକ ଥାନା ପରିସରରେ ରଖାଯାଇଛି । ଯେ କେହି ବିପଦଜନ୍ନକ ଭାବେ ଯାତ୍ରୀଙ୍କୁ ଉଠାଇ ନେବା ଆଣିବା କରୂଥିଲେ ତାଙ୍କୁ ଯାଞ୍ଚ କରାଯାଇଥିଲା । ଯାଂଚ ବେଳେ ଜଣା ପଡିଥିଲା ଯେ  ସ୍କୁଲ ପିଲାଠୁ ଆରମ୍ଭ କରି ଶ୍ରମିକ ଓ ଯାତ୍ରୀଙ୍କୁ କ୍ଷମତାଠୁ ଅଧିକ ଗାଡ଼ିରେ ଲୋଡ କରି ଅଟୋ ଚାଳକ ନେବା ଆଣିବା କରୁଛନ୍ତି । ଏନେଇ ସ୍ପେଶାଲ ଡ୍ରାଇଭ କରି ଟ୍ରାଫିକ ପୋଲିସ ଅଟୋ ଜବତ କରିଛି । 

କେବଳ ସେତିକି ନୁହଁ , ଅନେକ ସମୟରେ ଅଟୋ ଚାଳକଙ୍କ ବିରୋଧରେ ବିଭିନ୍ନ ଅଭିଯୋଗ ଆସିଛି । କେତେ ବେଳେ ମଦ ପିଇ ଗାଡ଼ି ଚଳାଇବା,  ବିପଦ ପୂର୍ଣ୍ଣ  ଏବଂ ରଫ ଗାଡ଼ି ଚାଳନା ସହ ଖରାପ ବ୍ୟବହାର ଯାତ୍ରୀଙ୍କୁ ଅତିଷ୍ଠ କରିବା ଅଭିଯୋଗ ହୋଇଛି। ଯାତ୍ରୀ ଓ ଚାଳକ ହାତାହାତି ହେବା ଘଟଣା ସାମ୍ନାକୁ ଆସିଛି ।