odia entertainment news: ଜୀ ସାର୍ଥକରେ ପ୍ରସାରିତ ହେବାକୁ ଯାଉଛି 'ମନ ରହିଗଲା ତୁମରି ଠାରେ'

odia entertainment news: ଓଡିଶାର ଘରେ ଘରେ ପରିଚିତ ଜୀ ସାର୍ଥକ ସବୁବେଳେ ଓଡ଼ିଆ ଘରର ପରମ୍ପରା ଓ ରୀତିନୀତିକୁ ଆଖିଆଗରେ ରଖି ଭେଟିଦିଏ ବିଭିନ୍ନ ମନୋରଞ୍ଜନ ଭିତ୍ତିକ କାର୍ଯ୍ୟକ୍ରମ ଓ ଧାରାବାହିକ । ଜୀ ସାର୍ଥକ ସବୁବେଳେ ଲୋକଙ୍କ ପସନ୍ଦକୁ ଗୁରୁତ୍ବ ଦେଇ ଆସୁଛି । ଦର୍ଶକଙ୍କ ପାଖରୁ ମିଳୁଥିବା ଅଗଣିତ ଭଲପାଇବା ଫଳରେ ଜୀ ସାର୍ଥକ ଦର୍ଶକଙ୍କ ଭଲ ପାଇବାକୁ ଧ୍ୟାନରେ ରଖି ମନଛୁଆଁ ଧାରାବାହିକ ସହିତ ଅନେକ ଫିଲ୍ମ ମଧ୍ୟ ପ୍ରସ୍ତୁତ କରୁଛନ୍ତି । ସେହି ପରିପ୍ରେକ୍ଷିରେ ଦେଖନ୍ତୁ ଆସନ୍ତା ୩୦ ତାରିଖ ଠାରୁ ପ୍ରତିଦିନ ସୋମ ରୁ ରବି ସନ୍ଧ୍ୟା ୬ ଟା ରେ ନୂଆ ମେଗା ଧାରାବାହିକ  'ମନ ରହିଗଲା ତୁମରି ଠାରେ'। 

ଅସୀ ଦଶକର ମଧ୍ୟଭାଗରେ ଅସୁବିଧାରେ ପଡି ଶ୍ୟାମୋଲି ତାଙ୍କ ଛୋଟ ଗାଁରୁ ଆସି ଭୁବନେଶ୍ୱରରେ ଏକ ନୂତନ ଜୀବନର ଆରମ୍ଭ କରନ୍ତି | ପ୍ରଥମେ ତାଙ୍କୁ ଏକ କ୍ୟାଟରିଂ କମ୍ପାନୀରେ କାମ ମିଳେ ଯେଉଁଠାରେ ତାଙ୍କର ରନ୍ଧନ ଶୈଳୀ କମ୍ପାନୀର ମାଲିକ କିଞ୍ଜଲଙ୍କୁ ପ୍ରଭାବିତ କରିଥାଏ | ଯଦିଓ ସେ ତାଙ୍କ ପ୍ରତି ଆକର୍ଷିତ ହୋଇଥିଲେ କିନ୍ତୁ ତାଙ୍କ ଅକସ୍ମାତ ମୃତ୍ଯୁ ଶ୍ୟାମୋଲିଙ୍କୁ ଦୋହଲାଇଦିଏ | ସେପଟେ କିଞ୍ଜଲଙ୍କ ଭାଇ ଅନିକେତ ଶ୍ୟାମୋଲିଙ୍କୁ ନିଜ ଭାଇର ମୃତ୍ଯୁ ପାଇଁ ଦାୟୀ କରିବା ସହ ତାଙ୍କୁ ବିବାହ କରିବାକୁ ଜିଦ୍ ଧରିଥିଲେ। ସମୟ ସହିତ, ସେମାନଙ୍କର ଅଶାନ୍ତପୂର୍ଣ ସମ୍ପର୍କ ପାରସ୍ପରିକ ସମ୍ମାନ ଏବଂ ଅପ୍ରତ୍ୟାଶିତ ପ୍ରେମରେ ପରିଣତ ହୁଏ କିନ୍ତୁ ହଠାତ କିଞ୍ଜଲ ଚମତ୍କାର ଭାବରେ ଫେରି ଆସନ୍ତି, ହେଲେ ଏବେ ଶ୍ୟାମୋଲି କରିବେ କ'ଣ ଜାଣିବା ପାଇଁ ଦେଖନ୍ତୁ ଆସନ୍ତା ୩୦ ତାରିଖ  ସୋମବାର ସନ୍ଧ୍ୟା ୬ ଟା ରେ 'ମନ ରହିଗଲା ତୁମରି ଠାରେ'।