Oral Cancer Symptoms: ପାଟିରେ ଦେଖାଦେଉଥିବା ଏହି ସାମାନ୍ୟ ଲକ୍ଷଣ ହୋଇପାରେ କ୍ୟାନସରର କାରଣ

Oral Cancer Symptoms: କେବଳ କର୍କଟ ରୋଗର ଉଲ୍ଲେଖ ଲୋକଙ୍କ ମନରେ ଏକ ଅଜଣା ଭୟ ସୃଷ୍ଟି କରିଥାଏ। ରିପୋର୍ଟ ଅନୁଯାୟୀ, ପ୍ରତିବର୍ଷ ସମଗ୍ର ବିଶ୍ୱରେ ପ୍ରାୟ ୧୯ ନିୟୁତ କର୍କଟ ରୋଗୀ ଚିହ୍ନଟ ହୁଅନ୍ତି । ଏହି ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି। ଠିକ୍ ସମୟରେ ଲକ୍ଷଣ (Oral Cancer Symptoms) ଚିହ୍ନଟ ହେଲେ କର୍କଟ ପ୍ରତିରୋଧ ସହଜ ହୋଇପାରିବ । କାରଣ ଠିକ୍ ସମୟରେ ଚିକିତ୍ସା ମିଳିଲେ ରୋଗୀର ଜୀବନ ବଞ୍ଚିଥାଏ। ପାଟି ବା ମୁହଁ କ୍ୟାନସର ଏପରି ଏକ ଅବସ୍ଥା ଯେଉଁଠାରେ ପାଟି ଭିତରେ ଥିବା ଟିସୁଗୁଡିକରେ ଅସ୍ୱାଭାବିକ ଏବଂ ଅନିୟନ୍ତ୍ରିତ କୋଷ ବୃଦ୍ଧି ହୋଇଥାଏ ।

ସାଧାରଣତଃ ପାଟି କର୍କଟ ରୋଗର କାରଣ ତମ୍ବାଖୁ, ସିଗାରେଟ୍ ଓ ନିଶାଦ୍ରବ୍ୟ ର ବ୍ୟବହାର ବୋଲି ବିବେଚନା କରାଯାଏ । ତେବେ ଏହାର ଅନ୍ତଃର୍ନିହିତ କାରଣ ଗୁଡ଼ିକ ମଧ୍ୟରେ ଏଚପିଭି ସଂକ୍ରମଣ, ପାଟିର ସ୍ୱଚ୍ଛତା ଖରାପ ହେବା, ଦାନ୍ତ ଜନିତ ସମସ୍ୟା, ଦାନ୍ତରେ ଦୀର୍ଘକାଳୀନ କ୍ଷତ କିମ୍ବା ଜଳାପୋଡ଼ା, ପୋଷକ ତତ୍ତ୍ୱର ଅଭାବ ଏବଂ ଜେନେଟିକ୍ସ ଅନ୍ତର୍ଭୁକ୍ତ ।

ମୁଖ କର୍କଟ ରୋଗର ପ୍ରାରମ୍ଭିକ ଲକ୍ଷଣ
ସାଧାରଣତଃ ପାଟି କର୍କଟ ରୋଗର ପ୍ରାରମ୍ଭିକ ଲକ୍ଷଣ ସାମାନ୍ୟ ହୋଇପାରେ । ତେବେ ସମୟ କ୍ରମେ ତାହା ଗୁରୁତର ହୋଇପାରେ। ତେବେ ଆସନ୍ତୁ ଜାଣିବା ପ୍ରାରମ୍ଭିକ ଲକ୍ଷଣ କ'ଣ ଏବଂ ଏହାକୁ କିପରି ରୋକାଯାଇପାରିବ...

