PF ଆକାଉଣ୍ଟରୁ ଟଙ୍କା ଉଠାଇବାକୁ ନେଇ ବଦଳିଲା ନିୟମ! ବର୍ତ୍ତମାନ ଟଙ୍କା ଉଠାଇଲେ ଦେବାକୁ ପଡିବ ଟ୍ୟାକ୍ସ
Advertisement

PF ଆକାଉଣ୍ଟରୁ ଟଙ୍କା ଉଠାଇବାକୁ ନେଇ ବଦଳିଲା ନିୟମ! ବର୍ତ୍ତମାନ ଟଙ୍କା ଉଠାଇଲେ ଦେବାକୁ ପଡିବ ଟ୍ୟାକ୍ସ

PF Withdrawal Rule Change: ବଜେଟରେ PF ଆକାଉଣ୍ଟରୁ ଟଙ୍କା ଉଠାଇବାକୁ ନେଇ କିଛି ନିୟମ ପରିବର୍ତ୍ତନ କରାଯାଇଛି । ଯଦି ଆପଣ ପାଞ୍ଚ ବର୍ଷ ପୂର୍ବରୁ PF ରୁ ଟଙ୍କା ଉଠାନ୍ତି ତେବେ ବର୍ତ୍ତମାନ ଆପଣଙ୍କର TDS କଟାଯିବ । ଜାଣନ୍ତୁ ବିସ୍ତୃତ ଭାବରେ ...

ସାଙ୍କେତିକ ଛବି

EPFO Rule Change: ଦେଶର ସାଧାରଣ ବଜେଟରେ (Union budget 2023) ଅର୍ଥମନ୍ତ୍ରୀ ନିର୍ମଳା ସୀତାରମଣ ପ୍ରୋଭିଡେଣ୍ଟ ଫଣ୍ଡ (PF) ସହ ଜଡିତ ନିୟମକୁ ପରିବର୍ତ୍ତନ କରିଛନ୍ତି । ଯଦି ଇପିଏଫ୍ ଗ୍ରାହକ ଆକାଉଣ୍ଟ ଖୋଲିବାର ପାଞ୍ଚ ବର୍ଷ ପୂରା କରିନାହାଁନ୍ତି ଓ ସେ ନିଜ ଆକାଉଣ୍ଟରୁ ଟଙ୍କା ଉଠାଉଛନ୍ତି, ତେବେ ତାଙ୍କୁ ବର୍ତ୍ତମାନ ଟ୍ୟାକ୍ସ ଦେବାକୁ ପଡିବ । ପାଞ୍ଚ ବର୍ଷ ପରେ ଟଙ୍କା ଉଠାଇଲେ TDS କଟାଯିବ ନାହିଁ । ପାଞ୍ଚ ବର୍ଷ ପୂର୍ବରୁ PF ଆକାଉଣ୍ଟରୁ ଟଙ୍କା ଉଠାଇବା ଉପରେ TDS କଟାଯିବ । କେବଳ ଏତିକି ନୁହେଁ, ବର୍ଷକୁ ୨.୫୦ ଲକ୍ଷରୁ ଅଧିକ ମୂଲ୍ୟର PF କଣ୍ଟ୍ରିବ୍ୟୁସନ ମଧ୍ୟ ଟ୍ୟାକ୍ସ ଭିତରେ ଆସିବ ।

ବଜେଟରେ TDS ସମ୍ବନ୍ଧରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରାଯାଇଛି । ଯଦି ଆପଣ ୧ ଏପ୍ରିଲ୍ ୨୦୨୩ ପରେ ଆପଣଙ୍କର PF ଆକାଉଣ୍ଟରୁ ଟଙ୍କା ପ୍ରତ୍ୟାହାର କରନ୍ତି, ତେବେ ଆପଣଙ୍କୁ ୩୦% ପରିବର୍ତ୍ତେ ୨୦% ରେ TDS ଦେବାକୁ ପଡିବ । ଆପଣଙ୍କର ଆକାଉଣ୍ଟରେ ପାନ୍ କାର୍ଡ ଲିଙ୍କ୍ ହେଉ କିମ୍ବା ନ ହେଉ, ଯଦି ଆପଣ ୧ ଏପ୍ରିଲ୍ ୨୦୨୩ ପୂର୍ବରୁ EPF ରୁ ଟଙ୍କା ଉଠନ୍ତି, ତଥାପି ଆପଣଙ୍କୁ ପୂର୍ବ ପରି TDS ଦେବାକୁ ପଡିବ ।

