Shani Gochar 2025 Horoscope: ମାର୍ଗି ହେବା ପୂର୍ବରୁ ୩ ରାଶିଙ୍କ ଉପରେ କୃପାବୃଷ୍ଟି କଲେ ଶନିଦେବ

ମେଷ ରାଶି ଶନିଦେବଙ୍କ ଏହି ଗୋଚର ମେଷ ରାଶିର ବ୍ୟକ୍ତି ବିଶେଷଙ୍କ ପାଇଁ ବିଶେଷ ଲାଭର ଯୋଗ ସୃଷ୍ଟି ହେବାକୁ ଯାଉଛି। ଏହି ସମୟରେ ମେଷ ରାଶିର ବ୍ୟକ୍ତିବିଶେଷଙ୍କୁ ପରିଶ୍ରମର ଫଳ ମିଳିବ। ଦୀର୍ଘ ଦିନ ଧରି ଅଟକି ଥିବା ପ୍ରୋଜେକ୍ଟ ପୂରା ହେବ। ଚାକିରିଆମାନଙ୍କ ପାଇଁ ପଦୋନ୍ନତି ଓ ନୂଆ ଦାୟିତ୍ୱ ମିଳିବାର ସମ୍ଭାବନା ରହିଛି। ବ୍ୟବସାୟୀମାନେ ନୂଆ ନିବେଶ କରିବେ। ବୁଝିବିଚାରି ନିଷ୍ପତ୍ତି ନେଇ ଲାଭରେ ରହିବେ। ଧାତୁ ସହିତ ଜ଼ଡ଼ିତ ବ୍ୟବସାୟୀମାନେ ବେଶ ଲାଭ ରୋଜଗାର କରିବେ। ଏହା ସହିତ ମେଷ ରାଶିର ବ୍ୟକ୍ତିବିଶେଷ ଆଧ୍ୟାତ୍ମିକ ଓ ମାନସିକ ଶାନ୍ତି ଲାଭ କରିବେ। ନକରାତ୍ମକ ଶକ୍ତି କବଳରୁ ମୁକ୍ତି ମିଳିବ। ଆତ୍ମବିଶ୍ୱାସ ବୃଦ୍ଧି ପାଇବ। ତରବରିଆ ଭାବେ କୌଣସି ନିଷ୍ପତ୍ତି ନିଅନ୍ତୁ ନାହିଁ। 

କନ୍ୟା ରାଶି କନ୍ୟା ରାଶିର ବ୍ୟକ୍ତିବିଶେଷଙ୍କ ଉପରେ ଶନିଦେବଙ୍କ ଏହି ଗୋଚର ଗଭୀର ଭାବେ ପ୍ରଭାବିତ କରିବ। ଏହି ଗୋଚର ପାରିବାରିକ ଜୀବନରେ ସ୍ଥିରତା ଏବଂ ସୁଖ ଆଣିବ। ଘରେ ସୁଖ ଏବଂ ଶାନ୍ତିର ପରିବେଶ ରହିବ। ଜମି, ଯାନ ଏବଂ ସମ୍ପତ୍ତି କ୍ରୟ କରିବାର ସମ୍ଭାବନା ଅଛି। ପୁରୁଣା ପାରିବାରିକ ବିବାଦ ସମାପ୍ତ ହେବ, ଏବଂ ସମ୍ପର୍କ ମଧୁର ହୋଇଯିବ। ସ୍ୱାସ୍ଥ୍ୟରେ ଉନ୍ନତି ହେବ ଏବଂ ପୁରୁଣା ରୋଗରୁ ମୁକ୍ତି ମିଳିବ। ମାନସିକ ଚାପ ହ୍ରାସ ପାଇବ। ସେମାନେ ନୂତନ ଶକ୍ତି ସହିତ କାମ କରିବାକୁ ସମର୍ଥ ହେବେ। ଅବିବାହିତଙ୍କ ପାଇଁ ବିବାହ ଯୋଗ ରହିଛି। ପ୍ରେମ ସମ୍ପର୍କରେ ସ୍ଥିରତା ଏବଂ ବୁଝାମଣା ବୃଦ୍ଧି ପାଇବ। ପରିବାରର କାହା ସହିତ ଅହଂକାର ଭାବନା ରଖନ୍ତୁ ନାହିଁ।

ମକର ରାଶି ମକର ରାଶିର ବ୍ୟକ୍ତିବିଶେଷଙ୍କ ପାଇଁ ଶନିଦେବଙ୍କ ଗୋଚର ବେଶ ସକରାତ୍ମକ ପରିମାଣ ଦେବ। ଧନ ବୃଦ୍ଧି ଯୋଗ ରହିଛି। ଆତ୍ମବିଶ୍ୱାସ ବୃଦ୍ଧି ହେବ। ଆୟର ନୂଆ ପନ୍ଥା ଖୋଲିବ। ପୁରୁଣା ନିବେଶରୁ ମୋଟା ଅଙ୍କର ଲାଭ କମାଇବେ। ଆର୍ଥିକ ସଂକଟରୁ ମୁକ୍ତି ମିଳିବ। ବ୍ୟବସାୟରେ ବୃଦ୍ଧି ହେବ। ବିଦେଶୀ ବ୍ୟବସାୟରୁ ମଧ୍ୟ ରୋଜଗାରର ପନ୍ଥା ଖୋଲିବ। ବିଦ୍ୟାର୍ଥିମାନେ ଉଚ୍ଚଶିକ୍ଷା ପାଇଁ ବିଦେଶ ଗସ୍ତ କରିପାରନ୍ତି। ପ୍ରତିଯୋଗିତାମୂଳକ ପରୀକ୍ଷାରେ ବଡ଼ ସଫଳତା ହାତେଇବେ। ନୂଆ ସ୍କିଲ୍ସ ଶିକ୍ଷାଲାଭ ସହିତ କ୍ୟାରିୟରରେ ପ୍ରଗତି ପାଇଁ ଉତ୍ତମ ସମୟ। ଆପଣଙ୍କ ବାଣୀ ବେଶ ପ୍ରଭାବଶାଳୀ ରହିବ। ଖର୍ଚ୍ଚ ଉପରେ ନିୟନ୍ତ୍ରଣ ଆଣିବେ। 

ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ,ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬ 

Disclamer:ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।