ପାଟିରେ କ୍ଷତ ବା ଅଲସର ହେବା ଯାହା ୨-୩ ସପ୍ତାହ ପର୍ଯ୍ୟନ୍ତ ଭଲ ହୋଇନଥାଏ
ଗାଲ ଭିତରେ କିମ୍ବା ମାଢ଼ି ଉପରେ ଏକ ମୋଟା କିମ୍ବା କଠିନ ଦାଗ
ପାଟି ଭିତରେ କିମ୍ବା ଜିଭରେ ଧଳା କିମ୍ବା ଲାଲ ଦାଗ
ଚୋବାଇବା, କହିବା କିମ୍ବା ଗିଳିବାରେ ଅସୁବିଧା ଅନୁଭବ କରିବା
ଦାନ୍ତ କୋହଳ ହେବା କିମ୍ବା ଦାନ୍ତ ନଷ୍ଟ ହେବା
ଗଳାରେ ଯନ୍ତ୍ରଣା ହେବା
କାନରେ ଯନ୍ତ୍ରଣା ହେବା
ଚଉଡା କିମ୍ବା ଗାଲ ଫୁଲିବା
ପାଟିରୁ ବାରମ୍ବାର ରକ୍ତସ୍ରାବ ହେବା
ସ୍ୱରରେ ପରିବର୍ତ୍ତନ ହେବା
ପାଟିରୁ ଦୁର୍ଗନ୍ଧ
ହଠାତ୍ ଓଜନ ହ୍ରାସ ପାଇବା
ଭୋକ କମିବା
ଗଳାରେ ଏକ ଗଣ୍ଠି ଯାହା ଦୀର୍ଘ ସମୟ ଧରି ରହିବା

ଏହାର ଚିକିତ୍ସା କ'ଣ? 
କର୍କଟ ରୋଗର ଚିକିତ୍ସା ତିନୋଟି ଉପାୟରେ କରାଯାଏ: ପ୍ରଥମ, କର୍କଟ ରୋଗର ବୃଦ୍ଧି ଉପରେ ନିର୍ଭର କରି ଅସ୍ତ୍ରୋପଚାର 
ଦ୍ବିତୀୟ, ରେଡିଓଥେରାପି; ଏବଂ ତୃତୀୟ, କେମୋଥେରାପି । ଏସବୁ ସହାୟତାରେ କର୍କଟ ରୋଗର ଚିକିତ୍ସା କରାଯାଇପାରିବ। ଏହାଛଡ଼ା ତମ୍ବାଖୁ, ସିଗାରେଟ୍ ଓ ଗୁଟଖା ଭଳି ନିଶାଦ୍ରବ୍ୟ ସେବନ କରନ୍ତୁ ନାହିଁ।  ଏକ ସୁସ୍ଥ ଓ ପୁଷ୍ଟିକର ଖାଦ୍ୟ ଖାଆନ୍ତୁ ଯେଉଁଥିରେ ଫଳ ଏବଂ ପନିପରିବା ଅନ୍ତର୍ଭୁକ୍ତ । 
ପାଟି ପରିଚ୍ଛନ୍ନତା ପ୍ରତି ଧ୍ୟାନ ଦିଅନ୍ତୁ ଏବଂ ଦାନ୍ତ ଓ ପାଟିକୁ ଭଲସେ ସଫା ରଖନ୍ତୁ।  ଲକ୍ଷଣଗୁଡ଼ିକୁ ତୁରନ୍ତ ଚିହ୍ନଟ କରନ୍ତୁ; ଯାହା ରୋଗକୁ ରୋକିବାରେ ସାହାଯ୍ୟ କରିଥାଏ ।

(Disclaimer: ଆମର ଆର୍ଟିକିଲ୍ କେବଳ ସୂଚନା ପ୍ରଦାନ ପାଇଁ। କୌଣସି ସ୍ୱାସ୍ଥ୍ୟ ସମ୍ବନ୍ଧୀୟ ଟିପ୍ସ ଫଲୋ କରିବା ପୂର୍ବରୁ ସର୍ବଦା ଜଣେ ବିଶେଷଜ୍ଞ କିମ୍ବା ଆପଣଙ୍କ ଡାକ୍ତରଙ୍କ ସହିତ ପରାମର୍ଶ କରନ୍ତୁ । 

Also Read: Ketu Gochar 2025: ସିଂହରାଶିରେ ପ୍ରବେଶ କରିବେ କେତୁ, ୨୦୨୫ ବର୍ଷ ସାରା ମାଲାମାଲ୍ ଏହି ୪ ରାଶି

Also Read: 7 Dangerous Pandemic: କୋରାନା ନୁହେଁ ଏହି ୭ ମହାମାରୀ ଯାହା ଦୁନିଆକୁ କରିଦେଇଥିଲା ବରବାଦ