୫ ବର୍ଷ ପରେ TDS ଲାଗୁ ହେବ ନାହିଁ
ଯଦି ଜଣେ ଆକାଉଣ୍ଟଧାରୀ ୫ ବର୍ଷ ମଧ୍ୟରେ ଟଙ୍କା ଉଠନ୍ତି, ତେବେ ତାଙ୍କୁ TDS ଦେବାକୁ ପଡିବ । ଏଥି ସହିତ ୫ ବର୍ଷ ପରେ ଟଙ୍କା ଉଠାଇବା ଉପରେ କୌଣସି ଟିଡିଏସ୍ ଆଦାୟ କରାଯିବ ନାହିଁ । ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟରେ ସୂଚନା ଦେଇ କହିଛନ୍ତି ଯେ ଟିଡିଏସ ପାଇଁ ୧୦,୦୦୦ ଟଙ୍କା ସୀମା ମଧ୍ୟ ହଟାଇ ଦିଆଯାଇଛି ।

ଏହା ରହିଛି ନିୟମ
ଲାଇଭ ମେଣ୍ଟର ଏକ ରିପୋର୍ଟ ଅନୁଯାୟୀ, ଟ୍ୟାକ୍ସ ବିଶେଷଜ୍ଞ ବଲୱନ୍ତ ଜୌନ କହିଛନ୍ତି ଯେ ଯଦି ପାନ ଆଧାର ସହିତ ଲିଙ୍କ ହୋଇ ନାହିଁ, ତେବେ ପିଏଫ କିମ୍ବା ଇପିଏଫ ଆକାଉଣ୍ଟ ଖୋଲିବାର ପାଞ୍ଚ ବର୍ଷ ପୂର୍ବରୁ ଯଦି ଟଙ୍କା ଉଠାଯାଏ, ତେବେ ପିଏଫ ଟଙ୍କା ଉଠାଇବା ଉପରେ ଟିକସ ଲାଗିବ । ଯଦି PF ଆକାଉଣ୍ଟ ଆକାଉଣ୍ଟଧାରୀଙ୍କ ପାନ୍ କାର୍ଡ ସହିତ ଲିଙ୍କ ଅଛି, ତେବେ ଟଙ୍କା ଉଠାଇବା ରାଶି ଉପରେ କୌଣସି TDS ଆଦାୟ କରାଯିବ ନାହିଁ । PF ରୁ ଟଙ୍କା ଉଠାଯାଉଥିବା ପରିମାଣ ସେହି ବର୍ଷ ପାଇଁ ଆକାଉଣ୍ଟଧାରୀଙ୍କ ମୋଟ ଟିକସଯୋଗ୍ୟ ଆୟରେ ଯୋଡାଯିବ ଓ PF ଆକାଉଣ୍ଟଧାରୀଙ୍କ ଆୟକର ସ୍ଲାବ ଅନୁଯାୟୀ ଟିକସ ନିଆଯିବ । ବଲୱନ୍ତ ଜୌନ କହିଛନ୍ତି ଯେ ଯଦି PF ଆକାଉଣ୍ଟ ଆକାଉଣ୍ଟଧାରୀଙ୍କ ପ୍ୟାନ କାର୍ଡ ସହିତ ଲିଙ୍କ୍ ନ ହୋଇଥାଏ, ତା’ହେଲେ ତାଙ୍କ PF ଆକାଉଣ୍ଟରେ ଉପଲବ୍ଧ ନେଟ୍ ରାଶି ଉପରେ TDS କଟାଯାଇଥାଏ । ବର୍ତ୍ତମାନ TDS ହାର ୩୦ ପ୍ରତିଶତ ଅଟେ, ଯାହା ୧ ଏପ୍ରିଲ୍ ୨୦୨୩ ରୁ ୨୦ ପ୍ରତିଶତକୁ ହ୍ରାସ ପାଇବ ।

ଏହା ବି ପଢ଼ନ୍ତୁ: NPS Employees: ନୂଆ ପେନସନ ପାଉଥିବା କର୍ମଚାରୀଙ୍କୁ ଜୋରଦାର ଝଟକା, ସରକାର ନେଲେ ବଡ଼ ପଦକ୍ଷେପ